هنا تجمع طلاب الترم الصيفي لعام 1433هـ

[ولد ناس]

وطن او واحد من الشباب افيدوني الله يجزاكم الجنه امين

انا باقي لي بالضبط 14 ساعه ونتم تقولون لازم 12

هل معقوله ماينزلونها لي عشان اتخرج في الصيفي ؟؟؟؟
ماعتقد عشان ساعتين بياخروني وش الحل تشوفون المشكله اني بالرياض لاحد يقول راجعهم

وهل اسدد او لا لاني لو نزلو لي بس 12 ماراح اخذ صيفي ياكلها يابلاش مع العلم ودي اتخرج بالصيفي

وش الحل افيدوني الله يجزاكم خير ؟؟؟ الشي الثاني من وين تسجيل الشعب لان التسديد باقي مافتح رسمي ماقدر اسدد

[وطن.!]

المشاركة الأصلية كتبت بواسطة فيصل الفيصل 44 مرحبا شباب الترم الي فات نزلت مادة اختياريه نظام الحكم السعودي 111 وكان المنهج طويل واخذت ملخص جيد ومختصر بصراحه الماده حلووه وفيها فايده تعرف الانظمه بالسعوديه جدا ممتعه المطلوب ابي انزل مادتين اختياريه وش رايكم وش اسهل المواد الاختياريه والي له تجربه يسدحها وهل مذاكرته من الكتاب او الملخص والله يوفق الجميع

هلا اخوي فيصل وحياك الله السؤال هذا تكرر كثير وياليتك تصفحة الموضوع وقرأت استفسارات وردو الاخوان والنقاشات وافادات الاخوان ايضا وتجاربهم مع المواد الاختياريه
اما انا اذكر لك المشروعات العامه وادارة الجودة في الاجهزة الحكومية عند شمسان المادتين
والعلاقات العامة ايضا مادة سلسه وحلوة ويذكر الاخوان عن مادة التنمية ويمدحوها الحقيقه
وكذلك الحكومة الالكترونية اذا كانت عند الادريسي لا تاخذها ابدا اما اذا كانت عند الدكتور الفاضل والمحبوب وهيب صوفي فلا تتاخر والله الموفق ،،

[وطن.!]

المشاركة الأصلية كتبت بواسطة بندر14 عاجل وهام اخوي وطن واخوي فهد العنزان نبغى ملخصات واسئلة نماذج اختبارات للمواد التالية : 1 / الاستشارات الادارية 2 / تقييم برامج حكومية 3 / نظم معلومات ادارية

ما انصحك تذاكر من الملخصات ابدا اما بنسبه للتقيم البرامج الحكومية اذكر فيه مذكره نزلها سندي بالمكتبات بس انصحك تسأل دكتورها اول هل هي المعتمدة او لا ؟؟ لازم تتأكد .
الاستشارات الادارية المادة ممتعه اطلب الكتاب وذاكر منه اذا كنت تبي درجة عاليه .
نظم معلومات من الان اقولك اذا ماراح تقراء من الكتاب تراك راح تحمل المادة ، لا انصحك بالملخصات ابدا واذا انت معزم تقدر تروح للقسم الفرعي (الملخصات ) وتحصل مطلبك

[farashdi]

المشاركة الأصلية كتبت بواسطة وطن.! اخوي انصحك اذا كان مافيه الا هذا الدكتور اتركها ولا تاخذها ابدا لانك معاه راح تحملها ابتعد عن الداب واشجرته ، الا اذا كنت خريج مابيد الحيله بتكون مضطر المهم نصيحتي لك شوف لك شعبه ثانيه واصلا طبيعي المزجاجي وحداد شعبهم دايما فاضيه

شكرا لك اخوي الوطن على النصيحة وشورك وراح انتظر فتح اي شعبه واستبدلها او احذفها
الله يعطيك العافية

[ذعار القحطاني]

المشاركة الأصلية كتبت بواسطة وطن.! ما انصحك تذاكر من الملخصات ابدا اما بنسبه للتقيم البرامج الحكومية اذكر فيه مذكره نزلها سندي بالمكتبات بس انصحك تسأل دكتورها اول هل هي المعتمدة او لا ؟؟ لازم تتأكد . الاستشارات الادارية المادة ممتعه اطلب الكتاب وذاكر منه اذا كنت تبي درجة عاليه . نظم معلومات من الان اقولك اذا ماراح تقراء من الكتاب تراك راح تحمل المادة ، لا انصحك بالملخصات ابدا واذا انت معزم تقدر تروح للقسم الفرعي (الملخصات ) وتحصل مطلبك

اخوي وطن
ابي شورك بالمواد هذي جزاك الله خير اخذها بالترم الصيفي
1تقييم برامج حكومية
2اجهزة التطوير الاداري
3نظم معلومات
4الاستشارات الادارية
ايش الاصعب منها
لاني باخذ بحوث عمليات وقراءات انجليزية
الف شكر

[محمد????]

المشاركة الأصلية كتبت بواسطة وطن.! ماقدرت ارسلك رسالة خاصه يقولي لازم بعد 1800 ثانيه خخخخ خذ بعطيك رقم جواله ، **********ولا تنسانا من دعواتك وشوف اذا ماخلصك ، بلغني واقرص له اذنه عشانك ياحمودي ( احلى وطن يابطل ) هههه ، وموفق خير

ههههههههههه
ودلعني بعد ماقول غير الله يوفقك وتخرج ولايستغرب الطيب من هل الطيب
مشكور يابعد حيي
بحاول أتواصل معه ( موضوعي بسيط لكن أبيه يرد علي )

[وجة نظر]

المشاركة الأصلية كتبت بواسطة عزيز الدلو اخوي وطن بحالة اخذت بحوث بالصيفي هل يوجد مدرس للمادة اخاف نتوهق وعلى حسب مافهمت من الشباب انها صعبة وتحتاج لمدرس

طبعا تحتاج مدرس بس الماده ابشرك ماهي صعبه مره صعيبه مشكلتها الدرس خطواته كثيره بس شفلك مدرس وامورك طيبه واوصيك اذا كانت الماده عند الحركان لازم تشيك على موقعه وتشوف وش كاتب من توجيهات او اسئلة تراجعها اتمنالك التوفيق

[وجة نظر]

انا إن شاء الله باخذ بالصيفي

التطوير الاداري pad 429
تقييم برامج حكوميه pad436
ثقافة المنظمهpad 422

[منتسب راقي]

يعطيك العافيه أخوي وطن أنا أقترح اللي موادهم متشابهه يسوون موضوع ويجتمعون فيه عشان ما يكون فيه تشتت في الأفكار والإقتراحات بالنسبة لي عندي آخر 3 مواد واتخرج بأذن الله وهي 1-بحوث عمليات 2- أجهزة تطوير تنظيمي 3- ثقافة المنظمة
كلها دسمه والله يسهل ويكتب الخير والنجاح للجميع

[تشلساوي للأبد]

السلام وعليكم أشكرك اخوي على موضوعك المميز،،

أتمنى ياشباب الافادة عن طريقة التسجيل للمواد في الترم الصيفي وهل لازم أسدد اول ام لا لاني اشوف الغالبيه يقولون فيه مشكله بالسداد،،!!

وفي هذا الموضوع اشوف فيه ناس سجلت وحذفت مواد البحث ودي اعرف الطريقه وكيف اختار الدكتور الي أبغاه،،؟؟

ياليت احد يفيدنا ياجماعه واكون شاكر وممنون له جداً،،

بالتوفيق للجميع