استفسار بخصوص الصيدله و طب الاسنان بلييييز مساعده =(

[بسمة تشرين]

المشاركة الأصلية كتبت بواسطة loja ماشالله ولساتكم عايشين مع الضغط دا كلو لول والله اتحمست ادخلها .. الله يكتبهالي يارب كم مادة تقريبا اول سنتين تاخدو ..؟! وفي محاضرات مدتها اكتر من ساعه ..؟!

ههههههههه سوبر فارما .. لا ترى تسمعيها تحسيها صعبة من جد انا كنت اقول مادة ب12 ساعة حاموت لكن هانت زي ماالاكبر مننا عدوا الكل يعدي
الله يكتب لك الخير يارب فين ماكان

تانية اكثر سنة تقريبا 9 بس لانه في الثقافة والعربي وفي مادة حتنشال الترم التاني فحيصيروا 8
تالتة 8 بس لو اخذتي ثقافة وعربي في الصيقي تقل ل6
رابعة 10 بس في مادة اعتقد تكون مناقشة عرض وززي كدا فنقول كمان 9 ومو كلها على طول السنة في اشياء على مااذكر ترم واحد
وخامسة اقل سنة بس بزبط ماادري كم مادة .

لا محاضراتنا 50 دقيقة وبس لكن المعامل الطويلة وتقدري تخلصي بدري مع الوقت تتعودي وتخلصي ممكن في ساعة ونص بدل تلاتة ساعات

[THE HILL]

ههههههه ي لوجا

موضوعك حيدخل ضمن المواضيع المميزه ^^..

اول مره موضوع استفسار يردو عليه صيادله بالزحمه دي ما شاء الله هههههههههه" صحباتي كانو مختفيين "




موفقه ,, الا بسالك انتي مو رتبتي رغباتك وخلاص والا اساسا مو في عزوز ؟؟ ايش حكايتك خخخ ؟

[dr.ro0ody]

شكرا شككرا

العفو ياعسل __ صدقيني استفدت من كلامك كتيييييييييير حتى سواليفك والله استفدت منها هههههههههههه الله يسسسعدكك يااااااارب << على فكرة متحمسة اشوفك مررررررا انتي اول وحده اشوفها في الكلية لازم << هادا ادا انقبلت طبعا

د صدقيني لو ذاكرتي اول ب اول حتى والله موً مذاكره مذاكره بس تصفح "قراءه بتركيز" يياشيخه تجيبي الفل مارك ف كل شي اقراءي لا تذاكري لانك لو ذاكرتي ح تملي اقري بتركيز كل محاضره واشري وخططي وسوي رسومات إلخ_ عشان وقت الاختبار يكون كل شي جاهز وكل شي فاهمته ما يبقالك ليله الاختبار غير الحفظ بس والحفظ يكوننن مرررراااااا سهل لو كنتي فاهمه المحاضره اساساً في دكاتره يخلوكِ تحفظي وانتِ معاهم في الكلاس< د.اميمه & هدى جاد😝😁

تسلمي ياقلبي على النصيحة
وادا قدرتي تكلمي شوية عن التخصص وعن تجربتك زي the hill
طيب تمام والله اهم حاجة الدكاترة يكونوا تمام ويفهموا كويس وان شاءالله يجينا افضل الدكاترة

موضوعك حيدخل ضمن المواضيع المميزه ^^.. اول مره موضوع استفسار يردو عليه صيادله بالزحمه دي ما شاء الله هههههههههه" صحباتي كانو مختفيين "

والله انا اللي كترت استفسارات في الموضوع من تحت راسي هههههههههههههههه
سوري loja خربطتلك موضوعك
بس ان شاءالله انتي كمان استفدتي من كلامهم

الله الله جيت والاسئله الحلوة مخلصه ليه كدا بسمه&ميمي .. وربي حمستوني ادرس تانيه صيدله ثاني هههههههههه :) و على فكره اللي بيسال ومهتم للمعدل والله المعدل مو مهم .. اتخرجي ومعدلك 1 وانتِ فااااهمه ولا تتخرجي ب معدل 5 وانتِ حافظه الشيت نسخ ولصق هدي امانه و ارواح الناس بكرا ح تكون ف يدنا < المشكله انا لا فهم ولاحفظ

هههههههههه تستاهلي عشان مرة تانيه تدخلي المنتدى اول باول
والله انا خايفة اني اخسف معدلي في التحضيري
وطبعا اكيد ادا فاهمة كل حاجة في التخصص تمام بيكون معدلي تمام
وادا بحفظ الشيت بس نسخ ولصق ماراح اطلع بنتيجة


تسسسلمي حبيبي وعادي تكلمي على كيفك نحن مستمعون
وبالعكس راح نستفيد منك ومن خبرتك وانتي اكيد ادرى وعارفه احسن مني

[بسمة تشرين]

dr.ro0ody اطمنك بشي لمدت كم سنة فاتت كانت الاولى على الكليات الصحية تطلع مننا ماشاء الله عليهم ..^_^ يعني تفائلي بالخير حتى لو نزل اول سنة عندك 4 سنوات كمان ترفعيه ان شاء الله

[dr.ro0ody]

المشاركة الأصلية كتبت بواسطة بسمة تشرين dr.ro0ody اطمنك بشي لمدت كم سنة فاتت كانت الاولى على الكليات الصحية تطلع مننا ماشاء الله عليهم ..^_^ يعني تفائلي بالخير حتى لو نزل اول سنة عندك 4 سنوات كمان ترفعيه ان شاء الله

ان شاءالله
ربي يسمع منك يااااااااااااارب
بس سمعت انوا اكتر شي يرتفع المعدل في السنة الاولى والتانية وبعدين يرتفع بشي بسيط

