وضع مزري .. " فضفضه "

[الشاكي]

نضال والواحد لما يشوفهم جايين له ليش يستنى

من بدري الواحد يفهمها وبصراحه أنا لما أشوف الواحد وجاي جهتي

أنظر فيه وبنفس الوقت أشوف هل أنا مسوي شي غلط ولا لا

وسواء هو بيكفشني ولا الرجال على نياته رايح مشوار

حط رجلك

[mind glance]

بصراحة انا اشوف انو على قد مو الاولاد مظلومين في الحكاية هذه
البنات كمان مظلومات!!
في الموضوع هذا ما نقدر نعمم اي شي على البنات او الاولاد
واصابع اليد مو زي بعض
بس انا عندي ملاحظة:
اللي يقولوا ليش مايمنعوا البنات من دخول الاسواق من غير محرم؟
ما يكفي اصلا انو البنات والحمد لله ما يسوقوا السيارات
يعني المفروض تقولو الحمدلله انهم ما يسوقوا سيارات
وانا في رأيي انو لو سمحو للمرأة بقيادة السيارة رح تزيد نسبة الحوادث 50%
وهذا رأي خاص

[x_bioc]

معليش في تناقضات عجيبة غريبه بنشوفها


دحين مو في المستشفيات اختلاط ........ كلية الطب و المؤتمرات الطبية مو اختلاط ........ وفي المطار و الطيارات مو اختلاط ........

وفي الاوتيلات مو اختلاط ...... في البلد و الكورنيش و المحمل مو برضو اختلاط ....

في باب شريف و شارع قابل اختلاط في اختلاط ......مكتبة جرير مو كمان اختلاط .......

هايبر و الدانوب و ايكيا كمان اختلاط ..... في سوق السوريين و محمودسعيد وحراج بن قاسم و سوق الصواريخ ..كلها اختلاط

بيت الله الحرام مو اختلاط ؟؟


كل الاماكن دي اختلاط ............. والامور فيها ماشية زي الحلاوة ......... مافي اي مشاكل....... والكل ماشي باحترامو



ليش بنشوف كلمة عوائل في المقاهي ..... والملاهي .... و المطاعم ..... و الكورنيش .... و الكباين ....

و جده مول .... والدور الاخير في ميقا مول ...... تشيكي تشيز ........ تشيليز "الويك اند" ......

مع ان كل العاملين في الاماكن هادي رجال و اجانب .....



ما قلنا نبغا اختلاط لا في جامعات ولا في بنوك ولا في مساجد



نبغا نشيل الكبد الي في صدور الشباب ........ نبغا الشباب يتنفسو و يحسسو بقيمتهم في المجتمع

والله عيب الشباب ياخدو راحتهم بررا البلد ..... وفي بلادهم يتبهدلو




((وقفة انفصامية ))

صدقوني لو الشي دا سار احتمال تخرب البلد ........

احتمال تتفتح صالات السينيما " اكيد حتكون اختلاط " وسلمولي على حماده في الضلمة ........

و مو بعيد بعدها بسنتين دسكوهات و كاباريهات ...... ورأصني يا جدع ...........

و الليمو دي كافيه احتمال يقلب دسكو لل GAY's و Bi

ولا تستبعدو الكوحول و المشروبات الروحية و ال BOB's تملا شوارع جده ........... و مسااااء أخيييير

واكيد 100% بعد دا كوللو حيسمحو للبنات بالسواقة ....... كوللو يجر بعضو ......

و طبيعي الشقق المفروشه حتسكن من غير كروت عائلة ........ وآآه يا ليل .....

و احتمال كمان الحجاب و العبايات تتنسي .......... بس ما اظن الشواكيش يسووها

و العياذ بالله مو بعيد تكتر جرائم الاغتصاب و الصرقات و المخدرات .......... جده حتقلب شيكاغو


ديك الساعة تعال شوف مدرجات نادي الاتحاد حتقلب صالة افراح ..........

وحنسمع ياكلك حبه حبه بالصوت الناعم.. وسلملي على لعيبة الاتي ......

[الشاكي]

بايوك

صراحه وصلت لحد نص كلامك قلت هذا مثقف لكن النص الثاني

قلت الله يشفيك

ياولد أنت داخل جسمك روحين مختلفه

ههههههههههههههه

شكلك كل يوم تتضارب وأنت ماتدري

[نضال]

معليش بس انا ما اشوف ابدا انه فيه اي احتمال ان البلد تخرب ..

لانك زي ما قلت الاختلاط موجود في كل مكان تقريبا الا على الاماكن الترفيهية .. هي اللي يحرم منها الشباب ...

بختصار

قانون المنع جا من مجموعه اشخاص عقولهم منغلقه و يفكروا بطريقة عشوائيه .. اتمنى ان يعاد النظر فيه

[x_bioc]

شوف يا نضال

خلينا نتكلم بعقل و منطق وواقعية ........

تخيل 10 شباب هاملين داشرين الشبشب نص الرجل و السيجارة ربع الفم و داخلين جافا او اروما كافيه او ....

اي مكان رايق

ايش حتشوف من ورا الشباب دول غير الغلبة و التحشيش ........ وتخيل انت و خطيبتك جالسين ..... بالله عليك

تستنى دقيقه وحده في المحل ؟



لا تقلي ايش معنا بلاد بررا


ترا في فرق


اغلب الي يروحو الكافيهات و الملاهي و المطاعم برا كابلز او قروووب بنات و شباب .....

و كل كافيه حتلاقي عند بابو بدي قاردز يمنعو اي بشكة فتوه داخلين


و لو فتحولنا المجال حتشوف .... بشكات شباب مملية المحل ..... كأنك داخل قهوة و ضحك و تحشيش و من الكلام الواطي اللي مو اي عائلة و اي ناس كلاس يسمعووه ...... اكيد انت فاهم قصدي



يعني الكافيهات و المطاعم وضعها ممتاز عندنا و لو سار خلط ...... حتبطل العوائل تروحها



وانا اوافقك في الاختلاط في الملاهي .................. بصراحة ما عندهم حق يمنعونا منها