الى الدمية الفاتنة وللي تخصصهم تغذية

[خجوـوـولة]

السلام عليكم ورحمة الله وبركاته

الدمية الفاتنة اول حاجه الف مبروك ياقلبي ع درجة التوفل

وعقبال اختبار القسم :)

ومبروك للكل عموما

دحين انا ابغا اسردلكم معاناتي مع التقديم للماستر وابغاكم تساعدوني بحكم انكم اخواتي

اول حاجه اختبرت توفل واخدت اول مره 393 وتاني مره 395 يعني مره كلفت على نفسي وزدت درجتين كانو اشتريت كل درجة ب100 ماعلينا

المهم قلت حدخل اختبار القسم بدي الدرجه ووقت المفاضله
لو مشوني اوكي

مامشوني براحتهم خيره من ربي

المهم طبعا انا كنت حاطه فبالي 3 خيارات للماستر عشان اختار واحد منهم واكمل فيه

1- اول شي كان فبالي ادارة خدمات صحية وطبعا شلتو من راسي لمن عرفت انو اختبار القسم كلو مصطلحات طبية وبالانقلش فاستبعدتو من راسي معنو مره نفسي فيه

2- حطيت فبالي ادارة واقصاد ( ادارة اعمال ) ولمن شفت المتقدمات مره كتير قلت درجتي اكيد حتكون متدنية بحكم انو مو تخصصي وخايفه الأسئله يجي فيها عك كتير فقلت بلاشي يضيع عليا التقديم وتروح السنة كدا فطيرتو برضو من راسي

3- اخر شي قلت خلاص حرجع لتخصصي واكمل فيه اللي بديت منو فكلية الهنا ( كلية الإقتصاد المنزلي ) تخصص تغذية ،، (( تراني خريجة السنة دي احد معايا )) المهممممم انا مره كنت مستبعده التغذية لسببين ،، الأول انو شفت التغذية في الكلية تدريسها مره سيء وما أكلني عيش كل ماقدم على مكان مايقبلوني

ثانيا انو الجامعه بس الماستر في التغذيه تغذيه عامه ،، مره كان نفسي يكون في تخصصات اكتر ،،
يعني اخاف تكون فكرتي غلط اتمنى احد يصححها وتكون في اقسام تانية

فمن دا المنطلق ومن دا المنبر اتمنى انكم تساعدوني فاختيار تخصصي في الماستر لأني بجد محتاااره
وهل تنصحوني اختبر للمره الثاثه في التوفل عشان اخد ال400 ؟؟
<< ماتبغا تدفع 600 ريال للجامعه خلاص خلصت فلوسي وطفشت اختبر
المفروض صراحه يعفونا من الدفع كل مره
المهم يابنات قولولي وانصحوني ايش اختار ؟؟
مابغا الوقت يضيع عليا ،،
واتمنى من اي بنت تدخل الموضوع وتعرف كيف نظام اختبار المفاضله للأقسام اللي ذكرتها فوق تدينا ولو نبذه بسيطة عنها

واعذرو كثرة كلامي
اتمنى القى رد فاقرب وقت
فمان الله

[أطمح للماجستير]

خجووووووووووله انتي صح ولا تخافيييين ...

بالنسبه للتخصصات اللي سحبتي نفسك منها انا من رأيي ان تفكيرك عين الصواب .. لأن تخصصنا اللي درسناه بيكون أسهل لنا بكثييييييييييير في التخصص للماستر .. بغض النظر عن طريقة تدريسنا ..

التغذيه احس انها لما تكون عامه بتكون اسهل من التخصص المتعمق ..

وبالنسبه للتوفل ما اعتقد بيكون فيها مفاضله عشان درجه ولا درجتين هو شرط ولازم ينفذ بإجتيازه وبس

اتابع الصحف وكثيير من الشباب الله يجزاهم خير يكتبون بإعتراضهم عليه ويناشدون وزير التعليم العالي والمسؤول عن فكرته وكان مكتوب بمقاله الله يوفقه وين مايروح كاتب سوف نتراكم بطموحاتنا دون اجتياز التوفل ومن المستحيل الوصول للماجستير بهذا الشرط وكلام كثير كاتبه ..

