ضع إستفسآرك عن كليتنآ 2 (كيفية القبول - التحويل - إختيآر التخصص - مستقبل تخصصك)

[Dr.Rochi Castro]

مرحبآ .. :)

الحمدلله انا انقبلت في كليتكم .. بس حآبه أسأل عن التخصص .. !

هوا حسب الاماكن الشاغره ولا المعدل ولا كيف ؟ ..

وازا كان حسب الاماكن الشاغره .. ممكن يجبروني ادخل تخصص انا مالي رغبة فيه ؟ .. :s

ياريت تفيدوني .. !

[Bosy18]

فيه سؤال محيرني.. يعني جدول التمريض نزل في موقع الجامعه..والاودس مانزلي شي ع اساس اعرف كل مادة فين كلاسها واش شعبتي..ابغا اعرف يعني كل التمريض يدرسو في نفس الكلاسات ..؟؟ قصدي انو كل بنات التمريض ندرس مع بعض في كلاس واحد للمادة..؟؟ والتمريض طالباتو ماشالله كتير فماعرف كلهم مع بعض ولا ايش...؟؟؟ ولا حينزل الشعب والكلاسات بعدين ف الاودس..؟؟؟
اتمنى تكونوا فهمتوا قصدي..

[hary]

ما في احد يرد علياااااااااااا

[شرشف]

السلام عليـــــــــــــــــــــــــكم ياجماعة

حابة اسال اسىلة شويتين كثيرة
ايام مافتحو لنا اختيار الكليات انا كنت ابغى اشعة تشخيصية وماكانت موجودة في الاختيارات ولمن سالت قالولي انو كلية العلوم الطبية التطبيقية-تقنية المختبرات من ضمنها الاشعة التشخيصية استخرت واخترتها
وجلست استنى تنفتح لي تخصصات عشان اختار الاشعة اقووم افتح اليوم عيوني تطير لمن اشوف الخطة حقتي ومكتوب قسم مختبرات والمواد كلها حقت المختبرات وانا ماابغى ادرس مختبرات مرررة ماابغى .... قالولي البنات انو يمكن تدرسي المواد دي اول وبعدين تدخلي الاشعة الله يخليكم جاوبوني

وسؤال تاني :: في مبنى اسمو كلية العلوم الطبية التطبيقية ....... وانا اشوف بنات الكلية التطبيقية يطلعو من كلية الطب ؟؟؟
بكرا فييييين اداوم ؟؟

[weddah]

^^^^^^^^^
وعليكم السلام اختي ياريت تابعتي المنتدى من بدري عشان تعرفي وضعك

الحين انتي دخلي كلية العلوم الطبية التطبيقية وفيه 4 اقسام
اللي هي أشعة ومختبر وتغذية وعلاج

بكره ان شاء الله بيكون يوم تعريفي بكل الاقسام بعدها يعطونك استمارة تختاري فيها رغبتك اللي هي اشعة
ومن ثاني او ثالث يوم بيتغير التخصص عندك في الاودس والخطة وكل شي وتبدئي دراسة في قسم الأشعة

مكان كليتنا في المجمع الطبي للطالبات مع كلية الطب
بس احنا في مبنى 12
هادي الخريطة تساعدك

خريطة المجمع الطبي – طالبات
http://www.skaau.com/vb/showthread.php?t=421747
ان شاء الله وضحتلك الصورة

بالتوفيق

[مازلت اطارد الحلم]

انا اتقبلت في العلوم وحابه انقل في كليتكم وياليت القى وحده تبادلني اذا تعرفوا احد ارسلولي على الخاص جزاكم ربي الجنة

في شي اسمه مبادله؟؟؟؟
طيب حتى انا حابه ابادل والله بجد ابا تمريييض
انتظرررر ردكم...
يارب خير

[لمار الاموره]

السلام عليكم ورحمه الله وبركاته

أنا دحين بكليه الحاسبات وان شاء الله إذا جبت معدل عالي هل يمكنني التحويل إلى الكليه
و كم تتوقععون المعدل المطلوب للتحويل
أفيدوووني

[dr-sh0sha]

اللي اعرفه انو لازم تكوني من كلية العلوم عشان تحولي للكليات الصحية ...

بالتوفيق غاليتي ^^

[اكوس نفرر]

السسسلآم عليكم

اول حاجه مبروك ع المستجدين التخصص ( عقبالنا يارب )

المهم .. انا كنت حاط في بالي ..

انو المواد المهمه في الكليات الصحيه

الاحياء + الفيزياء + الكيمياء + الانقليزي

بس اليوم وانا افرفر في موقع الجامعه حصلت .. المواد المهمه هي

(رياضيات ) + فيزياء + كيمياء + انقليزي

ابغا اعرف هل صحيح انو الرياضيات مهمه .. والاحياء لا

[AM00NA]

المشاركة الأصلية كتبت بواسطة اكوس نفرر السسسلآم عليكم اول حاجه مبروك ع المستجدين التخصص ( عقبالنا يارب ) المهم .. انا كنت حاط في بالي .. انو المواد المهمه في الكليات الصحيه الاحياء + الفيزياء + الكيمياء + الانقليزي بس اليوم وانا افرفر في موقع الجامعه حصلت .. المواد المهمه هي (رياضيات ) + فيزياء + كيمياء + انقليزي ابغا اعرف هل صحيح انو الرياضيات مهمه .. والاحياء لا

وعليكم السلآم والرحمه..
آلله يبآرك فيك وعقبآل ماتفرح بتخصصك ..
كلامك صحيح المواد اللي تدخل في النسبة الخاصه
(كيمياء+ آحيآء+ فيزيآء + انقلش)
يعني هاذي المواد بالذات لازم تجيب فيها درجات عاليه
(ماتنزل عن 80) ..
لان الكليه اول شي تاخذ النسبه الخاصه اذا حققتها
يطالعوا في النسبه العآمه ..

وبآلتوفيق يآرب ولا تشيل هم القبول في كليتنا
لان نسبة القبول للاولاد فيها منخفضه
بس لازم تشد حيلك لانها ممكن ترتفع ..