خـلاصـة الـسـنـة الـتـحـضـيـريـة لـلـي يـبـغـى مـعـدل 5 مـن 5 - يوجد تحديث

[آســـر]

* حاولت ارسل عالخاص ما قدرت .. ياليت الاخواااانك يجابوا على اسئلتي

السلام عليكم ،،



أخي رازن .. تحية طيبة وبعد ،،



في حديث أبي هريرة رضي الله عنه عن النبي صلى الله عليه وسلم قال : ( كان الله في عون عون العبد مادام العبد في عون أخيه ) ،،



فجزاك الله ألف خير ،، على موضوعك .. ويسر الله لك عسير ، وسهل لك كل الصعاب ، ومهد لك الاعوام السبع حتى تصبح طبيبا نافعا منفعا ،،









معك أخوك .. طالب في السنة التحضيرية

نسبتي ولله الحمد من الثانوية ( حكومية ) : 99.22 %

وفي القدرات : 86

أتمنى بإذن الله أني اخش كلية الطب ، لكن أمامي عقبة السنة التحضيرية ، المشكلة أن جميع اللي أعرفهم درسوا هذي السنة التحضيرية غالبيتهم ماوفقوا فيها .. فتلقاهم يسبون هذي السنة ، ويخوفونك منها .. فأبغى منك العلم الاكيد حول هذي السنة ..



عندي وانا اخووك كذا استفسار وسوال حول السنة .. أتمنى أن يتسع لها صدرك ،،



أولا .. اسئلة حول السنة التحضيرية بشكل عام ..

س1/ كيف مستوى هذي السنة التحضيرية ( سهل - تحت المتوسط - متوسط - فوق المتوسط - صعب )؟

س2/ هل يلزم للسنة التنحضيرية في جميع المواد مذاكرة ومراجعة وتحضير يومي ؟

س3/ وش أصعب هذي السنة ولا سنة ثالثة ثانوي ؟

س4/ هل في إمكانية للتنقل من شعبة دكتور إلى دكتور آخر في الأيام الاولى .. ؟ .. وهل ينتج منها مشاكل أو حزازيات ؟

س5/ هل يتطور مستواي في اللغة الانجليزية بعد هذي السنة ؟

س6/ عنوان ورقم يوسف زويل ؟





نجي للمواد .. أنا خطة ب

1/ الانجليزي ..

س1/ انا حاليا طالب في british council يومي الاحد والثلاثاء .. 3 ساعات مسائية .. هل تنصحني بالاستمرار فيه مزامنة مع الجامعة .؟

س2/ من أفضل في التدريس والشرح والدرجات : المدرسين العرب ولا الغرب ؟

س3/ هل تنصحني إذا جاني مدرس عربي أغير إلى غربي أو العكس .. ولا أرضى بما أنا فيه ؟

س/ هل يحتاج مدرس خصوصي للمادة (علما بأن مستواي متوسط فيها ) ؟

س/ المادة تعتمد على ايش ( مقرر أو دفتر أو تست بانك ) ؟

س4/ هل فيه نصائح إضافية للمادة ؟



2/ الاحصاء

س1/ المادة بصفة عامة كيف ؟

س2/ فيه شباب نصحوني بسعيدالغامدي .. أنت وش تقول .؟

س3/ هل المادة تحتاج مدرس خصوصي علما بان مستواي ممتاز في المادة ؟

س/ المادة تعتمد على ايش ( مقرر أو دفتر أو تست بانك ) ؟

س5/ نصائح اضافية للمادة ؟



3/ الكيمياء

س/ كيف المادة بصفة عامة ؟

س/ فيه شباب نصحوني بالدكتور إبراهيم مخالد ؟

س/ هل تحتاج مدرس خصوصي علما بأن درجتي فل مارك في هذي المادة في الثانوية لكني أكرهاااااا .. فهل تحتاج ؟

