لننتصر على الكيمياء

[romance_flower]

يا جمااعه شوفو البراكتس 5-12

دحين لما نجيب المولار ماس

نجيب حق c6h12o6 ولا حقو وكمان حق 6o2

ونجمعهم كلهم ؟؟

[Darkness]

ياشباب عندي طلب بسييط .. شآبتر تسـعه الدروس الي قبـل اشكال لويـسس .. الي هيا الرواابـطـ بأنواعهـآ .. ممكن احد يعطينا شـرح مبسط عنهـآ .. لاني ما ادري ايش المطلوب في هذي الدرووس ..

الدرس الاول:تعريف الlewis dot simbol عباره عن رمز العنصر وحواليه نقط كل نقطه تعبر عن الكترون واحد من الvalence electrons وتجيب عدد الvalence electrons من نفس اسم المجموعه ماعدا الهيليوم لانو في المجموعه الثامنه وهو له بس الكترونينز
الدرس الثاني هو اول انواع الروابط وهي الرابطه الايونيه وهي الي تربط بين المركبات الايونيه
والمركبات الايونيه هي مركبات متعادله مكونه من cationو anion.
الدرس الثالث الي هو الروابط التساهميه هي انو كل ذرتين في مركب تشارك بالكترون من عندها حتى يوصلوا الثنتين لحاله الاستقرار( 8 الكترونات في المستوى الاخير)وكل زوج من الالكترونات ماشارك يسموه lone pairs
- تنقسم الروابط ل3 اقسام الsingle bond رابطه بين الذرات اوmultiple bonds الي هي اكثر من رابطه بين الذرات ( ثنائيه او ثلاثيه ...)
وملاحظه :الرابطه الثلاثيه اقصر من الثنائيه اقصر من الاحاديه لكن الثلاثيه اكثر استقرار من الثنائيه من الاحاديه

[Darkness]

نصيحة مني ارجعي حليها .. تعرفي ليش ..كل ما ادرتي اكتر كل ما زادت سرعتك في حل المسائل <<ودا هوا المطلوب بالزبط في اختبارانا ابو ساعة وربع

مااااشي
اذا خلصت راح ارجع ليها كلها ...ولا يهمك ..شكرا

[υикиσωи]

بعد ما فحطت وعملت سيرش في كل المواقع ...
لقيت موقع يزنن ...شرح حق لويس بطريقة مراا عجبتني..حأحطلكم اللنك حقوو عشان ازا بدكم ..
قبل ما نقول الطريقة أبا أككد عليكم .. انو دي الطريقة نقدر نكتشف بيها الان كومبليت والاكسباندد أوكتت ..
وكمانااا ..ابا اقولكم شي تاني ..<<اخلصي ...
دائما في الرابطة التساهمية ..الذرة المركزية ... تقدر تتضاعف الكتروناتها للضعف < دا اكتر شي ..يعني ممكن تكون أقل ...

الطريقة وما فيها ..
آخد أي مركب عشان أشرحلكم عليه ...

وليكن SOCl2
أول شي زي محنا متعودين نحسب الفالانس الكترون
S=6 , O = 6 , Cl = 2 x 7
Valence electron = 6+6+14 = 12+14=26
طيب بعد كدا نرسم الشكل ... طبعا زي محنا عارفين اقل سالبية هيا اللي في النص ...ونحظ وحدة رابطة بين كل العناصر



بعد كدا ... نشوف كم رابطة حطينا ... فوق حطينا 3 روابط ..واحنا عارفين الرابطة فيها الكترونين
سو حنقول عندنا 6 الكترونات

نطرحها من الفالنس الكترون
26
- 6
20
دي العشرين الكترونا لباقية نقعد نوزعهم على الاكترونات الخارجية يسير عندنا ..بحيث تحقق قاعدتها الثمانية .. ( يعني الهيدروجين انسوووه ... لانو ما يحققها من زمان ).. وازا زاد الكترونات ما حنبخل عن الذرة المركزية ..حنحطلها هيا كمانا ..وانتو بنحطو الاكترونات اجلسو عدو ..اوكـ


بكدا نكون رسمناه ..شوفتو كيف سهل




طيب دا مشي حالو معانا نجي للي بعدو ..
CH3OCH3حنعد اول شي الكترونات التكافؤ ..
6+8+6=20
بعدين نرسم الشكل ونحط رابطة وحدة بين كل العناصر ..



زي ما قلنا نعد كم خط .. .. عندنا 8 خطوط .. وكل خط فيلو الكترونين احنا عارفين .. يعني في 16 الكترون
ننقصهم من الفالنس ..
20
-16
_____
4 الكترونات

نوزع دي الاربعة المسكينة على الالكترونات الخارجية ... ازا بقي منها نوزعها ع الذرة المركزية ..ازا ما بقي للذرة المركزة شي ..حنشوف بعدينا ايش نعمل..اما ازا بقيت بزيادة ..يعني اتحققت القاعدة الثمانية وكمان بقي ..برضو حنضيفها للذرة المركزية..
لا تستعجلو جايتكم في الطريق بكل دا


<< هنا نلاحظ كل الذرات مكتفين ..فحنحطها عالمركزية





ناخد مثال تاني ..اقصد تالت ..كل مرة حنخش في الاعمق ..
H2COنفس الشي ..نوجد الكترونات التكافؤ ..<<< للمعلومية الكترونات التكافؤ هيا نفسها رقم المجموعة ...للي ما يعرف
2 + 4 + 6 = 12
نبدأ نرسم الشكل ..
يلا يا حلوين كم رابطة ( خط ) ...؟!.

