ياويلي من الاحصاء .. حاسه انو بينزل المعدل ..~

[ليونه الاموره]

الاحصاااااااااء مررره سهل لاتشيلي همه كانت الاستازه اللي اعطتنا هو زي العسل الله يعطيها العافيه

[miss-busy]

والله العظيم نفس حالتي الترم الأول فتحت الكتاب قلت أخذ فكرة عنه استصعبته مرة وحسيته حايس عن جد حتى ما كنت أعرف لما أمسك الكتاب أنا ماسكته صح ولا مقلوب خخخخخخخخخخخخ وقلت أنا راسبة راسبة في دي المادة مافي كلام وخاصة إني كنت أدبي ومتخرجة لي 7 سنين ماني عارف إيش دي الرموز ولا إيش معانيها ( طلاسم) حتى لمل كنت أحضر السنترا في أشياء كنت أفهمها وأشياء أبدا ماتتمرر حتى من خط الدماغ
بعدين رحت لوحدة صحبتي فهمتني الرموز ومعانيها وكل شي ماكنت فاهمته ورحت ذاكرته باب باب طلع
وااااااااااااااو سهل موت والله أجزم لك أنه أعسل مادة مرت علي وجبت فيها ال 100
يعني أطمني تخيلي أن القوانين قدامك والألة معك إيش أحسن من كده
ربي يوفقك ان شاالله إنت بس إنتظري السنترا وذاكريه أول بأول وبالتوفيق

[الحااالمه]

مشااء الله عليكم من جد زي ماقالو انكم دوافير وربي الرياضياات اسهل وصلت لمن الباب الثالث ماقدرت اكمل حاسه انو الكتاب يخنق صعب وربي مره صعبالرياضيات كنت العب مع اخواتي واذاكر ورغم صعوبة الاختبار وسحبو مني الورقه وانا ما كملت الحل جبت 69 اتخيلو يمكن اكتر من 15 سؤال حليت اي كلام من غير ما اشوف السؤال او الجواب

[نسآاايم هوووآآآ]

الله يسهله يااارب

ربكــ كريييم...

[اضواء الحب]

يعني اخلي المذاكره بعد السنترا احســـــــــــن ...


يسسلمو والله ماقصرتو

[ريمية حبيبي]

صباحك سعادة وراحة بال
غاليتي ...
الاحصاء سهل مرررررررة
بس مايعني هذا الشي انو تهملي المادة ولاتذاكرينها الا وقت الاختبار لا
من الحين ابدئي
ايش هوا الاحصاء ؟
قانون حلوووو افهمي القانون طبقيه مرة اثنين ثلاثة عشرة الين تفهمينة
طبعا في الاحصاء احفظي التعاريف والاشياء المهمة
واتدربي على الالة وهذا هم شي
لانو لو عرفتي للاله راح يسهل عليك شي كثييييييييير
لانو القوانين راح تكون معاك في الاختبار
الاهم انو تعرفي كيف تستخدمي الاله وكيف تطبقي القانون
من الان ابدئي ذاكري وابدئي في فهم كل جوانب المادة
بس نصيحة لاتهملي مادة على حساب مادة
يعني تمسكي الاحصاء وتهملي باقي المواد
حتى التفكير والاتصال لازم تعطيها من وقتك لانو على سهولة المادة
جات الاسئلة دسمة شوي

وخلاص راح يمشي الحال
تعرفين انا احب اقدم الشكر لاانقلش مان ((السمو))
الله يسعده ويسهل امره بجد كان شرحة في القاعة الافتراضية رائع
واحب اشكر كمان الثامر له شروحات رائعة استفدت منها كثير

لاتعتمدي على السنترا بس لا
دوري على المعلومة الي تفيدك واستفيدي منها
ولاتهملي الكتاب ابد
ربي يوفقك ويسهل امرك

[ريمية حبيبي]

كمان احب اقول لك انو شروحات تاورجي جدا رائعة واستفدت منها
http://www.skaau.com/vb/showthread.php?t=130306
وافضل طريقة للمذاكرة ترتيب كل شي تقرئينة مثل ايام المدرسة
نوتة لكل مادة وابدئي في ترتيب الدروس
وتطبيق كل قانون وفهمو
وباذن الله ربي يوفقك ويسهل اامرك

[عبدو1276]

في مدرس مرة ممتاز متخصص في الاحصاء هيساعدك مرة اسمه ابو عمار جواله /0530483046

[nana19]

بالعكس الاحصاء مررررره سهل وقت الاختبار ما :كأني أختبر إحصاء
وانا ماذاكرت لا الباب السابع ولا الثامن وكمان ساعدونا لما أعطونا القوانين فورقه
وهو اللي رفع معدلي

[ndooo]

الاحصاء اسهل من الرياضيات الرياضيات اشارة تلخبطكي وتطلع حلك خطا اما الاحصاء قانون وتطبقى عليه هو الابواب الاخيرة جيبى لك مدرسه فيه وانا درست الاثنين وانا ادبي وجبت بالاحصاء علامه احلى من الرياضيات