س/ المادة تعتمد على ايش ( مقرر أو دفتر أو تست بانك ) ؟

س/ نصائح اضافية حول المادة ؟



4/ الاحياء

س/ شباب كثير يقولون بالنسبة للأحياء :( لو يدرسك أي دكتور عااادي لأن الاسئلة كلها من التست بانك ، فأنت حول تحفظ يوميا 4 أسئلة لين يجي نهاية الترم وانت حافظها ) ؟

س/ المادة تعتمد على ايش ( مقرر أو دفتر أو تست بانك ) ؟

س/ أكيد ما تحتاج مدرس خصوصي لأن كلها حفظ .. صحيح المعلومة ذي ؟

س/ نصائح اضافية للمادة ؟




عااااا رف والله اني تعبتك .. لكن مالك مني الا والله واحد يدعي لك في سجوده وركوعه ..



والله يحرم يد اللي يجاوبني على النااااار



بانتظار ردك وردودكم

[محمد1412]

ممكن الي ما اتوفقوا فيها مو بمستواك ماشاء الله

[رازن]

السلام عليكم ورحمة الله وبركاته
اخواني الافاضل اعذروني لتأخري بالرد عليكم
انا الان مشغول جدا ومسافر لكن ان شاء الله اليوم برجع وبالكثير ياليوم يا بكره برد على كل استفساراتكم
ومشكورين على مروركم ومشكورين للاخوان اللي ردوا على الاستفسارات والله يوفق الجميع لما يحب ويرضى

[мαѕooяy]

