(تجمع) الطالبات اللي اتخصصوا لغه انجليزيه حياااااكم =)

[sosooo2]

مين يدرسها بهية وتعطيني اسم الشعبة واوقاتها والايام والقاعات

بليز

[فتاة الجبال]

ايوه صح طيوووبه مرررره

[الوافي دوت كوم]

يابنات شوفو الدكتورات اللي يدرسو بكل شعبة بمناهج البحث (بنات المستوى الخامس)

lane 331 ba 3 منى عمر عبدالله بادويس 01c 207a .s.t... 8.00 9.20 97 100 000 lane 331 ea 3 منى طارق محمود حموده 01c 207a s.m.w.. 10.00 10.50 93 100 000 lane 331 fa 3 منى عمر عبدالله بادويس 01c 205a .s.t... 11.00 12.20 22 100 000 lane 331 ga 3 فتحيه صالح علي الغريبي 01c 209a s.m.w.. 11.00 11.50 60 100 000 lane 331 ha 3 فتحيه صالح علي الغريبي 01b 101l s.m.w.. 13.00 13.50 0 100 000 lane 331 ja 3 منى طارق محمود حموده 01c 101a s.m.w.. 14.00 14.50 0 100 000

[Hope's Friend]

السلام عليكم ورحمة الله وبركاته

rorreta انا حبيبتي جاهزه في أي وقت وبإنتظار أسئلتك وان شاء الله أفيدك يارب..



فتاة الجبال انا معاك عند فتحيه الغريبي وكنت خايفه مثل حالتك بس حضرت معاها أول محاضره كانت مجهزة الشرح بباوربوينت وحسيت لغتها كانت اسهل من اللي تستخدمها في الدراما وكان شرحها واضح والحمدلله..

وانت لاتفكري كثير عشان لاتعقدي نفسك وان شاء الله تراعينا وتكون صارت احسن من العام ,, الله يوفقنا يارب ويسهل عليك..




أصدق دعواتي لكن^_^

[roreetta]

Hope's Friendاممم
والله كنت بسألك 1\ انتي لما دخلتي قسم الانجلش كيف كانت لغتك تمام ولااا يدووب تتكلمي كلمتين على بعضها <<زي تقريباً=S
2\ كيف كنتي تزاكري وايش كنتي تعملي؟؟ << سؤال مراا مهم :>
3\ هل عمرك درستك استاذة في كليتنا كانت من النوع الشرير ؟؟ ولو في وحصل ايش عملتي !!!
4\امممممممممم بمااا إنك دحين شخص بروفشنل ايش نصيحتك لينا نحنا الدفعة الجديدة وخاصة المبتدئين زيي أنــا ؟
واتمنى إني ماا طولت عليكي ^-^

[Hope's Friend]

المشاركة الأصلية كتبت بواسطة roreetta hope's friendاممم والله كنت بسألك 1\ انتي لما دخلتي قسم الانجلش كيف كانت لغتك تمام ولااا يدووب تتكلمي كلمتين على بعضها <<زي تقريباً=s 2\ كيف كنتي تزاكري وايش كنتي تعملي؟؟ << سؤال مراا مهم :> 3\ هل عمرك درستك استاذة في كليتنا كانت من النوع الشرير ؟؟ ولو في وحصل ايش عملتي !!! 4\امممممممممم بمااا إنك دحين شخص بروفشنل ايش نصيحتك لينا نحنا الدفعة الجديدة وخاصة المبتدئين زيي أنــا ؟ واتمنى إني ماا طولت عليكي ^-^

تعبت ويدي تكسرت وانا اكتب وفي النهايه جاني انت لاتملك الصلاحيه وسجلت دخول مره ثانيه واختفي

باكتب لك مره ثانيه الحين يدي تكسرت وعيوني انحولت

آسفه حبيبتي

انتظري اجاباتي المره القادمه خخ...