يعني كم الكترون ...! ..شطااااااار
6 الكترونات ...
نطرحهم ..
12
-6
___
6 الكترونات ..نوزعها ..

طيب مسكينة الذرة المركزية ما عندها ... ..واحنا لازم نكملها ..ايش حنعمل ..!.. ع طول حنشيل واحد زوج من الذرة اللي جمبها .. وبدالو نحط رابطة بينهم ...فتسير كالتالي ..





وبعدينا نشوف الشحنة ع الذرة المركزية ..لو طلعت + او بدون شحنة كان بها ..اما طلعت سالبة فوقتها ما نحط الرابطة ونخلي الذرة المركزية كدا ناقة << دي حيا حالة الان كومبليت

طيب خلينا ع مثالنا ... نحسب الشحنة ...
الشحنة دايما نحسبها بانو نطرح الفالنس من الاكترونات اللي حولينها ..


طلع ما عليها شحنة يععني نخلي الرابطة المزدوجة ..



ناخد مثال رابع ..BF3الفالنس = 3 + 21 = 24

كم عدد الروابط ..!؟...3
يعني 6 الكترونات ..
نطرح الفالنس من الالكترونات
24
-6
____
18
نوزع الــ18 الكترون

طيب خلصت الكترونات وما كفت للمركزية ..قلنا نحط رابطة ثنائية صح ...!

أوووبس ..طلعت الذرة المركزية باشارة سالبة ..!..ما يجي يكون ليها شحنة سالبة وهيا اقل وحدة فيهم سالبية عشان كدا اخترناها مركزية ...
سو ايش حنسوي ...!. خلاص نخليها بدون دي الرابطة وبدون الكترونات ..بكدا سارت من الإن كومبليت أوكتت






طيب ناخد آخر مثال ...
SF4نحسب الفالنس = 6 + 28 = 34
نرسمو ....



نحسب عدد الروابط ... 4 روابط ..يعني 8 الكترونات ..ننقصها من الفلانس
34
-8
____
26
نوزع دولي الــ26 الكترون ..


<< بقي عندنا الكترونين ..والكل مكتفي ..حتى الذرة المركزية مطبقة القاعدة الثمانية ..
بسس لا تسو اللي قلتلكم هوا في البداية ..كل ذرة مركزية ممكن انها تستقبل الكترونات حتى ضعف الكترونات التكفافؤ حقتها


ان شالله تكونو فهمتوو ..عليا ...

[Darkness]

الف شكر unknown

[υикиσωи]

في المرفقات في نفس الل فوق ^^

بسس بصيغة PDF

ودا الموقع اللي قولتلكم عليه ...

http://chemed.chem.purdue.edu/genche...ch8/lewis.html

بالتوفيق حبايبي ...

[romance_flower]

تسلمي انون

بس ممكن تتاكديلي من براكتس اكسرسايز حق 5-10 , 5- 12

اذا صح ولا انا الي بغلط بالحل ؟؟

[υикиσωи]

المشاركة الأصلية كتبت بواسطة romance_flower يا جمااعه شوفو البراكتس 5-12 دحين لما نجيب المولار ماس نجيب حق c6h12o6 ولا حقو وكمان حق 6o2 ونجمعهم كلهم ؟؟

حأقولك انا كيف حليتها ...

n1 = 5.6 \ 180.16 = 0.03
>> طبعا المية وتمانين. .هوا لوزن الجزيئي للجلوكوز ..
هادي عدد مولات الجلوكوز ...
نجيب عدد مولات التاني أكسد الكربون ..باننا نضربها في 6 ... لانو لاحظي قبل الco2 في رقم 6 ..
n2 = 0.03 x 6 = 0.187

نعوض في معادلة الغازات عايدي ..



V=nRT\P
V = 0.18 x 0.0821 x (37+273)\ 1
= 4.76


بالتوفيق يا قمر ...

[أنثى نرجسية]

:

\/


جزآ أآأآكِ الله آلفْ خِير يَآ آنْ نوونْ كِدآ آحِس المعلومآتْ حقْ لويسْ آتربَتْ عِندِي ...

بَسْ عندِي سؤآل} مو رآضيْ يثبتْ .. كيف آعمِل التوزيعْ حق c2^-2




:


/
\

[romance_flower]

طيب براكتس اكسرسايز تمرين 5-10

ممكن تحليه بطريقه مبسطه يا عسل

برضوو موقف معاايا :(