انطباعكم عن اختبار الاستثمار اليوم

[مايسترو الرياض]

المشاركة الأصلية كتبت بواسطة عآآآدل يامايستروو شقتنا كل شوي اقوم واجيب الهاوس كيبينق علشان ينظفون اوراق الاستثمار حقتك ،، وصخت شقتنا بهن من كثرهن ورقه بها خط يدك تحل تمارين وورقه بها خط مدرسك المصري الي اخر حصه اخذوه الطالبات يدرسهن خصوصي وسحب عليك هههههههههه واخرتها تبي النجاح ،، على كثر اوراقك والتمارين الي انت حال توقعت بتجيب فل مارك لكن شكل الاسئله معقده الله يعينكم ،، معوكسه هالماده معك من المدرس الخصوصي الين مدرس الماده

ابشركــ يا صديقي عادل ... عديتها وجبت فيها 90 الحمد لله الاوراق ما راحت عبث ...


وبخصوص الشقة والاوراق اللي تنادي العمال يكنسونها .. انا ضيعت لي اوراق كثيرة لملخصات ناوي اذاكرها وانا اقول وين ضيعتها ... طلعت انت يالحبيب تنادي العمال ... وتنظيف وانا مابعد اختبرت اغلبها .... الله يوفق الجميع في نتائجهم المقبلة

[عآآآدل]

المشاركة الأصلية كتبت بواسطة مايسترو الرياض ابشركــ يا صديقي عادل ... عديتها وجبت فيها 90 الحمد لله الاوراق ما راحت عبث ... وبخصوص الشقة والاوراق اللي تنادي العمال يكنسونها .. انا ضيعت لي اوراق كثيرة لملخصات ناوي اذاكرها وانا اقول وين ضيعتها ... طلعت انت يالحبيب تنادي العمال ... وتنظيف وانا مابعد اختبرت اغلبها .... الله يوفق الجميع في نتائجهم المقبلة

بعدي والله ,, أنا متأكد أنك تقدر تجيب بكل هالمواد أكثر من هالدرجه بس لو تترك عنك الصايع الي بالي بالك وتترك الختات الخايبه كان معدلك من 4 ونص وفوق ..

الي لاحسن مخي أحد ياخذ بماده حره 66 وياخذ بماده تصنف من أصعب المواد 90 ههههههه هذا طال عمرك من الرجال الشرير الي طق المصري حق الرسبشن الترم الي فات هالرجال هذا لو تتركه ماتطيعه كأن أمورك بخير .. خرب علينا بكل شي الله يهديه أول نستاجر الليله بـ 250 ريال وبعد ماطق المصري عيوا يأجرونا رحنا أستاجرنا بـ 350 ريال لليله .. وعقبها دشُرك وكانت نتيجه الدشره 66 بماده حره هههههههههههه .. المهم هاك السوسه لاتطاوعه وتراك بخير

[كل شي وله بدايه @...]

الله يوفقكم ي رب انا اختبرت هالمادة الثلاثاء اللي فات وكان الامتحان صعب وطويل بمعنى الكلمة وكنت ضامنه الرسوب والحمدلله امس طلعت النتيجة ونجححححححححححححححححححححححححححححححححت الحمدلله والف شكر لك ي رب

[نايف الجعيد]

انطباعي عن الاختبار الدكتور جعل المادة نظرية بحته وبعد عن العملي وانا ركزت على العملي اكثر

لان العملي سهل لكن الشئ اللي قهرني ان اسئلة الصح والخطاء موجودة عندي في ملخص وجاءت نفسه بالضبط

وما اعطيتها اهتمام وكل شوي اقول ابغى اقراها واتجاهلها اما بالنسبة لموضوع المراقبيين الصراحة البعض منهم تقول كانه بروفيسور الدكتور ما تكلم في القاعة هو جالس يتكلم من راسه ومزعجيين

تمنياتي لكم بالتوفيق والنجاح

[البرنس الذهبي]

المشاركة الأصلية كتبت بواسطة نايف الجعيد انطباعي عن الاختبار الدكتور جعل المادة نظرية بحته وبعد عن العملي وانا ركزت على العملي اكثر لان العملي سهل لكن الشئ اللي قهرني ان اسئلة الصح والخطاء موجودة عندي في ملخص وجاءت نفسه بالضبط وما اعطيتها اهتمام وكل شوي اقول ابغى اقراها واتجاهلها اما بالنسبة لموضوع المراقبيين الصراحة البعض منهم تقول كانه بروفيسور الدكتور ما تكلم في القاعة هو جالس يتكلم من راسه ومزعجيين تمنياتي لكم بالتوفيق والنجاح

اخوي نايف ياليت تضع اسئلة الملخص

[خالد القحطاني]

الله يعيين ونفتك

[عميد بلا كليه]

ياجماعة الخير ان شاء الله خير ادعوا الله انه على كل شي قدير اللهم وفقنا في كل الاختبارات امين

[MoOnWaLkEr]

انا جاني نموذج أ التباين طلع صفر والعائد المتوقع 2500 قولو انه صح تكفون

ان شاء الله محد يحملها يارب وكلنا نعدي

[aqeel_anb]

انا زيك التباين لاشي والانحراف لاشي والعائد 2500 بس ما ادري صح او لا

[Faho0ode]

بالنسبة لنموذج أ
السؤال العملي الخاص بالاحتمال والعائد المتوقع لمحفظة واحده فقط
العائد المتوقع = 2500 ريال
الانحراف المعياري = 100000
التباين = 316.2
معامل الاختلاف = لا شيء مما ذكر
=================================

ملاحظة بعد خروجنا من الاختبار واجهنا الدكتور باستفسار بسيط جدا عن مسألة معامل الاختلاف وباننا بعد حسابه لم يكن موجود بالاجابات !!!!!!!!!!!!

كان رد الدكتور بان جميع الفقرات هـ ( لا شيء مما ذكر ) هي اجابات مبهمه وخاطئه ووضعها فقط شكليا .
وكل الاجابات موجوده في الاختيارات أ+ب+ج
هذا رده بالنص