تجمع بنات ادارة سكن ومؤسسات متجدد باذن الله

[L0rDy]

المشاركة الأصلية كتبت بواسطة twix~}.. بنات انا علمي اقدر اتخصص عندكم وكمان لو تخصصت في تخصصكم اقدر بعدين اخذ ماستر ادرة اعمال ولا لا ؟؟ الي اعرفو يا عسسسسل انو التخصص بس لبنات الاداااري .. بس تعالي شؤون الكلية واسألي احسسسن عشان تتأكدي .. بالنسبه للماستر انا برضو حابه اعرف اذا اقدر ولا لا .. اذا مرت على الشؤون دي الايام راح اسال وارد عليكي ..

تسلمي ياعسل ع تفاعلك مع الاسئله
ورحت سالت الشؤون وقالولي عادي ينفع علمي وكمان قالوا انوا يمدينا نكمل ماستر
بس سؤال ان شاء يكون اخر سؤال اسئله عن التخصص<<ياكثر اسئلتك
في وحده قالتلي انوا التخصص مرره مكلف لدرجة انو يخلص المكافأه وتدفعي من عندك
ومشاويره كثير هذه البنت من الكلية ياترى الجامعة زي كذا ؟؟؟؟؟

[Twix~}..]

تبي طبيعي ولا صناااعي .. <<< صرنا خبرهـ بدي الشغلات :)

الموهم اذا تبي الطبيعي روووحي محل اسمو الفيصلية او روى المحلين جنب بعض ..

وصفهم في شارع خالد بن الوليد (( شارع الجوالات )) :) راح تلقي محل تامر وتمارا تلفي مين عندووبعدين ثالث لفه يسار راح تشوفي المحل .. لو شوفتي ماراح تقولي محل ورد تقووولي ورشة بقاله لانو مرآآ صغير ومو باين .. يعني محل حالتو حاله واللوحه الي حاطها حالتها بالزفت وممسوحه بس باين شي بسيط بس انتي انتبهي وانتي تمشي ..<< دا الفيصليه .. روى قبلو بشوووي حيكون عند مواقف السيارات من جو .. انتي لو وصلتي للشارع حتعرفي الوصف ..

الورد الصناعي روحي الهنداويه محل اسمو القرنفل .. عاد فين بالزبط ما ادري لاني لقيتو بالصدفه وطلع نفس المحل الي أستاذتنا قالت عليه ..

[الحــــربيهـ]

بنات كيف المواد هذي صيانة المرافق السكنية وبرامج أسريه ؟؟

[Twix~}..]

في وحده قالتلي انوا التخصص مرره مكلف لدرجة انو يخلص المكافأه وتدفعي من عندك
ومشاويره كثير هذه البنت من الكلية ياترى الجامعة زي كذا ؟؟؟؟؟

يس يس من ناحية مكلف فه مو مكلف اخر مشروع ليا في مادة تنسيق زهور كلفتني الاشياء وهي مرا بسيطة 600 ريال .. والمشوره لازم منها لانك تروحي تشتري الاغراض واحيانا تنقص واحينا تتغير واحيانا تبي تكملي فمشي حالك ..

بس والله حلو التخصص خاصه لو انك تحوبي مواد العملي والشوغل .. ولازم اهلك او زوجك يكون بالهم طووووووووويل على المشورة والتكاليف ..

[N O R E T A]

قولوا يارب

اكون معاكم الترم الجاي ان شاء الله

بس كذا ادخل واتفرج على كلامكم واقول يارب يجي اليوم اللي اسأل نفس اسئلتكم

[سميه الحربي]

يآرب تكوني معآنا يآقمر ^_^

ترى تخصص رآئع بمعنى الكلمهـ آلله يعيننآ

[Twix~}..]

يااااااااااارب تكوووني معانا وتخصصي وتنبسطي بالتخصص ..

مووفقه ياعسسل .. ادعي ربنا والله يسرلك ان شاء الله ..

[روعـٍہـٍة]

السسسسسسسلآم عليكم


عندي أسسسئله كثيرة ؛ وان ششاء الله ما اتعبكم كثير

أول ششي ؛ مادة الارششاد الآسسري شعبة ( da ) و تكنولوجيا الوسائط المتعددة شعبة ( ea )
الي تدرس المادتين هي الدكتورة سلوى صح ولالا ؛ والمادة صعبة ولا سهلة ؛ وبسس .


ثاني ششي ؛ مادة التدريب العملي على ادارة المنزل شعبة ( ed ) ؛ من الي تدرس المادة هآذي ؛ وآبي اعرف المادة صعبة سهلة فيها عملي كثير ؛ آبي اعرف معلومات عن المادة بليززز .

و المواد الاختيارية => مادة علاقات عامة و مادة صيانة المرافق السكنية
الي عندها معلومات عن هآذي المواد لا يبخل علي يعني سهلة المادة صعبة ومن يدرس المواد هآذي وبسسسس .


