لنستدرك ماابقي من الووقت........ياابطال(ب)

[لولو الشهري]

الاخت جيزاان كلااامك رووعه ماشاء الله
معلومه انا كنت بالثانويه التسعوون :) وكنت اقول يالله متى اتخرج وافتك من التعب لكن يوم تخرجت جاني اللي اصعب منه

الله يرحم اياااامك يالثااانوي

[the change]

موضوع جميل وهادف


لكن لايغلب عليكم طابع اليأس والسلبية

تفائلوا وكل شيء حيكون تمام إن شاء الله

كل واحد يجلس مع نفسه ويشوف ايش الاخطاء اللي مرت عليه خلال الفترة الماضية سواء من ناحية المذاكرة او المواد , ويحدد لها حلول

يعني اللي كان هامل في مادة معينة يبدأ يذاكرها أول بأول , وإللي يواجه صعوبة في الفهم مع دكتور معين يحاول يغير شعبته او دكتوره وهكذا [ابدأوا بالحلول] << لكن مو الآن , زي ماقال الاخ ثامر خلوها بعد الاجازة , الان انبسطوا وعيشوا إجازتكم لازم لكل شيء وقته ولا حتتعبوا

وقت الجد جد ووقت المرح والعب وقته , لاتضيقوا على نفسيكم وتلخبطوا نفسكم لااابد من الراحة والاستمتاع , وهي كلها 10 أيام وحنرجع





ويعجبني إصرارك وتفاؤلك يا "سأهزم المستحيل " كم أنت رائعة , انت والاخت جيزان

استمروا جميعا , وأنا ماسجلت بهذا النك the change إلا عشان كلنا نغير , ونبدأ من جديد وبداية قوية

كانت هذه أول خطوة لنا وأول اختباراتنا , والخطوات الباقية امامنا وكثيرة ^^

[Rainbow~]

بــســم الله

ذحين الدوري الاول عدا بكل شي فيه المفروض كل شخص يعرف اغلاطه و كذا ..
مثلا في اختبار الإحصاء و الكيمياء نتكلم عن اسئلة الاختبار كانت مباااشرة لآبعد مدى و مجرد تعويض .. يعني نبدا نشوف فين الغلط ..؟؟
في طريقة المذاكرة طبعا في كل المواد اتمنى انكم تحطون كتب المادة على جمب و تذاكرو من الملخصات و اذا في وقت ترجعو تفتحو الكتاب تشوفو ايش فيه زيادة ..

اهم شي بعد المذاكره اهم شي( تحلووو نماذج اسئلة قديمة او مثلا التريينق اللي نزلوها في موقع كلية العلوم )
من جد هذا الشي الوحيد اللي يثبت المعلومة و ماتستغربي اي سؤال يجيكي لانو مهما ذاكرتي بدون ما تحلي اسئلة ع اللي ذاكرتيه ما حيثبت في عقلك و تتعودي عليه ..

نجي لوقت الاختبار المفروض نعود انفسنا انها ساعة و نص تقريبا فقط يعني تمشي الآسئلة تحلي الآسهل اول و تراجعيه و تضللي في ورقة الإجابة و ما ترجعيله لآنه مافي وقت و بعدين يبقالك الآسئلة الصعبة بالآخير ركزي عليها و يكون باقيلك وقت ان شاءالله ..

و المشكلة الآزلية طبعا الاحياء ايش الحل معااه ..؟ انو ما نسمع كلام احد ابدا نذاكر السلايدات من بعد الآجازة ان شاءالله و بتركيز وفهم و اذا قبل الاختبار نزلولنا تريينق نحلها كمراجعة بعد ما نكون فاهمين ..

و اتمنى اكون افدتكم بشي بسيط ..

[سأهزم المستحيل!]

اللي يقول ليش كلنانبغى طب؟؟
ليش ماقلت لإنناطموحات ونحب التحدي نواجه الصعب ونتغلب عليه,نواجه المستحيل ونهزمه؟؟!!!
أو لأننا نحب مساعده حنونات وتتقطع قلوبنا لمانشوف آمهاتنا وآقربائنا يعاملون بـ(اللامبالاه )من الأطباءالأجانب وودنا نآخذمكانهم؟؟!!
أو لأننا نحب مملكتناالحبيبه وودنا نقدم لهاأي شيء ومن وجهة نظري أرى الطب من أفضل التخصصات مع أنه لايوجد تخصص سيء وكلنالانستغني عن اي منها؟؟؟!!!
.........مافكرتم بالأشياء الحسنه .....ع طول راح تفكيركم للأشاء السيئه؟؟!!