وعندي أمل بتغيير الأنظمه وإزاله شبح وعقبة الماستر < التوفل او بديله

ماعلينا انتي ألحين تمام عليك وماشيه صح وقبل كل هذا استخيري انتي خريجه السنه هذي لكن انا بقي لي شهرين واتخرج ومع هذا ناويه ادخل الإختبار معاكم بإذن الله .. < يعني مصيبتي مصيبتين لا توفل ولا وثيقه تخرج

ولكن مع الله مافيه يأس


وبالتوفيييق لك يالغلا

[روح متفائلة]

عزيزتي
أنا رأيي مختلف
أشوف أنه أحسن تدخلي اللي تبغيه و له مجالات
أحسن مما تكملي في شي سهل
إيش الفايدة لمن تكملي في شي سهل
طيب؟
وفي الأخير؟
لمن تتخرجي؟؟

أنا كنت بكالوريوس قسم تغذية
وقدمت الآن إدارة أعمال
و أدعي ربنا أنقبل

أنا أحس أنه الواحد يحط قدامه هدف
و يوصل له بكل المحاولات والطرق

لو حابة التغذية ومجالاته وتبغي تكملي فيه
كملي
لا تكملي فيه عشان بس سهل

ولو حابة إدارة الأعمال
حاولي تعرفي طرق الأسئلة كيف
و قدمي والباقي على ربك
ترى أعرف وحدة تغذية وأنقبلت إدارة أعمال و هي ماتدري شي عن الاختبار وطريقته
حلت وبالبركة

الله يختار الخير بس فين ما يكون

بس انتي طبعا استخيري قبل كل شي
وشوفي إيش تبغي
ولا تخافي وتتوقعي أنه في شي مستحيل
هم مالهم إنتي متخصصة ولا لا
لو معدلك عالي إن شاء الله يقبلوك
هم ياخذوا 60 % من المعدل
والباقي اختبار تحريري و أظن مقابلة

كلامي ما يعني أنه التغذية بطال
لكن شوفي ايش تبغي
التغذية وظائفه اغلبها صارت في المصانع
لأنه في المستشفيات
خلاص في قسم التغذية الاكلينيكة
وهم أولى
بس لو أخذتي ماجستير
ممكن تنقبلي أخصائية

وعلى فكرة
اللي أعرفه أنه التغذية مو عام
تتخصصي إما تغذية مجتمع أو علوم أطعمة
أول كان في تغذية علاجي بس دحين مافي
خلاص شالوه بعد ما فتحوه في التقنية الطبية مسار تغذية اكلينيكية


ربي يوفقك ويختار لك الخير فين ما يكون يااارب
دعواااااااتك
أدعي لي أنقبل لو كان خير لي

[خجوـوـولة]

حبيباتي (( اطمح للماجستير & روح متفائلة ))

الله يسعد قلوبكم يارب وينولكم مبتغاكم ياااااااااااارب وتنقبلو في التخصصات اللي تبغوها

ماتتصورو قد ايش كلامكم ريحيني يكفي اني حسيت انو في احد معايا ،،

بالنسبة لكلامك ياأختي اطمح للماجستير ،،

بصراحه انا احس اني مو حابه اكمل في التغذية عشان سهله ولا صعبه لا بالعكس ..

مافي شي صعب قدام الإراده والله يبلغنا مرادنا ياااااااااارب

اما على طاري التوفل خلاص انا قررت انو ماحختبر تاني ،، خلاص مره يكفي مرتين

وحتى الدرجة مافرقت مره كلها درجتين اللي زدتها واصلا ماخلاني اختبر للمره الثانية ..

غير المسؤله بعمادة الدراسات العليا الله يسامحها قالتلي احنا هنا مانطبع افاده غير اللي ماخدين 400

وفوق عشان كده روحي انتي اطبعي درجتك اللي طلعتلك عالموقع وارفقيها بملف تقديم الماستر

وان شاء الله تنقبلي بس وقت المفاضله بياخدو الأفضل في التوفل

مني عارفه ايش الفايده طيب

الزبده انو لو بنتين اختبرو اختبار المفاضله والقياس تبع القسم ،،

واتنينهم اخدو 30 عالإختبار بياخدو الي درجتها افضل في التوفل

ودا السبب اللي خلاني اختبر للمره التانية معنو عارفه انهم يتغاضو عن ال7 درجات

اللي كانت ناقصتني

واما عن طريقة التدريس في الكلية الله لايوفقهم ولايسامحهم على دراسة

اقسم بالله انها اسوأ من السيء

وبخصوص دا الموضوع ان شاء الله قريب حطرح موضوع يناقش الشي دا بالقسم هنا

يعني ترقبو موضوعي << تعمل دعاية من بدري

وبالنسبة لطموحك لاقوة الا الله والله برافو عليكي شدي حيلك وجيبي معدل

وان شاء الله توصلي مبتغاكي

شاكره لك نصيحتك وردك واهتامك :)

