طلاب وطالبات اللغة الإنجليزية دفعة 10 تعليم عن بعد.......

[أبو أحمد%]

المشاركة الأصلية كتبت بواسطة برتني راح اعطيك فكره عن الماده .. لانو ما اعتقد في اختلاف بين الشباب والبنات في هذي الماده الماده .. تسوي بحث عن قصه قصيره غالبا او طويله مافي فرق تتكلم عن حدث رئيسي بالقصه .. >> انا مثلا تكلمت عن قصه قصيره تحولت لفيلم عن بنت حاولت الانتحار ودخلوها المستشفى وقالو لها انو باقي معاك اسبوع عشان تعيشي وبعدها بتموتين واتكلمت عن الانتحار بالقصه وكيف انو الانتحار مو حل .. وكيف انو مو كل الناس محظوظين زي بطله الفيلم هذي .. وجبت احصائيات بالمنتحرين في العالم وفي امريكا وفي خطوات معينه تمشي فيها مع الاستاذ حبه حبه الى ماتخلص بحثك بشكل نهائي .. وتجيبه معاك يوم الاختبار الاختبار يجيبو لك قطعه وانت تطلع الاخطاء اللي درستها طول الترم في طريقة الاقتباس مثلا او في علامات الترقيم ويجيبو لك وورك سايتد << هذي نفس المراجع اللي اخر الكتب غالبا تجي .. انو تكتب اسم الكاتب وبعدين الكتاب وبعدين تاريخ النشر والناشر ... اشياء ماراح تعرف قصتها الا اذا انشرحت لك الماده بشكل عاااااااااااااااااااام ... معقده بشكل مبسط << اتحداكم تترجموها خخخخخخ احلى مافيها لما تشوف بحثك كااامل بعد تعب وجهد ... ولما تنجح وترتااااااااح منها وكل مواد المستوى الخامس تجيب الهم منجد .. يعني خلص بدري وامش ع الخطه عشان ماتتراكم عليكم المواد الصعبه للاخير ويطيح المعدل مررررره وحده

شكرا لك بريتني
صراحة المادة شكلو دمها ثقيل .. راح اشوف الدكتور اذا كان حبوب راح اضيفها
بس على فكرة القصة من فين جيبتيها
هل من كتاب معين

[أبو أحمد%]

برتني ممكن كمان تعطيني فكرة عن
Intro to linguistics

[Last Hope]

المشاركة الأصلية كتبت بواسطة برتني احلى مافيها لما تشوف بحثك كااامل بعد تعب وجهد ... ولما تنجح وترتااااااااح منها وكل مواد المستوى الخامس تجيب الهم منجد .. يعني خلص بدري وامش ع الخطه عشان ماتتراكم عليكم المواد الصعبه للاخير ويطيح المعدل مررررره وحده

احسنت التعبير بريتني
لاني فرحت وقت ماشفت بحثي كامل وخلاص ابغى اسلمه للاستاذة
حتى فكرت انسخه كم نسخ واوزعه للجيران من فرحتي بالبحث
ااااه الحمد لله،،،،
تقولي ولا بحث التخرج!!!
:)

[Last Hope]

المشاركة الأصلية كتبت بواسطة أبو أحمد% برتني ممكن كمان تعطيني فكرة عن intro to linguistics

رح اجاوبك واكيد الاخت برتني مارح تقصر :)
اللغويات او اللينجوستك مادة سهلة ممتنعة
هي مادة ممتعة وبصراحة عجبتني لكن مفرداتها صعبة ومعقدة حبتين
مثل مادة التجويد كأقرب مثال، رح تتعلم مخارج الحروف من فين وكيف تخرج وكيف تنطقها
وتاخذ مقدمة في النحو والصرف والبناء وتتعرف على معانيها بس!! يعني لسه مارح تتعمق في دراستها الا في الاترام الي بعد كده
مادة اللغويات مهمة جداً جداً وتعتمد عليها اغلب المود الاخرى، يعني لازم تشد حيلك تدرسها عشان هي تعتبر متطلب اساسي للاترام الجااااية، لانو ع حسب الخطة، رح تدرس في السمستر السادس مادة النحو لحاله والصرف لحاله والصوتيات لحالها وكلها رح تعرف عنها بشكل مبسط في "مقدمة للغويات"