ع العموم لابد أن نجد كثيــــــــــــــرررر من أمثال هؤلاء ولانستطيع أن نسكتهم كلهم ولكن صبرآجميل والله المستعان..

للعلم:إحدى قريباتي تقول:مافيه وحده تدخل الطب إلا تدور قلة الحياء؟؟؟؟يعني من جد لاتعلييييييييييييق..بس يمكن لإنهاتكرهني وحاسدتني حتى على حلم(الطب) هذا وهو ماصارواقع؟؟؟

فعلآ لابد أن يكون لكل واحد من رغبات متعدده وأنا أحدهم والحمدلله....

[سأهزم المستحيل!]

المشاركة الأصلية كتبت بواسطة rainbow~ بــســم الله ذحين الدوري الاول عدا بكل شي فيه المفروض كل شخص يعرف اغلاطه و كذا .. مثلا في اختبار الإحصاء و الكيمياء نتكلم عن اسئلة الاختبار كانت مباااشرة لآبعد مدى و مجرد تعويض .. يعني نبدا نشوف فين الغلط ..؟؟ في طريقة المذاكرة طبعا في كل المواد اتمنى انكم تحطون كتب المادة على جمب و تذاكرو من الملخصات و اذا في وقت ترجعو تفتحو الكتاب تشوفو ايش فيه زيادة .. اهم شي بعد المذاكره اهم شي( تحلووو نماذج اسئلة قديمة او مثلا التريينق اللي نزلوها في موقع كلية العلوم ) من جد هذا الشي الوحيد اللي يثبت المعلومة و ماتستغربي اي سؤال يجيكي لانو مهما ذاكرتي بدون ما تحلي اسئلة ع اللي ذاكرتيه ما حيثبت في عقلك و تتعودي عليه .. نجي لوقت الاختبار المفروض نعود انفسنا انها ساعة و نص تقريبا فقط يعني تمشي الآسئلة تحلي الآسهل اول و تراجعيه و تضللي في ورقة الإجابة و ما ترجعيله لآنه مافي وقت و بعدين يبقالك الآسئلة الصعبة بالآخير ركزي عليها و يكون باقيلك وقت ان شاءالله .. و المشكلة الآزلية طبعا الاحياء ايش الحل معااه ..؟ انو ما نسمع كلام احد ابدا نذاكر السلايدات من بعد الآجازة ان شاءالله و بتركيز وفهم و اذا قبل الاختبار نزلولنا تريينق نحلها كمراجعة بعد ما نكون فاهمين .. و اتمنى اكون افدتكم بشي بسيط ..

كلاااامك صحييييييييييح100%,, إن شاءالله هذا اللي بيصير
بالنسبه لي في الإحصاءوالكيمياء....أنا أهملت فيها وذاكرت قبل الإمتحان بيومولكن عرفت حجم الخطأ وإن شاءالله مايتكرر

[M!SS Lara]