اختي روح متفائلة

يسعدلي ايامك عالكلام الحلو ،،

وبالنسبة لإدارة اعمال واللهي مره حمستيني وكلامك شجعني

حستخير بإذن الله واسجل عاللي احس ربي سهلي هوا

بس ممكن لو تعرفي طريقة اختبار القبول لإدارة اعمال تسرديلنا هيا؟؟

وهل في مقابلة شخصية ؟؟

وايش تنصحيني بمراجع لإداة اعمال لأني احس اتحمست

مرررررررره يسلمو ليكي ولأطمح للماجستير على تشجيعكم

ودعمكم ليا وان شاء الله دربكم سهل وحدعيلكم من قلبببببببي

ومازلت اطمح للمزيد من الآراء ،،

فماخاب من استشار

دمتم

[نجاة الفرسي]

خجوووووووووووووووووله لا تختبري تاااااااااااااااني راحت فلوسك ع الفاضي
هم لحد 390 بيقبلوا
الدكتورة حنان اللي في عمادة الدراسات العليااا بنفسهااا قالت لي لحد 390 نتغآآآآآآآآضى عنها
ونعديهاا خصوصا اذا المعدل جيد جدا وفوق انا رحت لهاا وكلمتهااا وقلت لهاا انو ممكن ما اجيب الدرجه قالت لحد 390 ممكن اعديكي وكتير بنات قالت لهم نفس الكلام

وفي حاجه تانيه

ترى في تغذية علاجيه انا قرأته في موقع الجامعه وهو بحسب المواد .. وعلى فكرة المستشفيات خصوصا هذي الفنرة بيدوووورو دوااااااااااااارة ع البنات لانو اغلب البنات راحوا بعثات برا المملكة

ولو ما لقيت تغذية علاجيه ماكان قدمت من اصله ايش راح تفيدني التغذية العامه غير التعب
قبل لا تدفعي رسوم روحي العمادة وكلمي الدكتورة وروحي واوراقك معاكي كلهااا عشان لو قالت لك اوك تسجلي
وعبي الاستمارة اللي بموقع الجامعه لا تاخري نفسك

[نجاة الفرسي]

بنات لازم اطبع النتيجه اللي طلعتلي.؟؟؟؟؟؟؟؟؟؟؟؟

[أطمح للماجستير]

أهم شيء ارتحتي خجووله .. والخيره لك فيما اختاره الله

الله يوفقك وكلنا هنا ان شاء الله معك .. الدميه الفاتنه أي نتيجه ؟؟ اذا قصدك استمارة الترشيح ايه اكيد لازم تطبعيها أصلا ماتدخلين الإختبار الا بيها ..

[نجاة الفرسي]

هلا

لا اقصد النتيجة حقت التوفل
كيف يعرفوا انو جبت الدرجه وللا خلاص مثبت عندهم خايفه يحوسوني

[خجوـوـولة]

[quote]قبل لا تدفعي رسوم روحي العمادة وكلمي الدكتورة
وروحي واوراقك معاكي كلهااا عشان لو قالت لك اوك تسجلي
وعبي الاستمارة اللي بموقع الجامعه لا تاخري نفسك

[/quote

هلا ياقلبي
اي رسوم هذي اللي ادفعها ؟؟
ومين دي الدكتورة اللي اكلمها ؟؟
معليش تعبتك معايا :(
وشكرا عالتوضيح سلفا

أهم شيء ارتحتي خجووله .. والخيره لك فيما اختاره الله

الحمدالله ،، الله يريح قلوبكم ياااااااارب وينولكم مبتغاكم
دعواتك ياعسل

لا اقصد النتيجة حقت التوفل كيف يعرفوا انو جبت الدرجه وللا خلاص مثبت عندهم خايفه يحوسوني

لا ياقلبي لازم تروحي عمادة الدراسات العليا من هناك يطبعوها ليكي ويعطوكي الإفاده
لأن لمن رحت قلتلها ابغاكي تطبعيلي على درجتي
قالت هنا بس نطبع اللي ماخدين 400
يعني روحيلها وارفقي الافاده بملف الماستر
حتى لو سألتيها بتأكدلك عالكلام عشان ترتاحي
الله يوفقنا يااااااااااااااارب

[نجاة الفرسي]

يسلموو خجوووله
انا بقصد لك انو لا تختبري تاني وتخسري فلوس تاني

وكمان امممممممممم
اسم الدكتورة حنان هي اللي بيدهااا تعدي الدرجات وكدا مررررررررررة طيوبه الله يوفقهااا