[برتني]

ردا على الاخت Hope

تحاولين تخففين من مصابهم عشان كذا تمدحي لهم اللغويات هههههههه
عشان اكون صريحه .. ومايكون ردي دبلوماسي زي رد last hope
راح اقولك اللغويات ماده العن من البحث هههههه
واكثر تعقيد.. تشبه التجويد بس بشكل اصعب ورموز اغرب ..وكل مصايب الدنيا فيها والمصطلحات العجيبه تزيد الوضع تعقيد «« كني ارعبتهم. o_O
.حطو فبالكم انو من المستوى الخامس الى التخرج مافي شي سهل ابد
وتحتاج لجهد وتعب وشده حيل لان المعدل كل مالو ناآزل للاسف
ف مادة الادب واللغويات من اصعب المواد اللي بتكون مقدمه لمواد العن منها
مادة البحث قدامهم كأنها تسليه او ترويح عن النفس
واحلى ماده الترجمه.. من جد متعه .. هي الماده الوحيده الحلوه في المستوى الخامس بصراحه

[برتني]

الاخ اللي يطلب ملفات :-* كم تدفع
بعدين ليش الفيسات المعصبه والزعلانه

[Last Hope]

المشاركة الأصلية كتبت بواسطة برتني ردا على الاخت Hope تحاولين تخففين من مصابهم عشان كذا تمدحي لهم اللغويات هههههههه عشان اكون صريحه .. ومايكون ردي دبلوماسي زي رد last hope راح اقولك اللغويات ماده العن من البحث هههههه واكثر تعقيد.. تشبه التجويد بس بشكل اصعب ورموز اغرب ..وكل مصايب الدنيا فيها والمصطلحات العجيبه تزيد الوضع تعقيد «« كني ارعبتهم. o_O .حطو فبالكم انو من المستوى الخامس الى التخرج مافي شي سهل ابد وتحتاج لجهد وتعب وشده حيل لان المعدل كل مالو ناآزل للاسف ف مادة الادب واللغويات من اصعب المواد اللي بتكون مقدمه لمواد العن منها مادة البحث قدامهم كأنها تسليه او ترويح عن النفس واحلى ماده الترجمه.. من جد متعه .. هي الماده الوحيده الحلوه في المستوى الخامس بصراحه

ههههههههههههههه ارعبتيهم ونص
ميولنا تختلف فانا اكرررررررررره ماااادة الترجمة
يمكن اذا كانت الاستاذه تحمس وتشجع كنت رح اخد فكره غير عن الماده
مادة الترجمة تعتمد ع مهارة الطالب والطالبة
بس مادة اللغويات كانت very interesting
عموما لازم تاخدوا المادة دي لانو تقريبا اربع او خمس مواد تعتمد عليها بعدين
وتذاكروها اول باول عشان تنجحوا وتصيروا الاول....>اغنية دي

[أبو أحمد%]

شكرا لكم جميعا على توضيحكم الجميل والمخيف
ارعبتينا يابرتني خلاص بطلنا ندرس هههههههه

[برتني]

ههههههههههههههههه طيب انا قلت اللي في مصلحتكم
عشان بعدين لا تنصدمون وتتأثرون ويجيكم حالات نفسيه لا سمح الله
الافضل لكم انكم تتوقعو الاسواء هاهاهاإاإ
ولا شكر على واجب «« اصلا ماسويتي شي تشكري عليه ماغير الرعب

[برتني]

Hope .. يعني هذا غير وبحث التخرج غير o_O
لا تقوليها ... والله شي يجيب الهم