فتحوا تخصصات جديدية لطلاب السنة التحضيرية المسار العلمي

[كاسر العقبات]

الموازي في التخصص مثل الانتظام تماما بس اللهم مافي مكافأة ..... والاثنين يداوموا في الصباح

[roleat99]

المشاركة الأصلية كتبت بواسطة كاسر العقبات الموازي في التخصص مثل الانتظام تماما بس اللهم مافي مكافأة ..... والاثنين يداوموا في الصباح

هوا دا الكلام الصحيح شكرااا ♥
صراحة خفت ف البداية لكن الحمدلله طلعت زي الموازي حق الطب الدوام صباح

[بشائر الفرح =)]

المشاركة الأصلية كتبت بواسطة 3zzouzz ^^ غريبة اللي اعرفه ان اي دوام موازي يكون في العصر عشان الزحمة وعدد المقاعد للمنتظمين وكذا لكن لو كان في الصباح معناه ما في مشكلة في عدد المقاعد لحد يتكلم عن التضييق على الطلبة ، كلنا نعرف ان الجامعة لها ميزانية محددة تصرف من وزارة المالية ، ومن ضمن بنود الميزانية بند مكافآت الطلاب الجامعة ممكن تخلي كلية الطب مثلا 1000 مقعد !!! لكن اللي حياخذوا المكافآت 200 طالب فقط تبعا للميزانية المصروفة عدد المقاعد شأن خاص بالجامعة ومنشآتها وعدد الكادر التعليمي من دكاترة وخلافه ، تكبر وتصغر فيه حسب ما تبغى ، لكن المكافآت محسوبة ( بالملي متر يا حبيبي بالملي متر )

أولاً : ميزانية الجامعه ماراح تنضرب لو أعطوا كل طالب حقه يبقى زيه زي كل طالب ف النهايه بيحتاج مكافئه هذي من أبسط حقوقه يعني عشان نقص درجه وإلا درجتين خلاص حُرمت عليه ..

وبعدين يا أخي الكريم , بالنسبه للميزانيه اللي تتكلم عنها .. الجامعه بتصرف مبالغ هائله ف حفلات ومناسبات كثيره , ما جات على الطالب يقولوا لا مو من حقه ..

مثال بسيط , ف كلية الطب وهي أول كليه أستحدث فيها هذا النظام .. القاعه فيها 200 مقعد ل 200 طالبه بمافيهم الـ 45 طالبه موازي يعني الحكايه مو حكاية مقاعد أبداً .. ومتساويين ف كل شيء وربما يكونوا أكثر حرصاً وإجتهاداً من غيرهم .. ومع العلم أيضاً أن الكليه إنسحب منها ف نفس السنه ربما 9 أو 10 طالبات إنتظام .. وبالتالي المفترض أن يحولوا عدد أكبر من طلاب الموازي للإنتظام بدل هولاء المنسحبات لكن لا يلتفت أحد , ولا زالوا مصرين على تحويل طالبه واحده فقط من الموازي ل إنتظام .. ما جات على المكافئه ما راح تخسر الجامعه ولا فتفوتة شي لو أعطتهم .. هولاء طلبه يحتاجوا دعم يعني لا هم إنتساب ولا هم خيبانين عشان ما أحد يعطيهم !!

يا أخي يكفيك إننا دوله الحمد لله غنيه ويخير وفضل , وهولاء اللي مانعين عنهم المكافئه بحجة النظام وما النظام بكرا بيمسكوا مناصب ف الدوله ويرفعوا شأنها يعني مو داخلين الكليه يلعبوا !!

لإنك يمكن مو مستوعب فكره إن الطالب يجلس بدون مكافئه لمدة سنه أو أكثر ! وعلى حس ايش ؟
على حس فرع مستحدث حرصاً ع قبول أكبر عدد ممكن ! لا تقبلني إذا ما عندك ليونه ف تحويلي لإنتظام طالما إني إنسان أثبت إجتهادي وتمسكي بالقسم اللي أنا فيه " لا يا الأول يابلاش " !

