تأشير مهم لمادة القراءات الاداريه بالانجليزي (:

[طموحي الامتياز]

السلام عليكم ورحمه الله وبركاته
قابلت استاذه اروى جمل الليل بالجامعه وسألتها كم سؤال
في المنهج والله يسعدها انسانه رائعه (:

1) اشرت معاي الكلمات اللي بالجدول وهي قالت لنا في السنترا انه مو كل الكلمات معانا فقط الكلمات اللي ذكرت في الدروس معانا واي كلمه مكتوبه في الجدول وماذكرت في الدرس مو معانا
واشرتها معاي المهم نزلتها لكم الكلمات بالمرفقات وان شاء الله تفيدكم
الكلمات اللي عليها صح هي اللي معانا والباقيه لا وكمان الكلمات الللي بالدروس مهمه
لانه راح يجي سؤال في الاختبار عن الكلمات ومعانا بالعربي
وقالت راح تكون كثير

2) التعريفات قالت كلها مهمه وراح تكون واضحه في الاختبار مثلا تعريف المدير وبتحط بداله مصطلح المنظمه واحنا نحط خطأ
لكن مراح تلعب في التعريف نفسه مثلا تجيب لنا تعريف المدراء وتلعب لنا في نهايه التعريف وتخليه يصير خطأ قالت مراح اخلي الاسئله بدي التعقيد

3) نفرق بين كل انواع الميزانيات
4) كمان قالت التعدادات الطويله ركزوا في المصطلحات اللي فيها ومعناها بالعربي
5) عدد اسئلة الاختبار قالت تقريبا 80 سؤال
6) كمان قالت ذاكروا اللي شرحته في المحاضره الاولى وتقريبا نفس اللي شرحته بدرس الميزانيات بس ذاكروة
7) القطعه قالت راح تجيب الاسئله عليها حسب الفهم
8)ساعاتها المكتبيه يوم الاثنين والاربعاء من 10-11 بس قبل لاتروحوا حددوا موعد معاها ع البريد وبتقول لككم في اي غرفه تلاقوها
ولا تخافوووو هي مرا ملتزمه بموعدها لدرجه رسلت لي بنفس اليوم انها موجوده بنفس الغرفه اللي حددتها لي (:

وبسسسس هذا اللي صار معاي وحبيت افيدكم والله يكتب لكم التوفيق
واي وحدة تروح للاستاذه وتراجع شي معاها ياليت تنقل لنا المهم اللي قالته
^__^