تجمع طالبات اللغه الانجليزيه جميع المستويات

[MS.Fabulous]

المشاركة الأصلية كتبت بواسطة القلب الدافى وعليكم السلام ياعسل انا درست عن عايشة فكشن الترم اللي فات .. والله والله امتع مادة بعد الترجمة الفكشن ودي ادرسها مرة تانية .... كنت عن دكتورة عايشة وكانت شعبتنا 8 بنات بس شرح الدكتورة حلو ماشاء الله تشرح وفي عرض بور بوينت يقروا البنات وتشرح سطر سطر وتجي تاني ييوم تراجع معنا الافكار المهمة اللي ناقشناها بالمحاضرة اللي فاتت (( صراحة انا كونت اخذ تيك نوتس يكل محاضرة )) ومرا احسن شي فيها تقولك الاختبار ايش بيجي والله مايخرج عن اللي تقولة تقول بيجي فراغات وعليها 10 درجات وصح وخطا خمس فقرات وعليها كدا وسوال اسية وعلية كدا يعني تديك فكرة ايش راح يجي انا شوية طفشت من البرزنتيشن لانو احنا كلاسنا قليل سوينا برزنتيشن مرتين اول مرا سويتة قالت مو تمام ماراح تاخدي درجة كاملة وعدتو بعد اسابيع ومرا مرا مرا عجبها وقالت نايس لانو هي تقول احب الابداع تحب تحطي صور ومقاطع فديو وتخلي البنات يقروا الجزية اللي تشرحيها يعني يكون في ابداع ويكون البنات متفاعلين اصلا المااااادة مرا تجنن تخيلي قصة وتسولفو عن احداثها وشخصياتها و جوانبها انتي شوفي الفلم من اول اسبوع احسن لك واعرفي الشخصيات لانو راح تستمتعي مرا بالكلاس انا بالبداية كانت الكلمات غريبة علية ادبية بس مع الاسبوعين الاولى مرا فهمت وصارت تمام والاستاذة متفاهمة يعني تقولي ناجل الاختبار تقول طيب نصيحة لاتغيبي واذا غبتي اسالي اش صار بالكلاس لانو احيان تقول كلام وماتهتم في غياب او لا زي الترم الي فات قدمت الاختبار وفي وحدة بنت مادريت وتوررررطت مرا اختبرت بسالفة طويلة عريضة وكمان مو كل يوم تدخلي متاخر لانو عليها حالات احيان تديك كلمتين واحيان ماتدخل واحيان عادي ولاكانو شي سوووووووووري على الاطاااااااااااالة وسوري مس لانو كتبت رايي هنا

لا عادي انا راح اضيف ردك في التقيم يعطيك العافيه

المشاركة الأصلية كتبت بواسطة toofey صباح الخير بنات للاسف اليوم ما داومت بس خليفة بكرة ان شاء الله المرشدة ما ترضى تعدلي جدولي وخصوصا انها ارسلت لي رسالة من يوم الاربعاء انه لازم اجي السبت واعدل ويش رايكم لاني جديدة على الانتظام ومادري كيف اسلوب الاستاذات وكمان ابغى اسال مين افضل في ثقافة 3 فوزية خياط والا نسيبة الجفري؟؟؟؟؟؟؟؟؟؟؟بليز قولو مين افضل وكيف طريقتها

فورزيه خياط مررررررره عسل واستاذه نسيبه في رد عنها الصفحه اللي قبل

المشاركة الأصلية كتبت بواسطة toofey كمان ابغى اسال هل حقدر اضيف مادة العلوم الطبيعية من عند المرشدة لان انا حطوها في جدولي بس توقيتها مو مناسبني وخايفة احذفها وبعدين ما اقدر اضيفها ايش رايكم احدفها الحين والا اخليها لين اروح للمرشدة وتبدلي الشعبة؟؟؟؟؟ داريه اني موجودة هنا لوحدي والكل مداوم يارب صبرني

يب تقدري صحبتي قالت لمرشدتها تضيف لها مع انو فل بس قالت لها راح اضيفها لك

المشاركة الأصلية كتبت بواسطة القلب الدافى السلاااااااااااااام عليكم واااااااااااااااااااي توني رجعت من الكلية الحمدلله اني عند مرشدة زي كدا ( منال باتوبارا ) شكرآ من جد انتي قمة في الاخلاق يحفظك خالقي طبعا انا رحت عشان اضيف مقدمة في العلوم الطبيعية بس لمة رحت وسويت الورقة وبضيفوها الا تقول استاذة ابتسام شاش مرا فل مايمدى زعلت كونت ابغى اخلص منها بس راضية باللي كاتبة ربي لانو استخرت وتخيلو دحين وانا افتح الاودس الا الاقي الشعبة فضيت وحدة .......شكلو مو مكتوبة لي دي المادة طمنوني عنكم مافي دوام دا الاسبوع :)