مشكورين واتمنى ماتعبتكم كثثثثثثثثير . .

[الحــــربيهـ]

مادة التدريب العملي على ادارة المنزل اللي اعرفه الماده عملي ووقته طويل
اللي درست هذي الماده الترم اللي فات د.سماح حمدان و أ.هنادي حسوبه
هالترم صراحه مااعرف ...

[Twix~}..]

السسسسسسسلآم عليكم

وعليكم السلام ..

عندي أسسسئله كثيرة ؛ وان ششاء الله ما اتعبكم كثير

آسالي آسالي وخوذي رآحتكـ ..

أول ششي ؛ مادة الارششاد الآسسري شعبة ( da ) و تكنولوجيا الوسائط المتعددة شعبة ( ea )
الي تدرس المادتين هي الدكتورة سلوى صح ولالا ؛ والمادة صعبة ولا سهلة ؛ وبسس .

يس يس آستآذهـ سلوى هيا الي حتمسك دي المواد الترم الجاي ان شاء الله ..
إرشاد آسري صحباتي مرآآآ قالو حلوهـ المادهـ وانبسطو فيها الترم الي راح .. وان شاء الله انا منزلتها الترم دآآ ..
تكنولوجيا ماده سهله تتكلم عن الفوتوشوب & التصوير & الفديو & الصوت ..

المادتين ان شاء الله كلها سهله ومع أستاذهـ سلووى حتصير آسهل وآحلى ..


ثاني ششي ؛ مادة التدريب العملي على ادارة المنزل شعبة ( ed ) ؛ من الي تدرس المادة هآذي ؛ وآبي اعرف المادة صعبة سهلة فيها عملي كثير ؛ آبي اعرف معلومات عن المادة بليززز .

مين الي تدرس المادهـ دي معرفش لانو الترمين الي راحت مسكتها د. سماح حمدان .. وقبل كدا مسكتها أستاذهـ نسرين .. غالبا المادهـ يمسكوها أستاذتين ..

الماده مو صعبه عبارة عن تدريب على إدارة المنزل .. الشغل الي فيها كتير آكيد دا الشي لانها مادهـ عملي ومن بداية الترم راح تتقسمو على قروبات تقريبا كل خمسه طالبات مع بعض وكل اسبوع تكون وحده المديرة وتبدا توزع الاعمال على قروبها وتنظم جدوال والطلبات الي راح يحتاجوها .. وفي كل اسبوووع يكون القروب ماسك شي معين بالفيلا مرآآ المطبخ ومرآآ المعيشة ...آلخ .. ويعملو بكل اسبوع شي معين يعني زي يوم الغمرة .. يوم هندي .. يوم معرف آآيش ....الخ

المادهـ وقتها طووووويل مرآآآ من 10 - 5 .. وطلبااااااااتها مرآآآ كتيرهـ وحدهـ من صحباتي لما كنت اشتكيلها من تنسيق زهور كانت تقولي لسسسا ما شوفتي شي في الفيلا تخسري الخساير .. بس يقولو حلوهـ المادهـ آنا لسا ما آخذتها ورآح آخذها على السنه الجايه ان شاء الله ..

و المواد الاختيارية => مادة علاقات عامة و مادة صيانة المرافق السكنية
الي عندها معلومات عن هآذي المواد لا يبخل علي يعني سهلة المادة صعبة ومن يدرس المواد هآذي وبسسسس .

آنا آخذت علاقاة عامه مع دكتوره سماح حمدان .. حلوهـ المادة تتعملي منها ايش العلاقات العامه وفين تكون وايش دور العلاقات العامه بالمؤسسات ومن دا الكلام ..
انا بالنسبه ليا أخذت فيها الـ +A ماشاء الله عليا .. بس كتير من الي معايا ما حبوووالمادهـ ولا حبو الدكتوره مع انها عسسسل وطيووبه مرآآ .. بس تكاليفها كتير تقريبا كل اسبوع كنا نسلم شغله معينه .. اذا اخذتيها مع دكتوره سماح اكتبي كل الي تقولو واشيري على الكلام الي بتقولو في الملازمه واضمني انك راح تسهلي على نفسك بالمذاكره وتجيبي علامهـ حلوهـ ..

بالنسبه للصيانه .. الي اعرفو انو استاذهـ نادية هيا الي بتدرس دي الماده ..الماده ما اخذتها صحباتي قالولي عنها .. قالو انها تتكلم عن الصيانه السباكه البويات ...الخ ودي الشغلات ..
أستاذهـ ناديه البنات بيمدحوها بس انا ما اعرف عنها شي وناويه ان شاء الله انزلها بس صار تعارض مع جدولي وما قدرت انزلها ..

مشكورين واتمنى ماتعبتكم كثثثثثثثثير . .

العفو .. ودا الي اعرفو عن الاشياء الي سآلتي عنها وان شاء الله اني اكون آفدتكـ ..