||تجمـع الطـلآب و الطـآلبـآت المـستجدين في كلية الاقتصاد و الإدارة~

[Miss.Asmari]

المشاركة الأصلية كتبت بواسطة miss.asmari يا ناس أنا اليوم رحت أول دوام الجامعة ورحت الكلية عبيت ورقة التخصيص والحمدلله طلع التخصص زي ما كنت أبغى إدارة مستشفيات هما قالوا بعد ساعة من تعبئة الورقة لكن ما نزل إلا بعد تقريبا 3 ساعات أو أقل شوية والحذف والإضافة قالوا بكرة تعالوا ومعانا الجدول إللي احنا سويناه أول بس المشكلة عندي إنهم قاموا غيروا الجدول ولسا أمس طبعته هما ما غيروه تماما لكن غيروا بس مبادئ محاسبة بدل ما آخذ مبادئ محاسبة مع الدكتور تركي بقشان يوم الأحد والثلوث والخميس حطوه لي هو مع الدكتور بيتر أقمين يوم الاثنين والربوع هل قد حصل مع أحد فيكم ذا الشيء؟ وشيء ثاني أنا أقدر أروح عندهم بكرة وأعدل فيه بحسب الوقت إللي كنت أبغاه أول ولا إيش القصة بالضبط خلاص أنا حايسة حاسة إنه فاتني شيء !! أتمنى تفيدوني ^^ وشكرا

يا جماعة الخير خلاص أنا اليوم رحت وعدلت كل شيء في جدولي بس للأسف الأستاذة ما قدرت تضيف لي مبادئ محاسبة وتقول الشعب مقفلة حقت مبادئ محاسبة !!! تتوقعوا لازم أرجع لها بكرة وأخليها تحاول لي مرة ثانية ولا أروح ذي المرة للشؤون لكن أنا خايفة يرجعوا يقولوا لي ارجعي لها وتعرفون سالفة روحي عند فلان وبعدين فلان يرجع وبعدين يرسله عند علان أنا ما أحب كذا أخاف أطرطع إلى الآن قنبلتي بتعد العد التنازلي وسؤال آخر لو ما أخذت مبادئ محاسبة ذا الترم أقدر آخذه الترم الجاي ولا حيقولوا لي لا خذيه في الصيفي لأنه صراحة ما أبغى آخذ صيفي t___t
أصلا السؤال الحقيقي ما يجري هنا بالتحديد هل قد حصل زي كذا للمستجدين ولا هو بس احنا؟!
الله يعيننا بس حتى إني خايفة يكونوا بيحطوني عند واحدة الله يستر ليش كذا كأنه احنا تحضيري وأسوأ منهم!!! T________t
أفيدوني لو سمحتوا !

[..Asayel]

الله يسهلك ويسعدك يارب

[m!ss safa]

نزلت اخيررا

[Ehdaa Ibrahim]

لو سمحتو انا رحت امس الجامعة اضفت مادة الانجلش ومادة من تخصصي وكنت من اول عالاودس منزلة 3 مواد عالجدول
الزبدة اني صحيت اليوم لقيتهم لاعنين خيّر جدولي
حذفولي كل المواد وصار جدولي ما فيه الا انجليزي
يحتاج ارجعلهم تاني و لا استنى وتنحل المشكلة من حالها؟

[sal7a]

انا اللي سوت لي الجدول مانزلت لي مبادئ المحاسبه
وفيه اتنين كانو قبلي نفس الموضوع
عاد ماادري ايش يحسوا

[Novaki]

أنا كمان حذفولي مبادئ المحاسبة من الجدول كنت مسجلة مع تركي بقشان ورحت اليوم على اساس ارجع اضيفها بس غيرت الشعبة ولحدت الان ما اضافوها .. ابغى اعرف اذا في مكان غير مبنى 420 اقدر اسئل عن سبب الحذف او اخليهم يضيفوها .

[ss7]

السلام عليكم
ياجماعه انا اخترت التخصص من الاودس والين الحين ماطلعت التخصصات عادي بكرا اروح الجامعه واسوي الجدول ولا لازم لما يطلع التخصص اسوي الجدل ..
جابوني لاني مررره حايسه

[الهيملي]

المشاركة الأصلية كتبت بواسطة ss7 السلام عليكم ياجماعه انا اخترت التخصص من الاودس والين الحين ماطلعت التخصصات عادي بكرا اروح الجامعه واسوي الجدول ولا لازم لما يطلع التخصص اسوي الجدل .. جابوني لاني مررره حايسه

ألحقي على جدولك سويه قبل ماتقفل كل الشعب كل المستجدين سووا جداولهم ولا أحد طلع عنده التخصص.

بالتوفيق

[SuL-ES]

المشاركة الأصلية كتبت بواسطة الهيملي ألحقي على جدولك سويه قبل ماتقفل كل الشعب كل المستجدين سووا جداولهم ولا أحد طلع عنده التخصص. بالتوفيق

يالهيملي انتا اضفت الانقليزي ولا لساا ؟

[Novaki]

ياربي صبرني .. لحدت اﻵن ما أضافوا مبادئ المحاسبة من اﻻساس ليش حذفوها على الاقل يغيروا الشعب وﻻ كل مرة اروح اعبئ ورقة على الفاضي ياليييييييييت اذا فيه احد يعرف مكان من جد نقدر نعرف ليش انحذفت ونقدر نضيفها .. ﻻني لمن رحت اضيفها سألت اللي كانت مسؤولة وقالتلي انا ما اعرف انتي بس اكتبي وشوفي بعدين الاودس وانا من امس كل اشويه فاتحته بس ما صار شئ ... افيدوني .