استفسار هام عن كلية ابن سينا

[no0ona.s]

انا ابغا اسجل من دون ما اسحب ملفي بس هما طالبين الملف ابغا اسألك لو سمحت كيف سجلت من دون ماتسحب ملفك من عبدالعزيز ؟انا ابغاهم يعادلولي المواد كلها طبعا بس ابا اضمن اول شي تطلع نتايج التسكين بس ما اعرف يعني هما قالو انو اول مانسجل وندفع الفلوس في نفس اليوم حيجينا القبول وحيعطونا مهلة يومين نجب الملف طيب ايش اعطيهم انا اذا ما اعطيتهم الملف ابا اعرف ايش اعطيتهم لأنهم طالبين الملف ؟ ومن ناحية الي بيسألو ع المعادلة بفلوس ولا لأ انا سألتهم وماقالولي انها بفلوس ابدأ بس ال 25الف حقت الترم والف حقت فتح الملف يعني بس 26 ومن ناحية الدراسة حندرس سنة تحضيرية كاملة حتى لو خلصنا المواد في الترم الأول محا نسير تانية طب في الترم التاني حنستنى الدفعة التانية بداية السنة الجديدة بس هادا الي حبيت اوضحو للي بيسألو

[_soso_]

بنات كثيرا منكم محتارين بس حبيت اقلكم للي يبغو يعادلو جيبو كشف درجات واتعالو طبيعي سجلو اذا فتح التسجيل
طبعا مثل ماقالت الاخت الي فوقي لازم نعيد سنة كاملة دام الشغلة فيها فلوس واحنا بنسجل على المنح معظمنا فقالو نعيدهم السنة حتى لو معادلين
المهم انا برووح السبت واليوم ابويا بسددلهم الله ييستر
لانه الحرمة قالت المعادلين يقدمو بمعدل التحضيري على المنح موب درجات الثانوي
وانا شايلة هم لانه معدلي 4 من 5 اخاف مايقبلوني
ماتفتكري اش قالت لك الموظفةno0ona كيف التقديم على المنح يكون
انا رايحة السبت اذا الله يسر وابي احكيكم تجربتي ان شاء الله بموضوع مستقل

[رويدا علي]

سوسو
امس انا رحت وسالت وطلبت رقم
لتواصل بس انا محتاره ليش ادفع والقبول مو بعد أسبوع
طيب اذا دفعت وبعدين ما قبلوني أو ابغى ارجع بجامعة الملك عبد العزيز
يرجوعوها ولا لا

وهذي الرقم عشان الي بيسال
6356555

التحويل
131
168
170
156
163
161

بنات اي وحده تدق تسألهم
متى اخر موعد لدفع
وشكراً

[no0ona.s]

بخصوص القبول في المنحة هوا يفتح التقديم في رمضان بس انا سألتهم وقالو وقت مانسجل نقدر نطلب منهم انو نقدم في المنحة وهما يقدمولنا من عندهم والقبول يجي في نفس اليوم وبعدين يقولو لازم نجيب اخلاء طرف بعدها بيوم او بالكتير يومين بس انا مابا اسوي اخلاء طرف دحين هل في طريقة تانية انو يسجلوني من دون ما اسوي اخلاء طرف على طول لأنو سمعت ناس كتير زي كدا سوو بس مني عارفة بالزبط كيف سوو كدا الي يعرف اي شي لوسمحتو يفيدني

[_soso_]

انا سويت شيك بس يعني لسه ماحولت لهم او اعطيتهم بس الشيك جاهز للصرف
يابنات الموظفة قالت لي الاولية للي جايين اول شيء واوراقهم جاهزة ودافعين وخصوصا للمعادلين مثلنا لازم نجي بدري
رويدا انا دايما ادق على رقمهم بس مادري ليش مايردو المهم اي تحويلة اضغط
بالنسبة للمنح ماني فاهمة احنا مستجدين نعتبر لسه مافتحنا حساب بموقع المنح كيف هم يقدمو لنا ؟
وكيف القبول بالمنح تتوقعو يقبلوني وانا معدلي 4

[رويدا علي]

توي كلمتهم وردو
على التحويلة 170
وياااارب تنقبلي معدلك تمام
لازم فوق 2.75

[إسراء,]

أنا رحت امس اﻷربعاء ، بالنسبة لطالبات التحضيري يجيبوا شيك مصدق 26 ألف لكلية ابن سينا اﻷهلية

الطبية وكشف بالدرجات وبعدين تختبري مواد المعادلة اللي هيا ثقافة إسﻻمية وعربي ومصطلحات طبية

في شهر رمضان المبارك وخﻻص تبداي ثاني طب ولما يجي

قبولك في منحة تترجع لك الفلوس الترم الثاني

بالنسبة للمواد ومعادلتها قالتلي وحده من صحباتي في الكللية

عليها والباقي من الكلية متأكدة ، غير إنه انا بروح السبت

ان شاء اااه وما حاسحب ملفي لين تجي نتايج التسكين

وغالبا كل الطالبات المستزفين للشروط يتقبلون في

المنحة يعني ﻻزم المعدل فوق 2.75 ودرجات كل مادة فوق 70

والله الموفق.

[_soso_]

المشاركة الأصلية كتبت بواسطة إسراء, أنا رحت امس اﻷربعاء ، بالنسبة لطالبات التحضيري يجيبوا شيك مصدق 26 ألف لكلية ابن سينا اﻷهلية الطبية وكشف بالدرجات وبعدين تختبري مواد المعادلة اللي هيا ثقافة إسﻻمية وعربي ومصطلحات طبية في شهر رمضان المبارك وخﻻص تبداي ثاني طب ولما يجي قبولك في منحة تترجع لك الفلوس الترم الثاني بالنسبة للمواد ومعادلتها قالتلي وحده من صحباتي في الكللية عليها والباقي من الكلية متأكدة ، غير إنه انا بروح السبت ان شاء اااه وما حاسحب ملفي لين تجي نتايج التسكين وغالبا كل الطالبات المستزفين للشروط يتقبلون في المنحة يعني ﻻزم المعدل فوق 2.75 ودرجات كل مادة فوق 70 والله الموفق.

متأكدة انو الموظفة قالت لك كذا ؟
نختبر وبعدين ننتقل ثاني
انا رحت مرتين وماقالو نفس كلامك
حتى اخويا خليته يسأل قسم الرجال
قالو مافي انتقال لثانية طب
نعادلك وتعيدي التحضيري وتدرسي الي مادرستيه
طيب اش قالو لك بالنسبة للمنحة نقدم عليها بمعدل التحضيري ولاالثانوي

[no0ona.s]

ايوة كيف قالولك كدا انا سألتهم عشرة مرات وقالو السنة النظام اتغير وحأدرس السنة كاملة تحضيري وبعدين كيف تقولي محا تسحبي ملفك هوا اصلا اول يوم تسجلي وحتنقبلي على طول وبعدها يومين بالكتير لازم تسوي اخلاء طرف وسألتهم متى اخر مدة اذا ابا اتأخر قالو بس يومين بالكتير وقلتلهم طيب انا حأكون دافعة الفلوس قالو حتى لو دافعة الفلوس اذا ماجبتي اخلاء طرف بعد يومين حنلغي تسجيلك وانا مررة مانفسي اجيب اخلاء طرف على طول قبل ماتطلع نتايج التسكين ابا اعرف ايش حتسوي اذا ماتبي تسوي اخلاء طرف؟ ايش في طريقة تانية

[إسراء,]

ﻻ مو الموظفة اللي قالتلي وحده من صحباتي في الكلية تدرس وحتاكد السبت ان شاء الله..