::فتح تقديم رغبات التسكين ::

[رويدا علي]

📢📢ممكن الي يعرف أقسام الصيدلة المتاحة للبنات
يجاوب لو سمحتم لأني أبغى صيدلة سريرية ومادري اذا في أو لا
في انتظاركم⏳

[L.a.m.a]

المشاركة الأصلية كتبت بواسطة رويدا علي 📢📢ممكن الي يعرف أقسام الصيدلة المتاحة للبنات يجاوب لو سمحتم لأني أبغى صيدلة سريرية ومادري اذا في أو لا في انتظاركم⏳

متاح للطالبات

وتقدرين تتأكدين من هنا :
الصيدلة السريرية - شطر الطالبات

[خالد ..]

السلام عليكم
ابغاء اسالكم عن هذي الكلية
كلية الاقتصاد والادارة فرع الجامعة الرئيسي مستجد علمي .. ايش التخصصات الي فيها وهل هي حلوة ولا كلية تصاميم البيئة احلى ..؟
لان ابغاء احط الرغبة الخامسة مو ععارف ايش احطها لاني انا ابغاء هندسه ولا كلية الحاسبات خليتها اول اربع راغبات ^_^
وكلية العلوم ايش تخصصتها وهل هي حلوة ولا لا ..؟ وتنصحوني احطها راغبة خامسه ولا لا
الطب بعيد عني مرة بخليه اخر شي

[ابوطالب الشريف]

وش الافضل من ناحيه الوظائف ... كــلية الحاسبات ولا كلية العــلوم ؟ وليه ؟

[bahamdain]

اخوي oxo
داخل على الله ثم عليك
انا ان شاء الله ابغى هندسة وانا حاليا ادرس في فرع شمال جدة سنة تحضيرية
بسبب ان بيتي قريب من فرع الشمال والطريق مو زحمة
المههههم
سيبك من الي فوق
يقولوا ان فرع الشمال بينفصل عن المقر الرئيسي وبتصير جامعة مستقلة
اسمها جامعة عسفان هل هذا الكلام صحيح ؟؟
واذا صحيح هل بتختلف عن الجنوب في الاعتمادات الدولية وعند الشركات
يعني مثلا ارامكو تعتبر الي متخرج من الجنوب نفس الي متخرج من الشمال
اتمنى تفيدني قبل ما ينتهي التسكين علشان اعرف احط الرغبة الاولى هندسة - سليمانية ولا هندسة - فرع شمال جدة لآنو لو مافي اختلاف انا بخليها شمال جدة
ويعطييييك الف عافية
والي عنده معلومات يفيدنا جزاكم الله خير

[Hussam Aljehani]

المشاركة الأصلية كتبت بواسطة bahamdain اخوي oxo داخل على الله ثم عليك انا ان شاء الله ابغى هندسة وانا حاليا ادرس في فرع شمال جدة سنة تحضيرية بسبب ان بيتي قريب من فرع الشمال والطريق مو زحمة المههههم سيبك من الي فوق يقولوا ان فرع الشمال بينفصل عن المقر الرئيسي وبتصير جامعة مستقلة اسمها جامعة عسفان هل هذا الكلام صحيح ؟؟ واذا صحيح هل بتختلف عن الجنوب في الاعتمادات الدولية وعند الشركات يعني مثلا ارامكو تعتبر الي متخرج من الجنوب نفس الي متخرج من الشمال اتمنى تفيدني قبل ما ينتهي التسكين علشان اعرف احط الرغبة الاولى هندسة - سليمانية ولا هندسة - فرع شمال جدة لآنو لو مافي اختلاف انا بخليها شمال جدة ويعطييييك الف عافية والي عنده معلومات يفيدنا جزاكم الله خير

اذا ماانفصلت الى ان تتخرج مافي فرق لانهم مايكتبوا الفرع على الوثيقة ولا على كشف الدرجات
فخريج هندسة الجنوب مثل خريج هندسة الشمال (اذا ماانفصلت)

ولكن اذا انفصلت وهذا المتوقع خلال السنتين القادمة اكيد خريج جامعة الملك عبدالعزيز اقوى بالمسمى من خريج جامعة ناشئة بكل شي

[bahamdain]

المشاركة الأصلية كتبت بواسطة oxo اذا ماانفصلت الى ان تتخرج مافي فرق لانهم مايكتبوا الفرع على الوثيقة ولا على كشف الدرجات فخريج هندسة الجنوب مثل خريج هندسة الشمال (اذا ماانفصلت) ولكن اذا انفصلت وهذا المتوقع خلال السنتين القادمة اكيد خريج جامعة الملك عبدالعزيز اقوى بالمسمى من خريج جامعة ناشئة بكل شي

طيب اخوي تعقيبا على كلامك
اليوم الشباب كانوا بيقولوا ان نحن دخلنا الجامعة ومن دفعة جامعة الملك عبد العزيز
يعني نتخرج على اسم جامعة الملك عبد العزيز
اما الي دخلوا الجامعة بعد ما تنفصل ما يعتبروا من جامعة الملك عبد العزيز

[ReRe.H]

سؤال

التسكين يقفل يوم 16 ولا يوم 6 شهر 6 ؟
انا خبري ستة ستة بس جاتني صورة مكتوب 16 !!

[خالد ..]

السلام عليكم
ابغاء اسالكم عن هذي الكلية
كلية الاقتصاد والادارة فرع الجامعة الرئيسي مستجد علمي ..
ايش التخصصات الي فيها وهل هي حلوة ولا كلية تصاميم البيئة احلى ..؟
وكلية العلوم ايش تخصصتها وهل هي حلوة ولا لا ..؟


^^ اعطوني معلومات عنها كلها تكفون ... :(

[Hussam Aljehani]

تنبيه
لطلاب وطالبات الانتظام

تم تعديل رغبة العلوم التطبيقية الطبية

بعد ماكانت علوم طبية تطبيقة-تقنية مختبرات

الان اصبحت فقط علوم طبية تطبيقية

وراح تتخصصوا اول اسبوع دراسي من العام الجديد