المشاركة الأصلية كتبت بواسطة جيزان ههههههههههههههههههههههههه تصدقي انتي جالسه تتكلمي عني انا السنه اللي فاتت شوفي اختي حبيبتي انتي والله كنت مثل حالتك ,,, اقولك حاجه تخرجت من ثالث ثانوي بنسبه ( 99.22) وفوق هذا مدرسه حكوميه اسألي عنها 90 الثانويه مدرسات انسي حاجه اسمها تأشير وحذف ,, استاذه الفيزياء كانت كل الكتاب معانا واستاذه الرياضيات قالت بعطيكم ملزمه وياليتها ماجابتها اكثر من الكتاب بكثير وكنت احب واعشق واستمتع وانا احل التفاضل والتكامل في الرياضيات لدرجه والله انو عايلتنا كلها عارفين اني انا اشطر وحده وفوق هذا اخذت في اولى وثاني وثالث ثانوي في ماده الفيزياء 100 من 100 وترشحت على مستوى جده في اختبار تحصيلي لماده الفيزياء وكانت ثانويه عامه ايامها والله والله والله اني كرفت ياقلبي كرف ماايعلم فيه الا ربي تخيلي تحصيلي + قدرات + خايفه قبول من الجامعه + اختبارات الثانويه العامه + اختبار تحصيلي تبع الفيزياء وفوق هذا كللووو والله طلعت الثانيه وتكرمت وقالوا لي عشان تصيري اعلى واعلى ترشحتي على دبي بس طبعا اهلي ماوافقوا ومااحد فاضي يروح معايا المهم كنت متحمسه كثير للجامعه واسمع واسمع انو التحضيري صعب وكرف وضغط وكتب كبيرة و و و طبعا انا استغفر الله سويت ذنب كبير كنت اجحد فضل الاستاذات عليا في الثانوي لما كنت اشوف نسبتي عاليه واقول انا اصلا شاطرة وممتازة سواء كانوا يشرحوا او ماايشرحوا ( كنت اقول انا هالدرجات اجيبها بشطارتي مو من شرح استاذاتي ) وفعلا دخلت الجامعه وطبعا اهلي وجماعتنا كلهم حاطين في بالنا تخصصي ( طب بشري ) والله والله والله اخررر كليه كانت في بالي كليه العلوم وخصوصا احياء كنت في الثانوي اقول اذا مررررة مرررة نزل مستوايا علوم طبيه المهم ياطويله العمر دخلت التحضيري وكانت لغتي للأسف جدا جدا ضعيفه او بلاحرى مااعندي لغه كنت شاطرة فيزياء ورياضيات وكييمياء وبعد احبها لاكن لغه كنت صفررررر وبدأت من خطه أ طبعا حاسب واتصال سهاله كانت حلوة بس فيزياء + رياضيات مرررة زفت وسبحان الله ربي عاقبني وبلاني بدكتورات اسوأ دكتورات في الجامعه وكنت لسا جديده مااعرف شي اسمه تحويل بين الشعب !! وسويت غلط اكبر واكبر روحت عند مدرسه خصوصيه ( المفروض انه انا امسك الكتاب وافهم نفسي بنفسي ) لانو تقريبا كل شي معاد من الثانوي بس انا شفت خصوصا كتاب الفيزكس مرررة خفت والله كنت اترجم المقدمه بعد !!! شفتي غباء اكثر من كذا !!! اصلا مااكنت اعرف ايش اذاكر وايش اخلي ماادري ايش المحذوف وايش اللي معانا وعايشه في حاله قلق مو طبيعيه وخوف صرت ابكي 24 ساعه ومن جد اشوف نفسي في نزوول مستوى مو طبيعي مشيت مع الخصوصيه اللي استفدته منها انها كانت تترجم بسسس وتنازلت عن الطب قلت خلاص علوم طبيه او تمريض وجلست اقرأ كثير عن العلوم الطبيه ومرررة عجبني جات اختبارات الدوري الاول كان اول اختبار رياضيات يوم الاحد بتاريخ 26 شهر 11 الساعه 8 الصباح ماانسى هاليوم ,, داخله الاختبار وانا مذاكرة تمااام اصلا كنت افهم البنات + المنهج تافه ومعاد من الثانوي اشوف الاختبار وجلست على المساله الاولى تقريبيا ثلث ساعه يعني 20 دقيقه شوي اسمع المراقبه قالت خلاص ساعه ونسحب الاوراق منكم ,,, انا وقتها لحقت على نفسي اشياء حليتها واشياء ماحليتها واخذت 19 من 30 واحمد ربي كثييييير على هالدرجه لانو فعلا اعلى بنت كانت 24 من 30 وكل الدفعه درجاتهم زفت واخر الترم 50 في الميه رسوب والباقي نجاح ع الحافه طلعت انا منها ب 62 من 100 وخسف معدلي ابو الخسف وفعلا كرهت هالماده من اعماااااااااااااق قلبي ( مع انها كانت احلى ماده عندي ) ويوم الثلاثاء كان اختبار الفيزكس وكان الاختبار مرررررة سهل وحلو وكل البنات ماشاءالله فل مارك وانا اخذت 21 من 30 مرررة انقهرت وتحطمت وقلت خلاص بحول مسار اداري وادخل حتى لو تاريخ وجغرافيا عاادي خلاص ماهمني اهم شي اخرج من هذ الهم والغم لاني كنت احس حاجه كابته على قلبي حتى ماعاد اقدر اسولف واضحك خلاص ( السنه التحضيريه عكرت مزاجي ) بس اهلي جبروني اكمل مسار علمي وقالوا لي شوفي معدل الترم الاول واذا ماعجبك خلاص حولي اداري وكملت الترم الاول واخذت في كل المواد درجات حلوة ولاكن رياضيات 62 ومن جد خسف بمعدلي واخذت موزون في السبعينات يعني تقدير جيد طبعا هالموزون يدخلني حاسب او ادارة واقتصاد ( يعني انسى حاجه اسمها تخصصات صحيه ) قولت في نفسي خلاص حاسب حلو او ادراة حلو كمان ,,,,وراح اكمل دخلت خطه ب اللي اسمع عنها صعبه واخت في الاحصاء والاحياء a والكيمياء +b والله معدلي 4.56 مرررة ارتفع معدلي ,,,, ودخلنا على الرغبات نص الترم الثاني واستخرت بين حاسب او ادارة ارتحت اكثر للحاسب حطيته اول رغبه والرغبه 4 كانت كليه العلوم مررره ماتوقعت اني ادخل علوم وجاء يوم 28 شهر 8 الساعه 3 الظهر طلعت التخصصات طبعا نزل علوم مررررررررررة انقهرت وقلت خلاص سحب وراح اعيد التحضيري من اول مع دفعه 12 بس مافي امكانيه لازم احسب ملفي من قبل 3 شهور ,,, وكملت علوم ودخلت احياء وفتح تخصص جديد هندسه وراثيه ومرررة مطلوب خصوصا في الطب الجنائي والمستشفيات والحين والله ياحبيبتي من جد عرفت حاجه مهمه ( عسى ان تكرهوا شيئا وهوا خير لكم ) هاللحظه والله احمد ربي كثييييييييير اني ماانقبلت حاسب لاني حبيت التخصص من قلبي ولاافكر بالتحويل ابدا من هالكليه ( واذا بحول بعد سنه علوم طبيه ) لاكن احول بعد ترم حاسب او اداره مستحييييل لاني اكتشفت نفسي انا مااحب اتعامل مع اجهزه وبرمجه ,, وانا ماافكرت بميولي وابداعي وين راح يكون الخلاصه ( خلاص ربي اختار لك تحضيري علمي خلاص كملي شدي حيلك ) واي احد فيكم من خطه ب او خطه أ للفيزياء وحاب اني اساعده في طريقه مذاكرة او اي شي انا تحت امركم سوري على الاطاله

