استفسار بخصوص امتحان مستوى الانقلش لطالبة قدمَت معاملة تحويل لانتظام أمس

[عبير منشي]

اختي المتطلعة هم مايسألوا عن تاريخ الشهادة لكن من شكلها شهاداتنا اللي قبل خمس سنين تختلف عن الجديدة .
أنا ما قلت لها شي ناولتها الشهادة و على طول سألتني انتي متى متخرجة. عرفَت من شكل الشهادة انها قديمة.

نور الإسلام
انا رايحة بكرة أشوف لو يقبلوا يسجلوني فإمتحان تحديد المستوى وامري لله. و بسأل عن سير المعاملة مرة وحدة.
بخصوص المعاملة الله اعلم إنهم جالسين يصرفونا.

بدأت افكر اجلس انتساب و على تخصصي اللي ابغاه ارحم من مذلة عباد الله ربي يوريني فيهم يوم.

[المتطلعة]

المشاركة الأصلية كتبت بواسطة نور الاسلام1 البنات يقول انهم بيدققوا ووحدة رجعتها ... ياريت كلامك صح وتكون نسيت شكلي ووديلها الشهادة بس لاني اخاف بعدين يلغوا كل شيء

لا خلاص اذا ختمت صورة الشهاده واخذتها ما راح يتلغي شي والله اعلم

[المتطلعة]

عبير منشي ارسلي معروض للعميد وسيبيك من المعامله

البنات الي اترفضو السنه الي فاتت رسلو معروض وجاهم القبول بعد يومين

لا تيئسين جربي كل الطرق عشان ماتندمي بعدين

[قلم شاعرة]

أختي نور الاسلام مبني الجوهرة هو مبني الأستاذان والدكتورة وإدارة فقط مافي فصول المبني قبال المبني الرابع والخامس تدخلي من البوابة الرايسيه اتركي اليمين علي يدك اليسار تلقين ممر طويل امشي للآخر لفه بسييييطه كمان يسار تلقي مكتب المشرفة رنا الشيخ والمكتب الي جنبه السكرتيرة صالحه جداً حبوبات وأخلاق

[عبير منشي]

المشاركة الأصلية كتبت بواسطة المتطلعة عبير منشي ارسلي معروض للعميد وسيبيك من المعامله البنات الي اترفضو السنه الي فاتت رسلو معروض وجاهم القبول بعد يومين

المشاركة الأصلية كتبت بواسطة المتطلعة لا تيئسين جربي كل الطرق عشان ماتندمي بعدين

قدمت معروض لعمادة الرجال دكتور عبدالرحمن اليوبي و للأسف من يوم السبت اخويه متمرمط رايح جي من مكة لجدة عشان يدخل المعروض يقولوا له الوكيل مسافر بكرة يكون في مكتبه. وبكرة صارت يومين وما جا للآن في مكتبُه !

يا ستي الوضع تسيب فوق ما يتخيل أي مخلوق. من أمِن العقوبة أساء الأدب و للأسف هم مطمنين ان مافي أحد يسأل وراهم أو يعاقبهم بينما احنا حتى واحنا مظلومين ما نأمن العقوبة لأن فيدهّم صلاحيات يعاقبونا و يمحون مستقبلنا وقت ما يبغوا .

حسبى الله ونعم الوكيل. بكرة آخر مرة راح ارسل اخويه وبعدها خلاص. ترى السبت كان حيدخل ع العميد سكرتيره رفض قال معاملات التحويل تتسلم لوكيل الشئون الدكتور اليوبي.

[نور الاسلام1]

المشاركة الأصلية كتبت بواسطة عبير منشي بدأت افكر اجلس انتساب و على تخصصي اللي ابغاه ارحم من مذلة عباد الله ربي يوريني فيهم يوم.

