بنات دفعة 10 بخصوص المواد الحره

[cute.memo]

المشاركة الأصلية كتبت بواسطة غروووومة خسارة الإقناع بساعتين.... :( أنا أبي مواد بـ 3 ساعات آخ بس لو ينزلون مادة تجميل ( مكياج وشعر ) بأقدمه إقتراح للجماعة

لا ياقلبي اقناع ب 3 ساعات مو ساعتين

دعواتكم اختباري فيها بعد اسبوعين

[غروووومة]

طيب ميمو كيف المادة حلوة ولالأ..؟
عن أيش تتكلم
يغلب عليها الحفظ ولا الفهم
طيب لازم من الكتاب ولا مومهم..؟
ربي يوفقك

[cute.memo]

مررررة حلوة المادة

لو تتذكري مهارات الاتصال اللي بالتحضيري زيها واسهل كمان

ويغلب عليها الاثنين مو ممكن بالحفظ وممكن بالفهم

يعني لو حفضتي من الكتاب بتجيبي درجة كويسة

ولو حليتي من فهمك برضو تجيبي درجة كويسة

انا بحل من فهمي وما زاكرت لا دوري واول ولا تاني والحمدلله ماني ناقصة الا٣ درجات من المجموع الكلي بس ان شاءالله في الفاينال اكيد حزاكر عشان اجيب a+

وغير كدة لو حتزلكري من الكتاب ماتزاكري كل شئ بس احضري مع الدكتور واشري الكلام اللي يقولو واكتبيه وان شاءالله حتجيبي فل مارك

ولا تاخدي مع غير انمار

صحبتي زيي دحين تاخدها بس هيا مع راكان والين دحين ناقصة ١١ درجة وغير انه الفاينال مو موحد
كل شعبة مع استاذها و في يوم مختلف واسئلة مختلفة


دعواتك لي

[Alaa Al ghamdi]

والله الموضوع فبالي من اول ياغرومه ومحتارة زيك
اختي تمدحلي مادة نسيت اسمها مع واحد لقبو يماني
الكتاب تقول صغير هو اللي مألفو
الاختبارات صح وخطا ومدري اذا فيه اختياري او لا
لكنو كاره بنات الترم هذا لانهم مايتفاعلو معاه واذا قلهم هذا محذوف هذا معاكم يطفشووه لدرجة حتى في الفيس بوك يراسلوه
فجابلهم مقالي اول مرة يسويها
قلهم انتو اسوا دفعه مرت عليا,,تصدقي اظنها سيرة نبوية اللي تكلمت عنها قيرل,,

وكمان من اي كلية التصوير الفوتوغرافي؟؟
معقولة 6 ساعات
خسارة ماحقدر لاني حاخذ تقارير وكل يوم التقارير طبعا بس شكلها حلوة
,,

وكلامك ياقيرل عن سيرة نبوية مع سمر شكلها فعلا حلوة دخلتها في الحسبان,,

,,,,
اما بالنسبة للاقناع انا مااقتنعت فيها
صح انو الاتصال كان سهل
لكن لاني سواء الاختبار مقالي ولا اختياري لازم احفظ كل كلمة فكانت هم بالنسبة ليا الاتصال والتفكير
لكن درجاتي الحمدالله كانت كويسة
بس وقت المذاكرة تهلك

انا احس موادي لو تخصصت نظم باذن الله
اغلبها حفظ السمستر الجاي
فكنت ابغى مادة الفلك
لكن بعد الزحمه اللي عليها وانها سهله
في بنات سحبو ماقدرو يكملو يقولو صعبه ومدري ايش
الواحد يبغى مواد حرة عشان ترفع المعدل وتخفف عليه ضغط الممذاكرة
مو اجيب هم ثاني

وغير كذا انا استوعبت اني ماشية على مهلي مااخذت ثقافه 2 ولا3ولا4
باخذ ثقافه2 السمستر الجاي فما ابغى حرة تكون دسمة مرة ومعلوماتها كثيرة