انا مؤمنة قدراتي وميولي وان شاءالله اكون قدها وبالعكس ماتتصوروا كيف متحمسة للدراسه وخصوصا المواد الصعبة
بس اول حاجة التسكين ينزل عشان اشوف وين قبولي ويمكن كمان مايكون ليا نصيب في دي الكلية

[THE HILL]

العفو ياعسل __ صدقيني استفدت من كلامك كتيييييييييير حتى سواليفك والله استفدت منها هههههههههههه الله يسسسعدكك يااااااارب << على فكرة متحمسة اشوفك مررررررا انتي اول وحده اشوفها في الكلية لازم << هادا ادا انقبلت طبعا

هههههههههههه اهو مو انا اللي قلت ها اللي تبغا حياكي حياكي

سواليفي يختي رفعتي معنوياتي

وادا قدرتي تكلمي شوية عن التخصص وعن تجربتك زي the hill

لساا ما خلصت تجربتي > رودي حتنتحر

والله انا اللي كترت استفسارات في الموضوع من تحت راسي هههههههههههههههه

كويس انك سالتي لاني نسايه يعني لو اسبوعين قدام كان تلاقي ردي سطر

والله انا خايفة اني اخسف معدلي في التحضيري

بصرااحه ما هتميت ف البدايه ع معدلي ه كان شغفي ف التخصص عاميني

بس لا تخافي " كل واحد حياخذ ع قد اجتهاده وطريقته في المذاكره " فيه ناس بتحفظ ماشاء الله ويغلطو ف اسئله الفهم فلازم تجمعي بين الاثنين وربي يديك ع قد اجتهادك وحماسك ان شاء الله "

خططي من بدري كيف حتذاكري " اول اسبوع دراسه او اول اسبوعين حيتضح عندكم كل شي ان شاء الله "

بس سمعت انوا اكتر شي يرتفع المعدل في السنة الاولى والتانية وبعدين يرتفع بشي بسيط

كلام سليم بس حتى بعدين يرتفع حتكوني ماخذه ع الكليه ..

انا مؤمنة قدراتي وميولي وان شاءالله اكون قدها وبالعكس ماتتصوروا كيف متحمسة للدراسه وخصوصا المواد الصعبة

اخيرا استخدمتي فيسات خخخخ .. ايوا كذا " مافي شي صعب ع فكره > حتتلطش

بس اول حاجة التسكين ينزل عشان اشوف وين قبولي ويمكن كمان مايكون ليا نصيب في دي الكلية

شفتي السرد اللي في البدايه عشان اوصل لنقطه دي
ايش اللي ما تنقبلي :(

احنا حنشيلك من العلوم ونجيبك عندنا حلوة دي >




ايوا دكتر رودي لا تحسبيني اتفلسف وكدا ,, ترا عشان مرره متحمسين لكم كلنا :"( ..


الله يوفقكـ ونشوفك معاناا يارب ^_^

[ُزمرد]

انسة رودي صدقيني ادخل المنتدى اول ب اول بس الله يسامح الي كان السبب تطالع ف ميمي<

تجربتي افا هيا ميمي قالت تجربتها

المهم ياستي اتخرجت من الثنوي وكنت ابغى طب مو عن حب واهتمام بس انو كدا وتاني رغبه ليا صيدله
درست التحضيري وقلبي اتعلق بالصيدله بحثت عنها وقريت اكتشفت اني ماكنت داريه عن التخصص دا ابدااا وحسيته ممتع..
قلت ل اهلي خلاص انا ابغى صيدله وفعلا في رغبات التسكين حطيت صيدله اول شيء:$ ومرا قلبي اتعلق بالتخصصصص اموت عشان ادخله
انقبلت الحمدلله ع خير وفعلا لقيت التخصص ممممتتتتتع المواد تجننن على موودي :$
والله كل يوم اكشن
اتحدا بين كل الكليات سواء صحيه او لاء تكون في معامل زي حقتنا .. < اتحمست
الدراسهً حلوة لان الدكاتره مراااااا توب فما ح تحسي ب صعوبه المنهج.. الدفعه مرا عسل و متعاااااونين الحمدلله مالقيت اي صعوبه غير في اول كم شهر من الرسايل السلبيه من المجتمع والناس سواء عن فين ح تتوظفي < وكالعاده يكون جوابي قصدكم فين ما حتوظف
او كلام سلبي عن التخصص نفسه من الناس الجاهله :)
بس الحمدلله دحين اتعلمت اكبر دماغي xD
اسمعي لاتشيلي هم الدراسه مرا حلووووووة

Ops طولت في الكلام :(

[ُزمرد]

المشاركة الأصلية كتبت بواسطة Loja ماشالله ولساتكم عايشين مع الضغط دا كلو لول والله اتحمست ادخلها .. الله يكتبهالي يارب كم مادة تقريبا اول سنتين تاخدو ..؟! وفي محاضرات مدتها اكتر من ساعه ..؟!

لاطبعا المحاضرات 45 دقيقه لو طولت الدكتورا قولو خلصصصص الوقت يا
دكتر xD

[الحمد الله على كل حال]

زمرده تعليمينا الشطانه>مسلسلخليجي

امزح
ممتابعه بصمت

[ُزمرد]

المشاركة الأصلية كتبت بواسطة الحمد الله على كل حال زمرده تعليمينا الشطانه>مسلسلخليجي امزح ممتابعه بصمت

لا ياحبيبتي لا صمت في عالم الصيدله
عندك سالفه ولا ماعندك سالفه لازم تتكلمي قصدي يعني اسئله او استفسارات < خافت من ميمي *_*