آخر أيام دراسة الإحصاء هنا

[نيما]

صباح الخير يا حلويين ابغى اسال سؤال ايش الفرق بين independent , dependent وايش يعني confounding

[υикиσωи]

المشاركة الأصلية كتبت بواسطة نيما صباح الخير يا حلويين ابغى اسال سؤال ايش الفرق بين independent , dependent وايش يعني confounding

الـIndependent هوا الشي المستقل ...
الــDependent ها الشي التابع ...ما حيسير الا لما يسير الشي الاول


ناخد مسال عشان تتضح الصورة ..
لو قالك مثلا اجرينا تجربة على 7 اشخاص بانو أديناهم كريم وحبوي لعلاج من اكزيما مسلا ...

هنا حنقول الاندبندنت ... حيكون الكريم والحبوب << يعني عندنا متغيرين مستقلين موش واحد
والدبندنت ... هواتفتيح البشرة

شوفي ياقمر ...لو ما أديناهم الحبوب والكريم ... ما حنقدر نوصل للنتيجة اللي هيا انو يتعالجو من الاكزيما ..صح ..؟!
عشان كدا الحبوب والكريم كنو هما المتغييرين المستقلين

وفي نفس الوقت انو يتعالجو لازملهم دي الشيين .. فالعلاج تبع اخد دي الشيين
<< احس كلامي ملخبط ...
ياااا رب تفهمي يا رب ...


بالنسبة لــconfounding ...دا حيخش عرض من الاندبندنت فاريبول ... وحيأثر بكدا على الدبندنت .. << المتغيير الخفي ..

مسلا لو قالولك اجرينا تجربة ع مجموعة من الاشخاص ..أديناهم نوع من التمارين لتخفيف الوزن ..
طيب في ناس كانو بيعملو دايت ... .. والباحث ما يدري... سو حتختلف النتيجة عن اللي ما بيسوو ...
حيحسب نفسوو نجح في تجربتو ونزل وزنهم ..مع العلم انو الدايت كان ليلو اثر كمانا ..



واللهي عقلي مضروب ودا اللي طلع معايا ...

[نيما]

هادا في الشبتر الاول

[lujain alsharif]

مرحباا .... يا جماعة ممكن احد يلخص سكشن 5-6 .. ملخبطني شوية
الله يعطيكم العافية

[سارة الحربي]

صباح النور يادووبآ ..
independent ( مستقل ) هذا اللي مايرتبط بأحد نتحكم فيه ونسوي دراستنا ع اساسه
يعني مثلا [ عدد ساعات المذاكره ]

dependent ( معتمد ) هذا يكون تابع للي قبلو .. بمعنى انه كآنه النتيجة له ...
وتبع للمثال الاول يكون الناتج مثلا [ الدرجات فالامتحان ] لو زاد الاول يزيد الثاني والعكس ..


وايش يعني confounding هذا يكون عامل خفي ..
مانقدر نفصله عن المستقل وبفس الوقت يتأثر به المعتمد .. !!


/

ان شاء لله يكون واضح ^_^

[υикиσωи]

معليش يا قلبي في غلط

والدبندنت ... هوا انو يتعالجو من الاكزيما .. مو زي مو مكتوب فووق ..


مني قادرة اعدل ع الرد ...عشان شالو مني التعديل ...



ما في حزف للردوود بعد الان ..

[سارة الحربي]

سبقتيني نونا خخخخخخخ



/



فنتون .. حتى أنا ما اتوقع بس سآلت علشان اريح ضميري هع



::

يلآ للمذاكرة خخخ

[do0odah]

ياجماعة هتزاكرو شابتر كويز ؟؟؟؟

[funtoon]

<< دودا ،، لو عندنا وقت حنزاكرو ايش ورانا

وعلى ما اعتقد كانو يجيبو اسئلة منو وبالنص كمانا
،،




رورا ،،
فين رحتي يختشي
لا يكون صدقتي التحدي بس :)

[υикиσωи]

المشاركة الأصلية كتبت بواسطة funtoon << دودا ،، لو عندنا وقت حنزاكرو ايش ورانا وعلى ما اعتقد كانو يجيبو اسئلة منو وبالنص كمانا ،، رورا ،، فين رحتي يختشي لا يكون صدقتي التحدي بس :)

طبعا صدقت هااا اجل ..!

بسس اللي خلاني دحين افتحو تاني ..دورت الحلول حقت شابتر 3 مني لاقيتها ...
ما ادري فين اختفت ..

مع اني متأكدة اني حليتها ...!!...
ولا حتى في اللاب ما لقيتها ...
شكلوو اديتها للاستازة وما رجعت ...


بسس الله يخلي قوقل ... جابلي شي ما اتوقعتو ...