خبر هام وأكيد ومن تجربة : (شهادة الانتساب معتمدة في التعليم العالي ) ..

[كل شي وله بدايه @...]

الحمدلله

[العمر فاني ورضاك راس مالي]

المشاركة الأصلية كتبت بواسطة ام دنيا السلام عليكم ورحمه الله وبركاته كيفكم يااعضاء منتدى جامعه الملك عبد العزيز الصراحه مره وحشني المنتدى من يوم مااستلمت الوثيقه مادخلتو اليوم بقول موضوع مهم بالنسبه لي واكيد لكم كمان نبدأ طبعا انا سجلت في الجامعه انتساب وماحالف لي الحظ اني احول انتظام وكل مااقرا موضوع عن شهاده الانتساب انو مو معترف فيها اتحطم وافكر اني اسحب من الجامعه ومااكمل لكن الحمد لله كانت عندي اراده وامل وكنت اقول لنفسي مو معقول نتعب وندفع فلوس على الفاضي وان شاء الله ربي ماراح يضيع تعبي والحمد لله اتخرجت الترم اللي فات واستلمت الوثيقه وصادف انو انفتح برنامج الابتعاث الخارجي للمرحله السادسه قلت لازم اجرب حظي واقدم واشوف يقبلوني ولا لا وقدمت من خلال موقع الوزاره واعطوني رقم الطلب وكانت المفاجاه انو ارسلو لي رساله بالموافقه المبدئيه وماصدقت وجهزت اوراقي للتدقيق بس كنت مره خايفه لو شافو شهادتي مكتوب فيها انتساب حيرجعوني ورحت لمقر التدقيق بفندق المرديان امس الاربعاء وانا مره متوتره وجلست قدام المدققه وهي تطالع في شهادتي وتكلم اللي جنبها بصوت مااسمعه وتقول لها كيف يعني ؟؟ طبعا انا قلت اكيد ماراح يقبلوني الا وشويه سألت بصوت عالي تقول لها انتساب عادي نقبلها ؟؟ طبعا انا قلبي وقف واستنى الاجابه وسمعتها تقول ( طبعا اكيدد ) وفرحت فرحه كبيره وحسيت بشئ مايتوصف واخذو اوراقي وحطوها في ملف وقالو انتي الان مستوفيه كل شروط الابتعاث وانتظري الى شهر شوال لنعلن اسماءكم رسمي في الجرائد طبعا انا كتبت الموضوع الطويل هذا كله عشان شئ واحد وهو انكم تدرسو وتكملو الجامعه ولااحد يحطم من عزيمتكم لان شهاده الانتساب معترف بها من قبل وزاره التعليم العالي وتقدرو تكملو الماجستير ان شاء الله ببلاش على حساب الملك عبد الله حفظه الله لنا وتاخذون احسن الشهادات ( لغه وماجستير ومن دول برا وبشهاده قويه بالانتظام ) وارجو تثبيت الموضوع عشان الكل يستفيد ويكون عنده طموح بدل المواضيع اللي دايما نقراها بالمنتدى عن شهاده الانتساب وانا الان افتخر اني تخرجت من جامعه الملك عبد العزيز منتسبه والحمد لله ربي وقف معايا لاني بجد كنت اتعب واجتهد ( ان الله لايضيع عمل عامل منكم ) فانا قلت لازم ابشركم وسامحوني لاني ماني عارفه كيف اصيغ لكم الكلام وماابغى منكم غير دعوه صادقه من القلب اختكم ( ام دنيا )

الله يوفقك هذا جزاء صبرك وايمانك بالله
التوفيق بيدالله وهذا شعاري بالحياه
بصراحه كثير اللي بها المنتدى يحطمون بس انا ماسمع لاحد
والحمد لله جاءمن يثبت كلامي ربي يسعدك ويوفقك وينور طريقك
وربي يوفق الجميع......

[ساكو]

عيوني حبيت اسئلك كم معدلك لمن قدمتي ؟؟
وهل يشترطون معدل معين او الابتعاث لأقسام معينه ؟؟
ومبروك مره ثانيه :)

[ام دنيا]

المشاركة الأصلية كتبت بواسطة ساكو عيوني حبيت اسئلك كم معدلك لمن قدمتي ؟؟ وهل يشترطون معدل معين او الابتعاث لأقسام معينه ؟؟ ومبروك مره ثانيه :)

انا معدلي جيد جدا وتقريبا معظم الاقسام موجوده

[ابراهيم2008]

بالنسبة للمعدل هل هو 3.75 لازم

[ام دنيا]

المشاركة الأصلية كتبت بواسطة ابراهيم2008 بالنسبة للمعدل هل هو 3.75 لازم

المعدل المطلوب 3,75 ومافوق
وهذا رابط اعلان المرحله السابعه للابتعاث
http://www.mohe.gov.sa/ar/studyaboard/King-Abdulla-hstages/Pages/7.aspx

[قلم مستمر]

شكرااا الك ............ الله يحفظك

[just adream]

الله يكتبلنا اللي فيه الخير

[كاسه]

بس أنتي صغيرة ما شاء الله بعمري و أنا لسه ثانية سنة أنتساب :(

مو كل طلاب الأنتساب أتخرجو من الثانوية بمعدل منخفض في معدلاتهم كويسة و علمي بس الظروووف :(

السؤال اللي بجد هو كم المطلوب في برامج الأبتعاث كم يكون العمر ؟

[ام دنيا]

المشاركة الأصلية كتبت بواسطة كاسه بس أنتي صغيرة ما شاء الله بعمري و أنا لسه ثانية سنة أنتساب :( مو كل طلاب الأنتساب أتخرجو من الثانوية بمعدل منخفض في معدلاتهم كويسة و علمي بس الظروووف :( السؤال اللي بجد هو كم المطلوب في برامج الأبتعاث كم يكون العمر ؟

كيف صغيره ؟؟ اتخرجت من الثانوي 18 سنه زي كل صاحباتي و4 سنوات الجامعه يعني المفروض لو ماشيه في الدراسه تمام تتخرجي 22 سنه
وربنا عالم بالظروف لكن الحمد لله ربك كريم
العمر والنسبه والتخصصات كله موجود في موقع وزاره التعليم العالي ....