بالتوفيق

[roreetta]

المشاركة الأصلية كتبت بواسطة Hope's Friend تعبت ويدي تكسرت وانا اكتب وفي النهايه جاني انت لاتملك الصلاحيه وسجلت دخول مره ثانيه واختفي باكتب لك مره ثانيه الحين يدي تكسرت وعيوني انحولت آسفه حبيبتي انتظري اجاباتي المره القادمه خخ... بالتوفيق

Hope's Frined
انتظر ردك يااعزيزتي ,, =C

[Hope's Friend]

roreetta ياعسل وينك الرد وصل

المشاركة الأصلية كتبت بواسطة roreetta hope's friendاممم والله كنت بسألك 1\ انتي لما دخلتي قسم الانجلش كيف كانت لغتك تمام ولااا يدووب تتكلمي كلمتين على بعضها <<زي تقريباً=s ههههه والله ياعزيزتي ماكنت احسن منك زيك او اسوأ كمان شوي.. (خير شر ماأتكلم انجليش) 2\ كيف كنتي تزاكري وايش كنتي تعملي؟؟ << سؤال مراا مهم :> اول شي ياحبيبتي الاستاذات يعطوكم الكورس ديسكريبشن (توصيف المنهج) دبيسه في آخر الكتاب واطلعي عليه كل يوم عليك الماده وأقري الدرس_واذا كنتي كسوله زيي مو لازم كل يوم بس اهم شي المشاركه_ ترجمي كل كلمه جديده عليك عشان تقدري تشاركي في المحاضره وطبعا ركزي على هذه النقطه(المشاركه المشاركه المشاركه participation) · *اغلب الاستاذات حاطين عليها 10 او 5 درجات وحتستفيدي منها كثير ولاتقولي مره وحده تكفي شاركي اكثر من مره في المحاضرات (هم يحطوا تقريبا ربع درجه على كل محاضره وكل محاضره اضمني مشاركه عشان تاخذي الفل مارك وبعدين المشاركات الاضافيه في الغالب يعوضوك بدرجاتها في اللي نقصتيه من الاختبارات وبكذا ضمنتي درجات حلوه) · *الشي الثاني يالغاليه حاولي تعملي ملخص لكل ماده لو بس تكتبي رؤؤس اقلام للنقاط المهمه من دون تفصيل _مو لازم تعمليه كل يوم ممكن قبل الاختبارات بكم اسبوع عشان تكوني على علم كافي بالمنهج_ وحتستفيدي منها في المراجعه الشامله يوم الاختبار بعد ماتكوني ذاكرتي.. · *يوم الاختبار حاولي انك تكوني على علم مسبق بالمقرر ومايحتويه وتكوني مقسمه المنهج الى اجزاء حسب قدرتك على الاستيعاب_عشان ماتلخبطي نفسك وتحسي انك ضايعه_ وافتحي الملخصات اللي عملتيها عشان تتذكري النقاط المهمه في المنهج ولازم كل ماتخلصي جزء تآخذي بريك ربع او نص ساعه او زي ماتحبي بس مو اكثر من نص ساعه عشان ماتضيعي اللي ذاكرتيه.. · *واهم شي في الاختبار تقرأي السؤال اكثر من مره وتحاولي تفهمي كل كلمه _لاتعملي زيي مره قريت السؤال بسرعه بدون محاوله لفهمه واخذت صفر لاني جاوبت عكس المطلوب.. 3\ هل عمرك درستك استاذة في كليتنا كانت من النوع الشرير ؟؟ ولو في وحصل ايش عملتي !!! اممم بصراحه يس درستني سنه اولى استاذه شريره ,, واللي عملته يالغاليه عاااادي توكلت على ربي وبذلت مجهودي وكنت اجلس هادئه محترمه في محاضرتها وفي أول صف وكل محاضره اشارك معاها لما عرفتني وحاولت اني اجلس بكل ادب واظهرلها كل الاحترام والود واخلي الكره في قلبي وحرصت انها ماتوقع عينها علي وانا اضحك او اتكلم او آكل لبان أو اسوي أي شي غلط وانطبعت صوره حلوه عني في بالها والحمدلله ضمنت النجاح عندها .. 