انا بجلس انتساب خلاص ... من 20 رمضان وانا رايحة جايه .. فطرت في رمضان لانو سفر وااستحمل حر جدة .. زي الكورة يرمونا على بعض خلاص ... اللي في غرفة 12 العمادة فرع السليمانية ياريتها تقرا ردجي هذا ... يامفترية ابسالك سوال مو تمشي وانا اجري وراك تكلمني كشحادة .... انا 3 الالاف اللي ادفعها من دم قلبي ذي هي اللي فتحتلك بيتك ونفختك النفخة هاذي الله لا يسامحهم ... وربنا موجود وشايف وبينتقم اشد انتقام وانا ماني مسامحة ... اش هي فتوى فقهي ... تحليل حرام ... اجتماع ولجنة تناقشي معاملتي .... جبنلاكم معدل 5 وو100 بالالكا ... قلت قدموا معاملة قدما راجعوا راجعوا راجعوا راجعنا .... وفي الاخير اختبار قبول للغة ماادري منين طلع ماشي موفقين نختبر ... وين المعاملة اللي لها شهر .... ماحد داري ... روحي السلمانية روحي الفيصلية روحي للنجوى روحية لفوزية روحي للمادة اليوبي الوكيل .... ليه من الاول ماقلتو ... شهادة قديمة ... ايوة لا الموضوع بسيط مو مسالة فقهية .... لكن خلاص زي ماقلت من امن العقوبة ... تفرعن ... حسبي الله ... حسبي الله ... حسبي الله

[عبير منشي]

المشاركة الأصلية كتبت بواسطة نور الاسلام1 انا بجلس انتساب خلاص ... من 20 رمضان وانا رايحة جايه .. فطرت في رمضان لانو سفر وااستحمل حر جدة .. زي الكورة يرمونا على بعض خلاص ... اللي في غرفة 12 العمادة فرع السليمانية ياريتها تقرا ردجي هذا ... يامفترية ابسالك سوال مو تمشي وانا اجري وراك تكلمني كشحادة .... انا 3 الالاف اللي ادفعها من دم قلبي ذي هي اللي فتحتلك بيتك ونفختك النفخة هاذي الله لا يسامحهم ... وربنا موجود وشايف وبينتقم اشد انتقام وانا ماني مسامحة ... اش هي فتوى فقهي ... تحليل حرام ... اجتماع ولجنة تناقشي معاملتي .... جبنلاكم معدل 5 وو100 بالالكا ... قلت قدموا معاملة قدما راجعوا راجعوا راجعوا راجعنا .... وفي الاخير اختبار قبول للغة ماادري منين طلع ماشي موفقين نختبر ... وين المعاملة اللي لها شهر .... ماحد داري ... روحي السلمانية روحي الفيصلية روحي للنجوى روحية لفوزية روحي للمادة اليوبي الوكيل .... ليه من الاول ماقلتو ... شهادة قديمة ... ايوة لا الموضوع بسيط مو مسالة فقهية .... لكن خلاص زي ماقلت من امن العقوبة ... تفرعن ... حسبي الله ... حسبي الله ... حسبي الله

حسبى الله ونعم الوكيل..

الله ينتقم لك و ياخذ لك حقك يا نور الإسلام وحقي وحق كل مظلوم.
أنا قلتها هداك اليوم من أمن العقوبة أساء الأدب .
هم مطمنين انه محد راح يحاسبهم .

وعلى بالهم بس الطالبة مجبورة تعامل المعلمات بأدب .. لا يامسلمات الاحترام والأخلاق مطلوبة من الكل تجاه الكل و كل واحد في القبر راح يتحاسب على كل كبيرة و صغيرة و أشد الحساب هو الحساب اللي يخص خصومات الناس وحقوقهم و مظالمهم.
واحنا ما قصرنا لا في احترام ولا في أدب

انا معاملتي انكتب لي من شوي في الاستعلام انها وصلت عندهم .
عاد متأكدة بكرة حيقولولي ما جانا شي روحي السليمانية ههه ! على اساس سواقي تحت رِجلي ينتظر اشارتي بس عشان يتشحطط معاي !
فأقل من اسبوع متكلفة 600 ريال روحة و رجعة مع التكاسي والليموزينات.
يرضي مين هذا غير ...؟!

و حتى لو انقبلت انتظام بكرة. الموظفة اللي كانت تسجل البنات فامتحان الانقليزي قالت لي أمس قدام البنات اللي لسى مااعطتنا العمادة رقم تخصيص في الانقليزي مااقدر اسجلها قلت لها طيب لما تطلع نتيجة معاملاتنا ؟ قالت انسوووو شي اسمه اعادة امتحان !

واحنا ايش ذنبنا في تأخر النتايج ؟!
ليش الفوضى و الاهمال و الاخطاء وسوء التعامل يجون منهم واحنا نتحمل ثمنهم ؟

الخلاصة لو انقبلت انتظام وعرقلوني في الانقلش راح اظل انتساب وادرس فتخصصي.