Black box

[Patricia]

مانليق لبعضنا ياااااسيدي إنتااا تكاااااابر وأنا ما أنحني

[Patricia]

أول ما تخرجت سجلت في معهد بيرلتز فرع التحلية قلت أتسلى وأقضي وقت ماهوو ضايع ضايع خليه يضيع في شيء مفيد، بصراحة المعهد ماعليه كلام وأنا مدحته قبل كذا، بس الأستاااذة هالمرة ماش نفسها خايسة أحسها تقول مغصوبة 👊وتبتسم نص ابتساامة من شيانة الأخلاق 🔪، بالها مو طوويل وماتساعد كثير، مو بس أنا اللي ماجبيتها الكلاس كله ( أي كلاس أصلا كنا كلنا 4 بنات 😂 ) المهم اللي تفكر تدرس عندهم في يوم تبعد عن مس نادية تراها تجيب الهم ياااثقل الوقت معاها وياصبر الأرض عليها ..

عاااد فلوسهم ماخذينها كاملة بس ماكملت لأن بروجرام نومي خرب وسحبت عليهم وعلى الدنيا كلها 😂😂 طبعا هذا الشيء كان له سلبيات كثيرة أهمها إنه أفقدني المصداقية والجدية عند أبوي كل ما قلتله بسجل في مكان قااااال ايوه وادفعي الفلوسي ولا تداومين زي دورة الإنجليزي 😩😩 ليه كذا بس ..؟!!! جايب هالقساااااوة منين ياطيب 😃😃

[Patricia]

"وإذا سألك عبادي عني فإني قريب"
ذُكِرت في عرض آيات الصوم، لتخبرك أن في رمضان تتحقق المطالب ..
فقط كن على يقين واطرق الباب ♥♥

[Patricia]

ماتصلح العشرة بدون التضحية والإحترام
والعشرة اللي تفتقد هالشيء؛ عشرة زايلة

[Patricia]

نصيحة

[Patricia]

صارلي فترة أحلم بوحدة كانت صديقتي ، تقريبا من شهر وهي تجيني في الأحلام ، حتى لما أقوم من النوم أحس بإحساس غريب مدري هو خوف ولا شوق ولا قلق ولا إيش بالضبط ، مو من عادتي أعطي الأحلام إهتمامات ، حتى أسوأ الأحلام أتجاهلها ، بس هالأدمية إذا حلمت فيها يتعكر جوي أغلب اليوم !
اللي حصل بيني وبينها إنها عاتبتني مرة على قِل السؤال ومن سوء حظها جاء عتابها في وقت أنا كنت فيه في ألعن مزاجاتي وكنت غاوية مشاكل عاد إنفجرت فيها وطلعت لها الأول والتالي ومن بعدها لا أعرفها ولا تعرفني !
ما أكذب ساعات الحنين يغلبني .. كانت تشبهني كثيير وبينا حاجات مشتركة أكثر من الموجودة بيني وبين أخواتي وهي نفس الشيء ..
أدري إني زودتها حبتين وردة فعلي كانت صادمة بالنسبة لها .. بس اللي صار صار و الشيطان كبرها براسي ذاك الوقت ..
كبريائي منعني أعتذر لها بعد المشكلة ، مشكلتي ما أعرف أعتذر إذا كان الشخص مو من أهلي ومحسوب علي .. ساعات أكره هالطبع فيني وأدري لو ما اعتدل خساراتي بتكثر مع الأيام ..

الغريب إني طلعت من حياتي كثير ومافقدتهم إلا هالإنسانة لها فقدة ! صحيح إني عايشة وماعلي قصور .. بس هي كانت صديقة من نوع خاص مزاجنا متشابه وهالشيء خلانا مانتعب مع بعض اللي تحبه أحبه واللي ما أحبه ما تحبه ❤️

أتمنى ماعاد تزورني في الأحلام .. لا تتوقعوا إني أفكر فيها لا أبد والله عندي حاجات أهم تريلون مرة بس هالفترة مدري وش السالفة كل يومين ناطتلي في حلم ~ مع إني أول ما تركتها عمري ماحلمت فيها والحين يوم راحت عن البال وراعيه ماغير تزورني بهالأحلام كأن الشغلة تنكييييد 😩😩

[Patricia]

مرة فيه أحد قالي قوليلي ايش اللي يسعدك وأنا أسويه ..؟
بس ما كان عندي جواب مو لأني ما أعرف ايش اللي يسعدني ! لأن اللي يسعدني لا هو بيدي ولا بيده لو ما جابه الله ماجابه إنسان

[Patricia]

أغبط الناس اللي السفر بالنسبة لهم متعة كبيييرة وسعادة مالها حد !!
المهم إني كنت بسافر هالإجازة بعدين كنسلت وأخواني راحوا جعله درب السلامة وأنا قاعدة 😔 بصراحة مالي خلق الآرق هنا لاعب فيني تقول مو لاقي من العِباد غيري ! وماتسوى علي عشرة أيام !! العوض على الله صدق من قال من زان نومه زان يومه وأنا لا زان نومي ولا زان يومي

[Patricia]

قبل كم يووم رحت أنا وأختي السوبر .. وبعد ما خلصنا ووصلنا الكاشير إلا العربية اللي قدامنا حقت مرة كبييييرة بالسن وماشاءالله مليانة مرة، والآدمية مسكينة تنزل في هالأغراض من العربية وتوطي قمنا أنا وأختي قلنالها ياخالة نساعدك وانبسطت ما قالت لا .. وطلعنا كل أغراضها وجلست طبعا تدعيلنا ❤️

المحزن في الموضوع : وين عيال هالأدمية ! ليش ما يكفون أمهم ويقضون عنها أو على الأقل يجون معاها يساعدونها والله يالله تمشي، أصلا أنا أول مرة في حياتي أشوف وحدة كبييرة مرة بالسوبر !
إحنا الشباب ويالله فينا حيل حق التلفلف .. يعني البهايم اللي عندها بس فالحين يبلعون ! بالنهاية إحنا ماندري عن ظروف الناس .. يمكن يكون وراها سيناريو غير اللي أنا متخيلته .

الحلوو في الموضوع : إني اكتشفت إن مساعدة الناس شيء جميل ويعطيك إحساس بالرضا عن النفس .. فعلا لذة العطاء أجمل من لذة الأخذ ..

لو فيك في يوم تقدم مساعدة لأحد ما تتأخر، خصوصا كبار السن .. يكفي دعواتهم ❤️🌹

[Patricia]

استقطع من وقتك لراحة قلبك

( صلاة الضحى صلاة الأوابين - أي كثير الرجوع والتوبة إلى الله )

🌹🌹