الاخت جيزان ..
قسم بالله اني حأاناديكي دائما( بالبلسم)
والله بأدعيلك دائم انو تحولي لعلوم طبيه وتكوني الاولى ع دفعتك ..
ا
الله يوفقك وين مارحتي ..

[M!SS Lara]

أهلا بزميلاتي خطة ب << وحده من خطة أ :d

أدعوكم انو تسمعو كلام البلسم (جيزان) لأانو كلامها صحيح والله يوفقها ..

انا ناصحكم بنصائح ومتأكده لو مشيتو عليها حتجيبو الفل مارك ..
اول شئ أفكر نفسي واياكم بالدراسه اول بأول ..
ووقت الدراسه للاختبار ، ندرس بتركيييييييييييييييييييييييييييييييييييييييييييييي ز ..
وبعدها حل 5 او 3 نماذج لاختبارات سابقه


الله يوفقكم ويربط على قلوبكم

[سديم الزهراني]

يسعدك ربي جيزان ويوفقك وين مارحتي .


صراحه اعجز عن شكركم جميعا جزاكم الله خير الجزاء .

[M!SS Lara]

المشاركة الأصلية كتبت بواسطة سأهزم المستحيل! ا للعلم:إحدى قريباتي تقول:مافيه وحده تدخل الطب إلا تدور قلة الحياء؟؟؟؟يعني من جد لاتعلييييييييييييق..بس يمكن لإنهاتكرهني وحاسدتني حتى على حلم(الطب) هذا وهو ماصارواقع؟؟؟ فعلآ لابد أن يكون لكل واحد من رغبات متعدده وأنا أحدهم والحمدلله....

هههههههههههه فكرتيني بقريبتي ..
نفس الي قالته قريبتك ..
الله يهديهم ويصلحهم

[سديم الزهراني]

هو الطب مشكلته الوحيده الاختلاط وانا ضدها صح اني احب دا الشيء وحلمي ولكن

"من ترك شيئا لله عوضه الله خيرا منه"