رجاءاً , لا يأتي أحد ويتكلم من غير علم أو إلمام كامل ,,
نحن قريبن جداً من الوضع .. وعارفين ايش جالس يسير ..

الله يوفق الجميع ,

[3zzouzz]

^^
انا فاهم وعارف وحاااس
وانا اول واحد لو انقطعت مكافأتي
راح ازعل طبعا ، وصعب الاهل يتحملوا
كل شيء في وضع دراسي صعب وفي كليات
تتطلب مصاريف زي كلية الطب ... انا بس اتكلم
عن الواقع الحاصل واللي بيصير ، اما مسألة تبذير الجامعة
لفلوس في الحفلات والمناسبات ما حتكلم فيها لأني ما ادري بخصوصها
لكن اللي اعرفه ان المكافآت متوزعة على كل طالب ، وطالبة
يدرسوا ( انتظام ) في هذه الجامعة ويستلموا مكافآت ، غير كذا
الجامعة ما حتنزل ( ريال واحد ) زيادة
الطلاب اللي اختاروا الموازي ( برغبتهم ) المفروض يكونوا عارفين بهذه الامور
وعارفين ان التحويل صعب والعملية غير مرنة بالتالي الموضوع في يدهم
يختاروا الموازي او لا ،،،
واكيد تعرفي ان طلاب الموازي كان المفروض يدرسوا بفلوس ( في الجامعة ) الى ان تكفل
خادم الحرمين الشريفين - حفظه الله - برسوم الدراسة عنهم بمرسوم ملكي تم اصداره قبل
سنتين او ثلاثة !!
في النهاية اتمنى الجامعة تكون متساهلة مع الطلاب والطالبات في كافة التخصصات
والله يوفق الجميع انتظام ولا موازي ويكتب اللي فيه الخير للكل

[سعدون07]

ناهيك عن وجود طلاب يدرسون وهم من خارج منطقة جدة ، فالوضع عندهم مزري ، بدون واسطة ، والتكيف صعب ، وفي النهاية يدرس موازي !!
بالفعل ، شيء غريب فعلاً !!
أقترح على جامعتي ، استخدام برميل النفط الخاص بي في صرف المكافأة بدلاً عن حفلات المزمار !

[mo3ath_sh]

طيب السؤال المهم الحين , اذا دخلت الهندسة موازي اقدر احول منها الى انتظام ولا مستحيل و ببقى موازي الى التخرج؟؟

[roleat99]

المشاركة الأصلية كتبت بواسطة mo3ath_sh طيب السؤال المهم الحين , اذا دخلت الهندسة موازي اقدر احول منها الى انتظام ولا مستحيل و ببقى موازي الى التخرج؟؟

السلام عليكم ....
حبيبي النضام دا جديد بالنسبة للهندسة فأنا أنصحك لا تأخذ كلام من منتدى أو غيره
خد كلام من شخص مسؤول بالعمادة وانتبه لأنو في ناس بتفتي كثيييير

مقارنةً بالطب الموازي فيه تحويل للطلاب الأوائل على دفعة الموازي
الهندسة نقول أن شاء الله يكون التحويل أكيد بس نبي مصدر موثوق يعطينا العلم

[رويدا علي]

بشائر الفرح
بما انك طب وأدر منا
هل التخصصات الطبية تحتاج مكأفاة مالية
يعني اذا ماكان عندي مكافأة صعب عليه أوفر طلبات المواد
أو زي السنة التحضيرية ما احتاج شي مررره
وهل في طلبات غير الكتب يعني
وشكراً

[roleat99]

Up
Up
Up
Up
..

[*mahati]

بالعكس انا احس فتح الموازي فيه شيء ايجابي للطالبة او الطالب
لانه يكون عنده فرصة اخرى لدخول التخصص اللي يحلم فيه
غير كذا انا سسمعت ان المعدل اللي طالبينه اقل ,,