المشاركة الأصلية كتبت بواسطة آســـر أتمنى بإذن الله أني اخش كلية الطب ، لكن أمامي عقبة السنة التحضيرية ، المشكلة أن جميع اللي أعرفهم درسوا هذي السنة التحضيرية غالبيتهم ماوفقوا فيها .. فتلقاهم يسبون هذي السنة ، ويخوفونك منها .. فأبغى منك العلم الاكيد حول هذي السنة .. آنآ رح آجآوبك وآن شاء الله آوفي بالاجآبه , آول شيء مدام مخطط للطب آعرف انكـ لازم تدرس وتدرس وتدرس وهالكلام مع آحترامي للي آخذوآ هالسنه لعب , في مجموعه كبيره هالسنه شباب وبنات دخلو طب ماشاء الله يعني في نآس يدخلوآ مافي شيء مستحيل , والسنه التحضيريه والله سهله سهله , بس تبي دراسه وتبي شخص يعطيها حقها من الوقت عندي وانا اخووك كذا استفسار وسوال حول السنة .. أتمنى أن يتسع لها صدرك ،، أولا .. اسئلة حول السنة التحضيرية بشكل عام .. س1/ كيف مستوى هذي السنة التحضيرية ( سهل - تحت المتوسط - متوسط - فوق المتوسط - صعب )؟ سسسهله , بتلاقي صعوبه اول ماتبدأ يمكن من شكل الكتب او غيره بس لما تتعود رح تشوفها سهله س2/ هل يلزم للسنة التنحضيرية في جميع المواد مذاكرة ومراجعة وتحضير يومي ؟ طبعآ هذي آهم خطوه المذآكره اليوميييه وأي شيء مافهمته لاتخليه لبعدين روح للدكتور وبشرحلك مره واتنين وعشره , و يبيلها حل اسئله الكتاب بنفسسسك علشان تتعود على طريقة اسئله الاختبار وطبعا حل اسئلة السنين الماضية و في تست بآنك مجموعه اسئله ينزلها الدكاتره في مواقعهم او بالمكتبات حاول تحلها طبعا , وكل ماحليت زياده كل ماثبت فهمك للدرس ووتعودت على الحل س3/ وش أصعب هذي السنة ولا سنة ثالثة ثانوي ؟ السنه هذي زيهآ زي سنين الثانوي لكنها بالانقلش , بس من ناحية السهوله الدراسه بالانقلش اسهل من العربي واوضح حتى الاسئلة اسهل س4/ هل في إمكانية للتنقل من شعبة دكتور إلى دكتور آخر في الأيام الاولى .. ؟ .. وهل ينتج منها مشاكل أو حزازيات ؟ هالشيء انا وآجهته بنفسي بس مع الدكتورات واتوقع نفس الشيء عند الدكاتره , وهو تنقل فعلي يعني انك تغير شعبتك من الاودس او العماده شيء مستحيييل , بس ممكن بعض الدكاتره تروح تستأذن منه انوو بتروح للدكتور الثاني ويكون حضورك وغيابك عنده لانه اهممم شيء الحضور والغياب تنتبهله , واذا وافق كان بها واذا لا بتضطر تجلس بشعبتك ,وتروح للثاني طبعا لازم يسمحلك تكون عنده , يعني آعتبرها تنقل ودي بين الدكاتره مو دايما يصير س5/ هل يتطور مستواي في اللغة الانجليزية بعد هذي السنة ؟ اذا انت اجتهدت على نفسك بالتأكيد رح يتطور ,, س6/ عنوان ورقم يوسف زويل ؟ ماعرفه ان شاء الله غيري يفيدك نجي للمواد .. أنا خطة ب 1/ الانجليزي .. س1/ انا حاليا طالب في british council يومي الاحد والثلاثاء .. 3 ساعات مسائية .. هل تنصحني بالاستمرار فيه مزامنة مع الجامعة .؟ هالشيء يرجعلك يعني آنت جرب بدآية الدرآسه شوف تقدر توفق بين الاثنين والا لا , لانه المعهد حلو انك تستفيد منه , وبنفس الوقت ال 3 سآعآت ممكن تحتآجهآ للتحضيري .. اذا هالشيء حيخليك تقصر بالتحضيري ماله داعي واذا بتعطيها حقها وهالـ 3 ساعات زايده عندك خليك في المعهد اما لو حتقصر خلاص خلي المعهد بالصيف .. ولاتنسى ااذا حتستمر فيه الــ3 رح تحتاجها كثير وقت الاختبارات اولى للتحضيري من المعهد , س2/ من أفضل في التدريس والشرح والدرجات : المدرسين العرب ولا الغرب ؟ بالنسبة للانقلش انا افضل آستآذ آجنبي .. عشان تستفيد منه وتنجبر انو طول الوقت تتكلم معه بالانقلش , بس لو عربي حيجي كلام كثيررر بالعربي وقت الكلآس يعني مآستفدت شيء ., اما من ناحية الشرح كدرآسه مآفي مقارنه ممكن آجنبي بس مايعرف يشرح ووممكن عربي وشرحه عال العال ... س3/ هل تنصحني إذا جاني مدرس عربي أغير إلى غربي أو العكس .. ولا أرضى بما أنا فيه ؟ التغيير بين كلاسات الانقلش آتوقع مستحيل الكلاس مايزيد عن 30 طالب , ومرتبينهم حسب المستوى و وحسب وقت جدولك لانوآ سآعآته كثيررره فتغيير ماتوقع فييه س/ هل يحتاج مدرس خصوصي للمادة (علما بأن مستواي متوسط فيها ) ؟ لا لا آبدآ (الانقلش كآن آسهل مآده ) .. مستوآك متوسط يعني إن شااء الله بتمشي فيييه ممـتآز مستوى الكتب ماهووآ عالي ولاتخآف منه .. ياما ناس مستواهم ماهو متوسط اصلا بس مشيوآ فييه بسهوله س/ المادة تعتمد على ايش ( مقرر أو دفتر أو تست بانك ) ؟ تعتمد عالكتب ,, فيه 3 كتب (كتاب للريدنق والرايتنق) و(كتاب ليسننق وسبيكنق) وكتآب تمارين للرايتنق يعتمد عليييهم كليا ً , بس لما تقرب الاختبارات احيانا ينزلوآ نمآذج آختبآرآت يعني ممكن لما تخلص الدراسه قبل الامتحان بيوم تراجع فيها كمراجعه تختبر نفسك بس س4/ هل فيه نصائح إضافية للمادة ؟ امممم بتكلم على نظام السنه اللي راحت مدري حيغيروا والا لا, الدرآسه حقت الانقلششش مدام مستوآك متوسط حتكون آكتر من سهله قدامك , هما كلهآ كم قسسم .. رآيتنق وعليه 20 (قبل الاختبار جهز نفسسك وشوف كل مواضيع الكتاب عن ايش تتكلم وحاول تكتب كذا موضوع وتتمرن عليه وجهز بعقلك كلمات مختلفه عشان لاتتوتر بالاختبار والاختبار رح يجيي مشآبهه له سآعتهآ يكون عندك كلمات مجهزهآ ممكن تغير بالجمل على حسب الموضوع اللي يجي ... ونصيحة لااااا تعقد بالرايتنق آبدآ يعني آختار جمل سممممممبل كلها بمضارع بسيط آو ماضي بسسيط والرايتنق آصلا كلها كم جمله اقصى شيء 10 جمل واضحه سمممبل كاملة (من فيرب و سبجيكت و آوبجيكت ) و مترابطه يعني لاتطلع عن الموضوع وووتتبع قواعد الرايتنق رح تأخذهآ كلها وباذن الله الـ 20 تضمنها) سبكينق (10 درجات) (آكيد سمعت عن البرزيتنيشششين ) موضوع تختاره وتتكلم عنه تقريبا بـ 5 دقايق ..برضه هالشيء خليييه سمبببل عشان لا تنسى الكلمات وانت واقف قدام الدكتور .. يعني كانو بنات يعقدووآ الموضوع ويجيبوآ كلمااات علميه ومدري ايش يوقفوووآ قدامنا نسيوآ كل شيء آو لما ينطقوها ينطقوآ غلط .. الدكتور مايبي شيء مبتكر يبي شيء يشوف نطقك فييه آختآر كلمات سهله وحلوه ووافيه بالموضوع مع بآور لازم طبعاا يكون مرتب وحلوو واذا عندك افكار ثانيه تضيفها ساعتها . باقي الدرجات بالاختبارات الدوريه والفاينل يعن الورق (الليسننق سسسسسسهل وووآآآضح ) و (الكلمات رح تيجي من الكتاب) و(القرامررر واااضحه وااضحه ) وبسسس باذن الله تضمن االـ 100 2/ الاحصاء س1/ المادة بصفة عامة كيف ؟ جدا سهله انت لو فهمتها من جد رح تشووفهآ في قمة السهوله س2/ فيه شباب نصحوني بسعيدالغامدي .. أنت وش تقول .؟ ان شاء الله الشباب يفيدوك س3/ هل المادة تحتاج مدرس خصوصي علما بان مستواي ممتاز في المادة ؟ اذا مستوآك ممتاز طبعا ماتحتاج .. اللي يحتآج مدرس يكون آصلا مآهو فاهم الماده بس اذا انك فهمتهاااااا و كل الاسئله اللي تمر عليك خلاص حليتها صح معناها مو لازم مدرس س/ المادة تعتمد على ايش ( مقرر أو دفتر أو تست بانك ) ؟ طبعا المقرر اولا واخيرا فييه امثله محلوله وفيييه تمارررين لازم تنحل وفييه الشرح مفييد .. و تعتمد على اسئلة الاختبارات المااضيه لانو رح تيجيي شبيهه شبييهه لهآ على نفس النمط .. قد ماتقدر شوف نماذج اختبارات س5/ نصائح اضافية للمادة ؟ انك تتأكد من نفسك انو فاهم المآده وحل تمارررررررررين وآسئئئئله قد ماتقدر .. (الماده جدا سهله ) 3/ الكيمياء س/ كيف المادة بصفة عامة ؟ دسسسسسسسسسسمه بس حلوه عيبها انو دسمه فيهآ دروس كثيره يعني يبيلها شغل س/ فيه شباب نصحوني بالدكتور إبراهيم مخالد ؟ ان شاء الله احد فيدك س/ هل تحتاج مدرس خصوصي علما بأن درجتي فل مارك في هذي المادة في الثانوية لكني أكرهاااااا .. فهل تحتاج ؟ امممم , الماده صح دسسمه بس سسهله مايبيلها الا انك تعطيييها وقت وقت وقت اذا انك مو فاهمه تعقدت عليك الامور ممكن تتوجه لمدرس , وممكن انت تفهمها وماتحتاج اصلا مدرس وتجيب الفل مارك بسهوله س/ المادة تعتمد على ايش ( مقرر أو دفتر أو تست بانك ) ؟ المقررر طبعااا وبقوه .. و(التست بآآآنك ) واسئله واختبارات وتمارين الكتاب المقرره علييك كل هذا رح يفيييدكـ .. الماده هذي من جد يبيلها جهد بسس والله في قمه السهاله نصيحة قد ماتقدر حل اسئئئله .. كلووآ في مصلحتك ..بتيجي يوم الاختبار بتشوووووووفوآ في قمة السهوله لانك قد تعوودت على الاسئلة س/ نصائح اضافية حول المادة ؟ نصيحة لاتشتت نفسك بملخصات وكلام فاضي الماده اقرأ الكتاب بنفسك رح تفهم كل شيء ... زي ماقلت يبيلها وقت يبيلها جهد دسسمه .. ونصيحة الاسئلة بيدك حلها وتعود على الحل 4/ الاحياء س/ شباب كثير يقولون بالنسبة للأحياء :( لو يدرسك أي دكتور عااادي لأن الاسئلة كلها من التست بانك ، فأنت حول تحفظ يوميا 4 أسئلة لين يجي نهاية الترم وانت حافظها ) ؟ يب يب .. اذا ماتغييير النظااام على السنه الجديده فالاختبار نفسسسه بالنص بيجي بالاختبار بس احفظ انت س/ المادة تعتمد على ايش ( مقرر أو دفتر أو تست بانك ) ؟ تست بآنكـ وبس س/ أكيد ما تحتاج مدرس خصوصي لأن كلها حفظ .. صحيح المعلومة ذي ؟ طبعا الكلام صحيح في حال اذا ماتغير النظام .. س/ نصائح اضافية للمادة ؟ آنكـ تنزل التست بآنك الجديد لعام 2011 .. من موقع الدكتور نبيه باعشن آحيآنآ يختلف عن السنين المآضيه

