طريقة الحصول على معدل 5 = كُن كالآلة . / الأخ دافور انتبه !

[شفع]

الحمد لله ..
الحمد لله اللي رزقني طريقة في تحصيل الدرجات غاية السهولة ونتائج غاية الرضى .
كيف ؟
- لا تضغط على نفسك وانتبه يعني لو تركز معي بتلاقي اشياء كثيرة قاعد
تحملها نفسك بدون فائدة بالعكس تتعبك ع الفاضي وباحاول اوريك بعض الاشياء في نقاط
لأنه ممكن يكون فيك وحدة أو زيادة من النقاط وغيرك فيه غيرهـآ .. <~ مواصل ومضيع شوي
بس باحاول اسهل واوصل الفكرة :
بسم الله ،
..@~> لا تضغط على نفسك وتجلس تسأل كل من هب ودب كيف ذاكر وكيف جاب معدل كذا وكيف وصل لكذا وكيف فهم،
كل واحد له طريقة مذاكرة قد تكون فريدة من نوعها وبداية التفريق في هذي النقطة السمع والبصر .. البعض بالبصر يفهم اكثر " يقرأ "
والبعض سماعي يعني اللي يسمعه يفهمه اسرع "يركز بالمحاضرة، يحاول يشوف له صديق يذاكرون سوا ويسمع منه"
وهذي للأمانة من نصائح الشيخ الالباني رحمه الله ولكن لقيت نفسي مطبقها من زمان قبل ما اعرفها من الالباني والحمد لله مجربها ونافعة والله .
..@~> شف المصدر اللي يريحك من الحين من بداية السنة يعني ملخصات ولا كتاب ولا اي شىء
يريحك تذاكر منه اكثر من غيره وتفهم منه اكثر من غيره وخليك عليه لآخر السنة لا تغيره ابداً .. إلا اذا قالوا لك فيه تست بنك او زي كذا .
..@~> اترك عنك الحماس الزايد ..
انتبه من الحماس الزايد لأنه ترى بيواصل معاك الدوري الاول درجة حلوة، واذا ان امك داعية لك بالكثير
ما يتعدى الدوري الثاني
وخذ مني كلام مضمون 100% النهائي اهم من الدوري الاول والثاني سوا رغم انه 40 درجة
واللي قبلة الاثنين 60 درجة بس الاعمال بخواتيهما حق وصدقني ما يجبر النقص الا النهائي
طولت بالنقطة هذي بس باقول تجربة شخصية الاحياء خبصت الدوري الاول والثاني 25،23
طبعاً مع النهائي لو اجيب فل مارك بالنهائي بتكون 88 بس سبحان الله النهائي الوحيد اللي ما شفت
درجته ونزلت الدرجة 90 مع ان النهائي ما اتوقع فل مارك، الفيزياء من 89 بحسابي لين 95
عشان النهائي درجة كاملة .
..@~> طولت بالفلسفة بس ابقى في اهم نقطة،
انتبه لا يغرونك اللي يسحبون ويروحون ويجون
ترى بالنهاية يعني انت وياهم جايين بارجولكم للجامعة فليه يسحب !؟ يعني اذا مرة بيسحب فيجلس ببيته اصرف له ..
وأخر شىء احب اقوله نومك لا تضايقه انتبه له تراه هو اللي يريح دماغك ويخليه في ساعة - وهو شبعان نوم - يقدر يفهم احسن من اللي يفهمه في 5 ساعات مع التعب
ولا تخلي اي شىء يغرك يعني بشكل عام مثلاً الشيطان ، اشاعات البونس بتمر عليك كثير أبوك يغثك الا تدخل اطلق تخصص في العالم بس عاد بالتفاهم والتراضي بينك وبينه مو تعقه
و شىء ابيك تنتبه منه إذا وصلت لنقطة تبي تسحب ملفك فيها .. هذي النقطة غالباً لو رجعت من عندها و شديت فلك اللي تبيه فلا تغرك نفسك، وخليك على طول متوكل على الله .

بالتوفيق ان شاء الله ..
واللي يحب يسأل عن طرق في الاستذكار معتمدة ومتداولة بين غالب الناس ومجربة يتفضل يسأل على
حسب المادة وانا ان شاء الله اجاوبة بالجواب الشافي اللي اقدر علية .
تنفس الصعداء .. اعرف هدفك ومايناسبك .. قد تكون محباً للعلوم الشرعية .. فتذهب بلا رغبه لعلمٍ
له مكانته وتقنع .. ولكن لو فكرت قليلاً .. لعرفت انك تركت فرض عين .. لفرض كفاية .