تجمع بنات ماستر اقتصاد منزلي بانواعه

[meshmesh]

السلام عليكم ورحمة الله وبركاته...
كيفكم ياحلوين..
يا بنات التغذية ترى الاختبار ان شاء الله راح يكون من كتاب (التغذية خلال مراحل العمر) لدكتور خالد مدني والدكتورة رفيده خاشقجي والكتاب الثاني من( اساسيات علم التغذية ) لدكتورة منى خليل.
جاتني المعلومه من وحده صاحبتي تقول انها تعرف وحدة تشتغل في كلية الاقتصاد المنزلي واعطتها هذي المعلومه والله اعلم..
بس حبيت ابلغكم للاحاطه واتمنى اني اقدر افيدكم ..
ادعو لي انقبل في الماستر هذي السنه....

[راسين]

صبايا كيفكم انا ردت على سؤال الاخت ملكة الانوثة و ملكة الثلج وhmh2000 في الصفحة السابقة

اما الان راجعوا مصطلحات تحليل الاغذية لاني اشك ان الاسئلة الانجليزي تكون فيها وان ما كانت فيها نستفيد

[أطمح للماجستير]

الله يوفقكم يااااارب

[عروسة النرجس]

بنااااااات في إختبار لقسم ملابس ونسيج ولا لا
عشان أنا من المدينة وما أعرف أحد في جدة
الله يسعدكم
ردوا عليا ضروري
لأني رايحة أختبر إنقليزي
فإذا في إختبار يصير أجلس كمان يوم
الله يسعد إلي ترد عليا بخبر أكيد

[سولو]

لا حبيبتي مافيه اختبار لقسم الملابس والنسيج اتطمني
انا اتأكدت من القسم بنفسي بعد ماقريت بالمنتدى
ربي يوفقنا جميعاً ويكتب لنا اللي فيه الخير

[راسين]

الحمد لله هـــــــــــــــــــــــــــا بنات مااحد قدر يجيب كيفية الاسئلة

بنات الموجودين في جــــــــــــــــــــــــدة بليز روحوا اسئلوا في الجامعة

مو معقولة انا اتصلت ما احد يرد

[حلم الماستر]

يسعد صباااااااااااااحكم

احسن شئ تختباري اختبار التخصص يوم 21/4 واذا طلع اسمك بعدين اختباري الكفايات او غيره

علشان الواحد مايدري يكون في نصيب ولا

الله يوافق الجميع

[الفل الابيض]

المشاركة الأصلية كتبت بواسطة راسين الحمد لله هـــــــــــــــــــــــــــا بنات مااحد قدر يجيب كيفية الاسئلة بنات الموجودين في جــــــــــــــــــــــــدة بليز روحوا اسئلوا في الجامعة مو معقولة انا اتصلت ما احد يرد

شوفي قلبي انا اختبر اختبار المسابقة الوظيفية لفني تغذيه
وجات الاسئلة من نفس الكلية حطتها رئيسة القسم
والله صعبة 50 صح وخط و50 اختياري بصراحة كان رأي البنات تعجيزيه فيها كيميا ومسائل وبعض المصطلحات بالانجليزي اختياري

بس هذا اختبار الوظيفة وحطته رئيسة القسم بالكلية وحبيت اعطيك فكره
بس اعتقد اختبار الماستر حيكون ابسط شويه (اتنمى من كل قلبي)
يارب يسهل لنا كل امر والله مره شايله هم

[frwlh]

صباح الخير على الجميع
بصراحه انا قربت اتحطم قبل مادخل الاختبار !!!!!!!!
الكتب كثير ومو عارفه اركز على شي معين ....
راسين حبيت اسألك شو الكتب اللي تذاكري منها ؟؟؟؟؟؟؟؟؟؟؟؟

[ملكه الانوثه]

تسلمي يا اخت راسين واتمني من الله ننقبل دي السنه مع انو حاسه اني ما راح انتقبل

بس بتوكل على الله وحروح اختبر والي فيه الخير يكتبوه ربنا مع انو حلمي اكمل ماستر

والجامعه تصعبها علينا الله يعين وعلينا بالدعاء والله يوفقنا جميعا