اتمنى اني آفدتك ,
وبالتوفيق لك .... /

[woody]

السلام عليكم ورحمة الله وبركاااته:
جزااااك الله ألف خير يا رزان
راازااان راازااان هووه هووه

بس عندي استفسار
أنا من الطلاب الجدد ولما جيت على الجامعة قالو زحمة ومدري ايش المهم رحت شمال جدة
ومررة ما أعرف شي عن السنه التحضيريه بس بصراحة استفدت منك ومن باقي الشباب
وعندي استفسار بسيط : ((علما أني من مكة وما أعرف شي بجدة))
ايش تعرف عن فرع شمال جدة (عسفان) وصحيح أن الجامعه مختلطه ؟
لك مني جزيل الشكر والتقدير والأحترام

[رازن]

المشاركة الأصلية كتبت بواسطة Don Bader اخوي رازن لو تكرمت ممكن تعطيني افضل استاذ خصوصي لكل من الاحياء و الكيمياء و الاحصاء و ارقامهم لو قدرت و هل يفضل اكلمهم من الان او عادي لما تبدأ الدراسه و شكرا لك .

طبعا زي ما قالت لك الاخت мαѕooяy الاحياء ما يحتاجله مدرس خصوصي وبالنسبه للكيمياء انصح بيوسف زويل وبالنسبه للاحصاء انا اشوف انه ما يحتاجلها مدرس خصوصي بس اذا مصمم روح عند اشرف بركات وممكن تتصل عليهم بعد بداية الدراسه باسبوع ورقم يوسف زويل حطيته باحد الردود السابقه اما اشرف روح للمكتبات اللي بالجامعه وبتحصل رقمه عندهم

[رازن]

المشاركة الأصلية كتبت بواسطة رورو الغامدي السسسسسسسلام عليكم .. انا طالبه جديده انقبلت بجده .. وسمعت بسنه التحضيريه وانشا الله خير يارب بس الي مو فاهمتنه اختبار مستوى اللغه الانجليزيه وين مقره يكون اذا بختبر علما باني بفرع البنآت ( بالشرفيه) بس ماعرف وين مكان الاختبار شفت موضوع يقولوآ بنفس مكان الدراسه بفرع الفيصليه والسليمأنيه مافهمت الصراحه ؟؟ وعليكم السلام ورحمة الله وبركاته .... مممممممممممممممممممممبروك قبولك في الجامعة انا بعد من بنات الشرفية مكان الإختبار موجود في الوصل إلي أدوكيها يوم التسجيل انا يوم 10/10 في الفيصلية بس ماأدري انت وين.. والله موفق أتمنى أفدتك ..

مشكوره عالمرور والافاده اختي الكريمه

[رازن]

المشاركة الأصلية كتبت بواسطة angel111 متى تبدا الدراسة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ردوا عليك الاخوان

[رازن]

المشاركة الأصلية كتبت بواسطة d700mi ii ممكن احد قالها قبلي والله اعلم وصح جيت متأخر بس نصيحتي لدفعه 2011 حبايبي عندكم 3 اختبارات دوري اول 30 دوري ثاني 30 نهائي 40 اوووك حاولو ما تنقص عليكم اكثر من درجتين ولا 3 واتأكدو من حلولكم وركزو في الاسئلة شوفو ايش يبغى من السؤال وايش المطلوب بالضبط وصححو اوراقكم بنفسكم وشوفو كم تجيبو اذا طلعت الدرجات واعطوكم اقل فا نصيحه انكم تراجعو لا تسكتو عن حقكم ولا تتكاسلو عن حقكم لانه الدرجه الي ممكن تضيع منك تفيدك بعدين يعني في الهندسه يبغالك تجيب 80 في الرياضيات اقل شي تخيل لو راحت الدرجه هذي في الدوري الاول ولا الثاني وبعدين طلعت الدرجه النهائيه 78 ولا 79 بالله مو قهر؟ المهم كل الي باقوله شدو حيلكم ركزو مع الدكاتر الغياب والبزوطه مالها داعي واتمنى يقفلو عليكم الاندلس مول والمحاضرات اكتبو الاشياء المهمه الي تفهموها يعني لا تقولو خلاص فهمتها ما يحتاج اكتبها لالالالالالالا بالعكس اكسبوها هذي يمكن تجي منها في اختبار ولا اي حاجه والاشياء الي مو فاهمينها في حاجه اسمها ساعات مكتبيه روحو للدكاتره فيها وهما ما بيقصرو وان شاء الله ربي يوفقكم كلكم ياااااااااااارب وتدخلون تخصصات كنتو تحلمو بيها وبالتوفيق يا عيال ويا بنات 11 بيس

مشكور عالمرور والنصيحه وان شاء الله ياخذون بنصيحتك

[رازن]

المشاركة الأصلية كتبت بواسطة محمد1412 د/راااازن انا داري انك منتا مدرس في الجامعة بس والله نفسي اسافر واسحبب اول يوم او يومين لو غبت في مشكلة ولا لا ؟؟؟؟

باختصار لا ما فيه مشكله