عربية الملكة --------> عشان نضال

[Biba]

المشاركة الأصلية كتبت بواسطة maryam انا بالنسبه ليه اكره عربيه الملكه ودايما اشوفها عند قريباتي وأتريق عليهم واجلس اشيل همها اذا جاتلي اش راح اسوي بيها احس انها كركوبه وتعمل زحمه ما لها داعي في البيت و أحزن على العريس إلي متكلف فيها ياريت كل عريس يفكر يبتكر هديه حلوه لزوجة المستقبل بدل التكرار و التقليد الآعمى و كمان مالو داعي يعني بالله في بنت دي الأيام تاكل فوفل؟؟؟ حتى لو هديه مرة صغيرة بس مررررة معبرة !

يا بخت عريسك يا مريم ..... مح يصرف كتير
وحكاية الهدية المبتكرة مرة حلوة ..... تجديد يعني ------> اسمعوا وعوا يا شباب

[AbO FahaD]

اثاري فيه شيء اسمه عربيه
======>اول مره يسمع عنها عايش في العصر الحجري
الصراحه اشوف زي ماذكر ليدر وطالب انتساب انها ذكرى جميلة تبقى حاضرة في المنزل
بالله وش شعورك ياثامر كل ماشفتها في البيت قدامك
===========>لاتكون نادم عاليوم اللي شريتها فيه
وبخصوص المهور في المنطقة الجنوبية اخوي ثامر وان كان هذا خروجا عن الموضوع لكن اود ان ادلو بدلوي
ماقلته قد يكون ولى عليه الزمن الان اصبح هناك اتفاقات قبلية على مبلغ معين
ولااعتقد انها تتجاوز ال 40 الف ريال متضمنة كسوة الام
وبعضها اقل بكثير
لكن الشباب الله يهديهم مايبون يتزوجون

[Biba]

شكراً أبو فهد على مشاركتنا في هذه القضية
ولا تحرمنا من ردودك

[مغرورة بس معذورة]

راي بصراحة

ان مالها فايدة ,,, بس هذا مايعني انه مايجيبه

لازم يجيبها او يجيب ا شي بديل مايدخل ويده فاضيه لو مايتعب عليا يتعب عشان مين


عشان يكون عريس لقطة لازم يملي عيني ويشرفني قدام الناس..مو شرط بعربية اي شي يدل على الاهتمام

ومبروك نضاااااااااال

[Mr.THAMER]

يا اخوان . . . اشبكم قمتوا عليا على موضوع ابها

والله هذا صار لواحد من الشباب . . . . من قبيله معينه ما راح اذكره

وفيه شباب من قبايل ثانية اتزوجوا بــ 40 الف . . زي ما قلتوا . . . وانا في كلامي ما عممت الموضوع . . . يعني لاحد يفهمني غلط . . .

هذا متزوج العام . . . وفيه غيره بـ100 من نفس القبيله . . . يعني انا ما جبت الكلام من الهوا

وحكاية الرشرش والحزام . . . هو قايله لي بنفسه انا ما رحت اشتريت معاه

اخ ابو فهد

يا اخي انا جاتني عقده منها . . . ما عاد ادخل صالون الحريم

واذا الله قدر عليا ودخلته مثلا موجودين اهلي . . . على طول اعطي الزاويه اللي فيهال العربيه ظهري . .


<< ========================متعقد

[نضال]

ترى بالفعل انا ادري ان الكلام دا موجود بس قبل فترة ... الان بعد ما اتدخل الامير خالد الفيصل اتحددت المهور ...


و ترى انا شايف الناس هنا بتبارك لي ..

ترى لساعنا عزاب دا اول شي و تاني شي لساعنا اولى عطاله .. ما اتوظفنا لين دحين .. ادعولنا

[أخت غزوول وبنت عمة قمر]

لزيز

انت قصدك لذيذ.............................(فاضيه)صح

انا اقول ان العربيه مالها داعي مره

يشتري بي فلوسها خاتم الماس ((احلام كبيره)) ويعطيه لي عروسته

[Biba]

المشاركة الأصلية كتبت بواسطة مغرورة بس معذورة راي بصراحة ان مالها فايدة ,,, بس هذا مايعني انه مايجيبه لازم يجيبها او يجيب ا شي بديل مايدخل ويده فاضيه لو مايتعب عليا يتعب عشان مين عشان يكون عريس لقطة لازم يملي عيني ويشرفني قدام الناس..مو شرط بعربية اي شي يدل على الاهتمام ومبروك نضاااااااااال

هوا دا الكلام اللي كنت ابغى اسمعو
ابغى اعرف ايش رأي البنات ( العروسات ) في دا الموضوع
يعني عادي يدخل ويدو فاضية ولا لأ
والأخت مغرورة شاركتنا برأيها القيم

[mankoosha]

زفوا المفوكس يلا ياهل البيت تعالوا

موضوع حلو

زمان كان الصندوق احلى

صندوق بنت خالتي ماشاء الله كان خرافي

لونه تركواز و عليه اسماء الله بجد رائع

عموما اللي مقتدر و حالته المادية تسمح مافيها شي لو جاب صندوق او عربية او اي حاجة طالعة

اللي يخلي العروسة تدفع العشرين و التلاتين على فستان فرح ما بيتلبس غير مرة وحدة يخلي العريس يدفع خمسة على حاجة راح تبقى

و يا طويل العمر

الريالات الفضة اساسية

و المهر يتحط كمان

و الدبل تنحط فيها او في تبسي الطقم

و تنحط عودة و كلونيات المتوسط من ستة لعشرة

و مكياج ساعات

و الفوفل

و صحن الحلاوة

و ساعات يحطوا سجاجيد و شراشف صلاة فخمة تنفع العروسة تحطها للضيوف في بيتها

و تتزين في الغالب على لون فستان الملكة

و عموما افضل المحلات اللي تبيع الحاجات دي الغامدي و مفتي

الغامدي في في التحلية و طريق المدينة اظن

و مفتي في الأندلس

و الله يوفق العرايس و عقبال اللي عايز

و سلام

[ليدر أستوديو هبقات]

قووووووووووووووووووولو مبروووووووووووووووووووووووووك

أقنعت نضال اليوم بالعربيه

فبعد زيارتنا لمحل العجيب للعصيرات ( عصير ؟؟؟؟؟؟؟ ) لكن طبعا أنا رفضت نشتري

وبعد نقاش أدا بنا للذهاب للهنداويه والإجتماع على مائده بها معصوب ملكي ( أبيض )

وافق نضال بالعربيه

طبعا أنا صورته وهو موافق وكل شي .. لكن الله يهديه أخذ الجوال مني ومسح الصوره ..



لكن على العموم هو موافق خالص