موضوع خاص بالطالبات ( دفعة 09 ) وعدد ساعات التخرج ( أنتن فقط من يُدرن الحوار )

[طافشـه]

رحت سالت في الشؤون وقالوا ماتتعادل لازم تاخذين 8 ساعات اختياري و6 ساعات حرة

[المتميزة]

بنات تكفون وحده تروح وتسال هل راح يحذفون مادة او لا وكيف نقدر نعبي النموذج
انا اليوم كلمت الجامعه وبطلع الروح ردوا علي وكل واحد فيهم يعطيني احابه من راسه
وسالتهم اذا راح يحذفون ماده ردوا علي اهم شي تخلصين المواد الاساسيه

[كِل التفاصيل]

بليييز ساعدوووني مو فاهمه شي انا من دفعه 08 بس اول سنه حذفت ماده احصا وكانت كتاب واحد


وبعدين اخدتها السنه اللي بعدها تبع خطة 09 وسارت كتابين يعني مادتين احصا وتحليل احصا


يعني دحين اللي فهمتو انو تحليل الاحصا هوا اللي زايد عن الخطه ولا كييف ؟؟؟



وفي سؤال تاني انا كنت اداره عامه وحولت ادارة اعمال وسار عندي مواد زايده زي مبادئ اداره وقانون



هل بامكاني اني احذفها مع العلم انو اخدت المواد الحره والاختياري :مشروعات وعلاقات وماليه دوليه ونظام سياسي



ياااريت ابوفاتن يجااوبني ويابناات رووددو علييا ؟؟

[رقي الأحاسيس]

المواد الاساسيه لازم تاخذيها يا اختي

دحين انتو يابنات خلصو المواد الاساسيه

وبعدين احسبو كم ساعه باقيلكم وكملوها بالمواد الحره او الاختياريه

يعني مو لازم تاخذيها كلها زي الخطه هذا اللي فهمتو

بالتوفيق للجميع

[MY NAME IS...]

مرحبا
شكرا على الموضوع المهم
انا ضايعه ومو فاهمه
الحين ساعاتي المسجله 113
والمكتسبه 107
مو عارفه احسب الساعات الباقيه للتخرج على المسجله ولا المكتسبه
كمان باقي لي 4 مواد اساسيه
و2 حره و3 اختياريه
اللي فاهم يفيدني
نسيت كمان انا 09 وساعات الخطه 129
والله يعطيكم العافيه

[كِل التفاصيل]

المشاركة الأصلية كتبت بواسطة رقي الأحاسيس المواد الاساسيه لازم تاخذيها يا اختي دحين انتو يابنات خلصو المواد الاساسيه وبعدين احسبو كم ساعه باقيلكم وكملوها بالمواد الحره او الاختياريه يعني مو لازم تاخذيها كلها زي الخطه هذا اللي فهمتو بالتوفيق للجميع

انا ترم تخررج وخلصت كل المواد الاساسيه ومابقيلي غير تلات مواد اساسي ووحده اختياري



وياااريت احد يرد على تساؤلاتي فووق

[MY NAME IS...]

انتظر ردكم

[عبق الورد~]

انــــــــــــــا رحت سألت اليوم عن

1- عدد ساعات التخرج الفعليه لدفعه 09...128 ساعه
2- وسألت عن المواد الحره والاختياري هل يعادلوها بالمواد اللي انحذفت من الخطه
وقالت ماتتعادل لازم تاخذين 8 ساعات اختياري و6 ساعات حرة
بالتوفيق للجمــــــيع

[إح ـساس]

طيب إذا كملت الـ 128 ساعة بـ 6 ساعات أختياري و 6 ساعات حر ..؟

لازم آخذ مادة أختياري زيادة ...؟

و ساعات التحليل الكمي و الأحصائي فيييين ترووح ...؟

[جوجوالامورة]

حسبي الله على جامعة الملك عبدالعزيز ..
أكرهها ولو يرجع فيني الزمن مادخلتها ..