4\امممممممممم بمااا إنك دحين شخص بروفشنل ايش نصيحتك لينا نحنا الدفعة الجديدة وخاصة المبتدئين زيي أنــا ؟ هههه عجبتني كلمه بروفيشنل رفعتي من معنوياتي <<صدقت نفسها البنت هع هع.. والسؤال تقريبآ نفس كويسشن 2 بس بطريقه اخرى بس أزيد على نمبر تو كم حاجه مهمه اول شي حابه اقولك ان أي لغه تعتمد على التعلم الذاتي يعني لاتنتظري انك تلقي نفسك بعد ماتتخرجي بلبل انجليش اذا انت ماطورتي نفسك بنفسك وطبعا الدراسة الاكاديميه تختلف ويمكن مو كل شي تدرسيه حيفيدك على ارض الواقع (بس اعتقد النظام الحالي افضل) وطبعا بتقوليلي كيف اطور نفسي؟!! انا اقولك استفيدي من وقتك على النت اشتركي في مواقع التعليم المجانيه وضروري يكون معاك قاموس الكتروني_بس لاتعتمدي عليه كليا حاولي لما تقرأي تخمني معنى الكلمه بنفسك وتتأكدي بعدين من القاموس_ وابحثي عن موقع اذاعه bbcوخليها أون كل ماجلستي على النت عشان تتعودي على الاستماع وطبعا كل ماتعودي تستمعي حتتطوري في المحادثه .. واقرأي كثير عشان تتطوري في الكتابه وتصير عندك حصيله جيده من المفردات.. (واذا حابه ادلك على مواقع مفيده لك كمبتدئه بلغيني وارسلك).. الشي الثاني لاتلقي بال لكل كلمه يقولوها البنات سواء عن الاستاذات او عن المواد اسمعيهم مااقولك لا بس لاتحطيه في بالك لأن البنات تختلف قدراتهم وتجاربهم وشخصياتهم وهذه كلها تأثر في آرائهم وصدقيني بكذا حترتاحي من الهم..والله يستر عليك واتمنى إني ماا طولت عليكي ^-^ [b]لااااا ياقلبي ماطولتي ولا حاجه انا اللي طولت عليكِ_الأخت عملت برنامج حشى مو اجابات,, خخخ وفي النهايه أتمنى انك استفدتي من المعلومات اللي قدمتها واي استفسار ياالغلا انا في الخدمه<<ذكرتيها بحالها يوم كانت زيك خخخخ... والله يوفقك ويسهل عليك يالغاليه ...

[/B]
آســفـــــــه على التأخير

ويارب تستفيدي وتتوفقي
الله معاك

["طموحي جبال"]

السلام عليكم بنوتات رائيكم بهذولا الأستذات :

1- منى عبدالله عبدالجبار ماويه
2- سميحه عبدالرزاق محمد حسين حداد
3- سحر سعود سليمان المديهيم

وكيف طريقة تدريس كل وحده فيهم و الشي اللي يحبونه من البنات ويهتمون له ؟!

[ღ نهر سڪر ღ]

"طموحي جبال"


بالنسبه لمنى ماويه

قد درستني صراحه انسانه مره طيبه ومتواضعه ومتفهمه و تعطيك حقك كامل مكمل

بس انتي ابذلي مجهودك

اما طريقه تدريسها عادي تشرح وتعطي مجال للبنات يشاركون

بس الحلو فيها ان الاكسنت حقتها native speaker يعني كلامها يجنن ومفهوم

لانها عاشت 15 سنه في امريكا ودرست الاجانب هناك انجلش فصارت الاكسنت عندها روووعه

آما البقيه ما قد درسوني ..