هـنـا قروب طلاب وطالبات الإحصاء

[..Huda Hamad]

السلام عليكم ورحمة الله وبركاته..

إيش رأيكم بهذولا الأستاذات بهذي المواد..

عبير سيد عبدالرحيم محمد ‏stat203..

سمر عبدالله أحمد بابروك ‏cpcs202..

آسيا أمين حسين زقزوق ‏math202..

جنان رمضان محمد الديان ‏stat205..

وبصورة عامة كيف هذي المواد حلوة ‏‏<‏‏~لا تخوفوني منها كثير..

إن شاء الله حلوة..





..‏^‏.‏~‏..

[احصائية 2009]

و عليكم السلام ورحمة الله وبركاته ...

عبير سيد عبدالرحيم محمد ‏stat203..
انا اخذت هذه المادة مع الدكتور سلوى زمان
كلهم عسل
والمادة مرة حلوة نفس الي في التحضيري بس زيادة عليه شوية اشياء حلوة وسهلة باذن الله :)
وتقريبا ربع الشعبة جابو ال A+ وانا منهم

سمر عبدالله أحمد بابروك ‏cpcs202..
معرفهاش
بس البرمجة لازم تاخذيها بدري علشان ماتوقعي في التعارض بعدين

آسيا أمين حسين زقزوق ‏math202..
الدكتورة هذه مافي زيها
حلو شرحها مع بعض العيوب وانا جبت الA+ معاها
المادة هذه اشتكو منها بعض البنات بس بالنسبة ليا هي اسهل مادة من قسم الرياضيات وهذا كلام اكيد
المادة تتكلم عن التفاضل والتكامل وهي سهلة وحلوة بس يبغالها تركيز والواجبات اول باول واكيد راح تضمني 10 الاون لاين والدكتورة تساعد :)

جنان رمضان محمد الديان ‏stat205..
شرحها حلو والمادة منها سهلة مرة بس مع شرح الدكتورة جنات والواجب والمذاكرة اول باول وركزي على المذاكرة لان المنهج ماتقدري تذاكريه في يوم وليلة اسالي مجربة
تجيبي درجة حلوة فيها باذن الله :)

وتقريبا هذه المواد كلها اسهل مواد في قسم الاحصاء واحلاها
وبالتوفيق

[M!sS.boOona]

عبير سيد عبدالرحيم محمد ‏stat203..
<< انا اخذت الماده مع أ. سلوى بس عبير كمان قالوا كويسه والماده مرره سهله ..

سمر عبدالله أحمد بابروك ‏cpcs202..
<< احسن وحده تدرس الماده و الماده ممتعه بس ابغالها مذاكره وفهم مره ..

آسيا أمين حسين زقزوق ‏math202..
<< اسيا مره رهيبه ماشاء الله لا تاخذي الا معاها ..

جنان رمضان محمد الديان ‏stat205..
<< انا اخذتها مع د.جنات الماده كوويسه بس طويله ..

المواد حلووه انا اخذتها الترم اللي فات و بالتووفيق ..

[..Huda Hamad]

شكرا شكرا شكرا شكرا..

مره ريحتوني وطمنتوني..

ربي يسعدكم دوم يا رب..

مرررررره مشكووورين..





..‏^‏.‏~‏..

[M!sS.boOona]

بناات سااعدووني ،،
انا نزلت دا الترم ::
*تفاضل وتكامل 2 Math202
*معمل كيميا عامه Chem281
*امن وسلامة مختبرات Phys200
* ثقافه 2
*بحوث عمليات 1 Stat 261
*نظرية احتمالات 1 Stat211

نزلت بعض المواد من الجامعه السبت والمشرفه شافت جدولي ماقالت شي
بس اليوم فتحت الجدول لقيتهم حذفولي مادتين الاحصاء كان جدولي 14 ساعه و صار 7 ساعات بس قلت امكن عشان متطلب ليها التفاضل والتكامل 2 ..
انا ابغى اخذ مواد احصآء بس مني عارفه ايش ينفع اخذ ؟!
وايش اسهل المواد الاختياريه ؟!
ينفع اخذ الماده ومتطلبها في نفس الترم ؟

و مششكورين ~

[shoroq]

نزلت بعض المواد من الجامعه السبت والمشرفه شافت جدولي ماقالت شي بس اليوم فتحت الجدول لقيتهم حذفولي مادتين الاحصاء كان جدولي 14 ساعه و صار 7 ساعات بس قلت امكن عشان متطلب ليها التفاضل والتكامل 2 .. انا ابغى اخذ مواد احصآء بس مني عارفه ايش ينفع اخذ ؟! وايش اسهل المواد الاختياريه ؟! ينفع اخذ الماده ومتطلبها في نفس الترم ؟

انظرية إحتمالات لازم تاخدي قبلها تفاضل202
وبحووث لازم تاخدي جبرر خطي وجبر خطي حتى تاخدي لازم تاخد تفاضل 202

عن تجربة نصيحتي لاتاخدي مادتين رياضيات في نفس الترم

[احصائية 2009]

M!sS.boOona
ما ينفع تاخذي مادة ومتطلبها في نفس الترم
خذي برمجة و stat 203 و stat 205
مواد اختيارية ما تقدري تاخذيها الا لما تاخذي stat 302 لانها متطلب تقريبا لكل الاختياري

[M!sS.boOona]

ششروق ~ مششكوره يا عسل (=

احصائية ~ المواد اللي قلتيها اخذتها الترم اللي فات خلاص ..
دا الترم قالتلي المشرفه خذي مواد عامه و حره و ربنا ييسر ،،
يسسلموو حبيبتي ..

[M!sS.boOona]

ابغى اسأل عن معمل فيزياء عامه phys 281
سهله ولا صعبه ؟! و اقدر اجيب فيها الـ A ؟؟

[احصائية 2009]

معمل الفيزياء والكيمياء كلها طويلة 4 ساعات بعد الظهر
معمل الفيزياء حلو وبالنسبة لي احلى من معمل الكيمياء واخذت فيه الa كان مرة ممتع بالنسبة لي اكثر من الكيمياء
مع ان الكيمياء الكل يقول انها اسهل ...