[color="rgb(0, 100, 0)"]ياهلا والله دوامت اليوم بس عشان اشوف صحباتي والحمد لله جدولي كامل ومااحتجت اضيف شي[/color]

المشاركة الأصلية كتبت بواسطة rose11 السلام عليكم ورحمة الله وبركاته كيفكم صبايا يارب بخير حبايبي حبيت اخذ رأيكم في جدولي وفي الاستاذات اللي انا معااهم مدري هم تمام ولا لا والله شايله هم الصوتيات مع هوازن القثامي والفكشن مع عايشه الحربي والدراما مع فوزيه اصيل النحو مع اميره قشقري لغويات اجتماعيه مع فائزه عبداللطيف كلكتاوي كان ودي اخذ صرف بس ماقدرت لا مع هند ولا مع شاديه الشعب مقفله واساسا عندي تعارض بليز اللي تعرف كيف فوزيه اصيل في الدراما او بشكل عام تفيدني وكمان فايزه كلكتاوي ابي اعرف كيف اسلوبهم وتعاملهم مع الطالبات . وكل الشكر لكم جعل ربي مايحرمها الجنه اللي ترد

اميره وهوازن تمام وعايشه الحربي اقري رد القلب الدافىء عنها صفحه 16 والبقيه مادرسوني

[soso fofo]

بنات أنا طالبة مستجدة ونزلي فرنسي 1 مع أستاذة عفراء
سؤالي:كيف الأستاذة والمادة؟

[مســـألة وقت]

المشاركة الأصلية كتبت بواسطة soso fofo بنات أنا طالبة مستجدة ونزلي فرنسي 1 مع أستاذة عفراء سؤالي:كيف الأستاذة والمادة؟

مســـاء الخير
درستني أ/ عفراء قبل سنتين تقريبا فرنسي 2
مره استمتعنا معها وتعاملها حلو ماشاء الله والكل أخذ درجات عاليه عندها
يعني تشرح وأسئلتها بعد حلوه
وممكن تختبر زي الكوزات كثيرة بس تاخذ الدرجات العاليه فيها وتحسبها لك

مااعرف اذا تغيرت أو شي
بس هذا عن تجربتي

[هيبة ملكة]

مساء الخير صبايا

اليوم رحت الكليه والحمدلله قدرت اضيف الرياضيات

بس مرره محتاره اش اضيف مقرر حر

طمنوني اش سويتو

[Rose11]

المشاركة الأصلية كتبت بواسطة هيبة ملكة مساء الخير صبايا اليوم رحت الكليه والحمدلله قدرت اضيف الرياضيات بس مرره محتاره اش اضيف مقرر حر طمنوني اش سويتو

مساء الورد

يعني الرياضيات لازم منه لازم ندرسه

اليوم وحده من البنات سألت المرشده قالت لها لاتضيفينها باقي بنشوف وضعها اذا لازم تاخذونها ولا لا .

[هيبة ملكة]

المشاركة الأصلية كتبت بواسطة rose11 مساء الورد يعني الرياضيات لازم منه لازم ندرسه اليوم وحده من البنات سألت المرشده قالت لها لاتضيفينها باقي بنشوف وضعها اذا لازم تاخذونها ولا لا .

بالعكس الرياضيات حلوو واسهل من الاحصاء الي درسناه في التحضيري

[Rose11]

وينكم صبايا محد رد علي بخصوص جدولي

[بنوتة هلالية]

بنااات حبيت اسالكم كيف القسم حلوو والا لاا
سهل والا صعب
وكيف المواد يعني اللي يزاكر ينجح
والرايتنق المواضيع كيف من برا الكتاب والا لا

استنى ردكم

[shosha r.o]

بنات الانجلش فزعتكم اش المواد الحره اللي نازله ؟
اللي تعرف تكتب هنا الله يوفقها دنيا واخره
لان بكرا لازم اروح اضيف

[nour al3mr]

rose11

برأيي ~> مع مراعاة اختلاف المنهج بين الكليتين

الأفضل ماتجمعي بين الفكشن و الدرامــــــآ
لان كلا المادتين تحتاج لقراءة للأعمال الأدبية وتحليلها و فهمها

أما اللغويات الإجتماعية لو كتابكم مثلنا المادة ماحبيتها
لكن شوفي كيف طريقة تدريس استاذاتكم لها ممكن تكون مسهلة
هيا مو صعبة لكن حفظها و كلامها كثيـــــــر = )