موقع لتعليم اللغه الانجليزي مع شرح لكيفيه التسجيل

[dr.rorosmart]

المشاركة الأصلية كتبت بواسطة سُكر محروق عندي سؤال يارورو ..لواكتفيت بالموقع ممكن يفيدني ولااستخدم مواقع تانية أو اشتري كتب تساعدني؟

لو اكتفيتي واخدتي كل الكورسات
حاولي ايوا تدخلي موقع تاني
ادخلي في غوغل واكتبي مواقع لتعليم الانجليزي
وشوفي ايش يطلعلك
وغير كدا حاولي تخصصي يوميا كم كلمه انجليزي من القامووس او من كتاب او اي مكان..
وترجميها وحطيها في جمل وحاولي تحفظي السبلنغ وطريقة نظقها
وانشاءالله ماتنسيها
او اذا وحده من صحباتك او من اهلك لغتو جيده حاولي تتكلمي معاه
وكمان لمن تروحي اي مكان مثلا المطبخ
لمن تشووفي العيش او الخبز او ايش ينقلو
مثلا قوولي اسمو بالانجليزي وكدا
اجلسي فتره تسووي دي الحركه الين ماتنتهي من كل شئ في المطبخ مثلا
روحي غرفتك وسوي فيها نفس الحركه
الين مايسير عندك مصلحات جيده
واذا كنتي من الناس اللي يتفرجو افلام كتيير طبعا اجنبيه
حاولي تسمعي كلامهم مو تقري الترجمه
واقري كتب انجليزيه او مقالات انجليزيه وترجميها بنفسك وحترسخ في بالك الكلمات اللي تترجميها
ولو كنتي حابه تقوي قراءتك
اقري اي كتاب او اي شئ بالانجليزي حتى لو ماكنتي فاهمه ايش مكتووب
اقري بصووت عالي
عشان تتعودي على قراءة الكلمات بالانجليزي
ولو كنتي حابه تقوي السبلنغ
خلي احد يقولك كلمات انجليزيه وانتي خلي معاكي ورقه وقلم
لمن تسمعي الكلمه اتهجيها كم مره واكتبيها
ان طلعت صح فمررا كوويس وان طلعت خطا شوفي السبلنغ بسرعه وحاولي تكتبيها كم مره
وصدقيني ماراح تنسي ابدا وحترسخ في دماغك

اتمنى اكوون استفدتي وفهمتي عليا
والله انا بقلك كل شئ سويتو والحمدلله انا لغتي ممتازه
انشاءالله تكووني استفدتي واشوفك تعلمي الناس انجليزي وتنصحيهم كيف يقوو لغتهم

وشكرا

[dr.rorosmart]

المشاركة الأصلية كتبت بواسطة miss ez3ag بنات انتبهوا تسجلوا بأسمائكم الحقيقية .. تجيكم إضافات من شباب ^_^

من جد
بس عادي ممكن ماتوافقي على الاضافه وطنشيها حتى الرسايل

بس الحلوو فيه انو تقدري تتعلمي اي لغه تبيها

وشكرا على النصيحه

يبالي احطها في بداية الموضوع

المشاركة الأصلية كتبت بواسطة lonia يعطيك العافيه على دا المجهود الجبار جزاك الله كل خير من جد موقع مرا مفيد

ويعافيكي ياستي ووياكي ياااارب

وانشاءالله تستفيدي وانا ماسويت شئ

بس ادعيلي ربي يحققلي حلمي واسير دكتوره

وشكرا

[سُكر محروق]

المشاركة الأصلية كتبت بواسطة dr.rorosmart لو اكتفيتي واخدتي كل الكورسات حاولي ايوا تدخلي موقع تاني ادخلي في غوغل واكتبي مواقع لتعليم الانجليزي وشوفي ايش يطلعلك وغير كدا حاولي تخصصي يوميا كم كلمه انجليزي من القامووس او من كتاب او اي مكان.. وترجميها وحطيها في جمل وحاولي تحفظي السبلنغ وطريقة نظقها وانشاءالله ماتنسيها او اذا وحده من صحباتك او من اهلك لغتو جيده حاولي تتكلمي معاه وكمان لمن تروحي اي مكان مثلا المطبخ لمن تشووفي العيش او الخبز او ايش ينقلو مثلا قوولي اسمو بالانجليزي وكدا اجلسي فتره تسووي دي الحركه الين ماتنتهي من كل شئ في المطبخ مثلا روحي غرفتك وسوي فيها نفس الحركه الين مايسير عندك مصلحات جيده واذا كنتي من الناس اللي يتفرجو افلام كتيير طبعا اجنبيه حاولي تسمعي كلامهم مو تقري الترجمه واقري كتب انجليزيه او مقالات انجليزيه وترجميها بنفسك وحترسخ في بالك الكلمات اللي تترجميها ولو كنتي حابه تقوي قراءتك اقري اي كتاب او اي شئ بالانجليزي حتى لو ماكنتي فاهمه ايش مكتووب اقري بصووت عالي عشان تتعودي على قراءة الكلمات بالانجليزي ولو كنتي حابه تقوي السبلنغ خلي احد يقولك كلمات انجليزيه وانتي خلي معاكي ورقه وقلم لمن تسمعي الكلمه اتهجيها كم مره واكتبيها ان طلعت صح فمررا كوويس وان طلعت خطا شوفي السبلنغ بسرعه وحاولي تكتبيها كم مره وصدقيني ماراح تنسي ابدا وحترسخ في دماغك اتمنى اكوون استفدتي وفهمتي عليا والله انا بقلك كل شئ سويتو والحمدلله انا لغتي ممتازه انشاءالله تكووني استفدتي واشوفك تعلمي الناس انجليزي وتنصحيهم كيف يقوو لغتهم وشكرا

أفضل نصايح اخدتها في الإنجلش
نسختها عندي ويعطيكي العايفة يارورو

[dr.rorosmart]

المشاركة الأصلية كتبت بواسطة سُكر محروق أفضل نصايح اخدتها في الإنجلش نسختها عندي ويعطيكي العايفة يارورو

الله يعافيكي ياستي
وانشاءالله تستفيدي منها
دعواتك

[طارق 20]

مشكور جزاك الله خير

[dr.rorosmart]

المشاركة الأصلية كتبت بواسطة طارق 20 مشكور جزاك الله خير

وياك

[Dr.Sosa]

الله يوفقك

مرا شكرا

[أنفآإس الورد..}]

انا سجلت بس ماجاتني صفحة التسجيل بالكورسآآت؟؟
:/

[dr.rorosmart]

المشاركة الأصلية كتبت بواسطة dr.sosa الله يوفقك مرا شكرا

مررره عفوا
ويوفقك انشاءالله

[dr.rorosmart]

المشاركة الأصلية كتبت بواسطة أنفآإس الورد..} انا سجلت بس ماجاتني صفحة التسجيل بالكورسآآت؟؟ :/

طيب خلاص كتبتي بياناتك وكلو
وفتحتي الموقع من الرساله اللي جاتك ؟؟

اذا فتحتي الرساله من ايميلك وخلاص
حتجيكي صفحه تكتبي معلومات عنك وانتي ولد ولا بنت
وبعدين حتجيكي صفحه تختاري فريندز بس ممكن تسويلها سكيب
وبعدين تجيكي صفحة الكورسات

اتمنى تكوني فهمتي عليا يارب