قروووب سوالف طالبات الادارة والاقتصاد..

[الريم اللعوب]

يابنات وش رايكم باستاذه هيفاء عبد الفتاح كيف شرحها ؟؟ اخلاقها ؟؟اسئلتها ؟؟
هي نازلتلي في اخلاقيات عمل بالرغم من ان كان نفسي ابتسام حلواني بس زي ماتعرفوا الشعب مقفله بس الله يعين
ويلا ان شاء الله ابي ردودكم

[miss caraza]

هيفاء عبدالفتاح مررررررة رهيبة من ناحية اخلاقها وشرحها واسئلتها كمانا انا اخدت معاها مبادئ ادارة عامة

ماعندها تكاليف ولا هم يحزنون تختبرنا دوري من 30 وتقسمو على ثلاث مرات وتاخد درجة احسن اختبارين
والنهائي كممان مرررة جا حلو بس يلخبط شوية
دا بالنسبة للادارة عامة لاكن اخلاقيات عمل ماأدري كيف ...........وسلامتكم

[miss caraza]

السلام عليكم



انا اتخصصت ادارة عامة ليا سمستر ودا التاني
وحابة احول لقسم القانون ......يمديني ولا لأ....؟؟ ازا حولت يعني هل تتعادل المواد اللي اخدتها السمستر اللي راح واللي هيا|(مبادئ محاسبة-مبادئ قانون-ادارة عامة-اقتصاد جزئي-وطبعا الثقافة201)


وكمان بدي استسفر عن القانون كتخصص يعني هل هوا سهل او صعب وكيف المواد اللي فيه مملة ولا ممتعة ويعني اللي عندو اي معلومات واضافات لا يبخل عليا مررررررررررة ضروري احد يجاوبني عشان اعرف كيف وضعي...........


فيدوني بللللللللللللللليز

[ظل الياسمين]

المشاركة الأصلية كتبت بواسطة miss caraza السلام عليكم انا اتخصصت ادارة عامة ليا سمستر ودا التاني وحابة احول لقسم القانون ......يمديني ولا لأ....؟؟ ازا حولت يعني هل تتعادل المواد اللي اخدتها السمستر اللي راح واللي هيا|(مبادئ محاسبة-مبادئ قانون-ادارة عامة-اقتصاد جزئي-وطبعا الثقافة201) وكمان بدي استسفر عن القانون كتخصص يعني هل هوا سهل او صعب وكيف المواد اللي فيه مملة ولا ممتعة ويعني اللي عندو اي معلومات واضافات لا يبخل عليا مررررررررررة ضروري احد يجاوبني عشان اعرف كيف وضعي........... فيدوني بللللللللللللللليز

شوفي أتوقع رح تتعادلك
حتى لو ماكانت بعض المواد من ضمن الخطة الأصلية للقانون
تحسب لك حرة أو اختيارية

والصراحة القانون أحسن لك من إدارة عامة وأضمن كمستقبل ووظيفة
لأنه قسم جديد لسه ومرغوب حالياً
أما عن صعوبته وسهولته
فأتوقع يبغاله شدة حيل وتفتيح مخ
ولازم قبل كل هذا تكونين حابة القسم
وصدقيني رح تنجحين فيه لو انتي حابته

[كراميل]

انا اول مشاركة لي وحابه اسألكم
كم لازم يكون معدلك ؟؟؟ عشان تتدخلي قانون ..
انا ابغي احول من كلية لكلية وابغي اتخصص قانون فكم لازم يكون المعدل ..

[الريم اللعوب]

مشكووووووره قلبي Miss على مرورك واتمنى لك التوفيق

[الريم اللعوب]

اما بالنسبه للقانون كتخصص انا من اول ابغى اتخصصه رغم اني عارفه اني محااجيب المعدل المطلوب لكن الحمدلله على كل حال وانا الحين قسم اداره عامه وانا اخذت مادة مبادى قانون وقالتلنا استاذتنا ان يمديكم تحولوا اذا جبتوا عندي درجه كويسه الى تخصص قانون وانا كنت مرره متردده احول ولا بس سمعت البنات يطلعون من الاختبار وكلهم تعبانين منه وكمان صاحباتي الي انا اعرفهم قالوا بيحولوا من هالتخصص صح انا معاك بانه القانون كتخصص له مستقبل مرررره حلو بس شوفي الان انا الحمدلله مرتاحه في قسم الاداره العامه هذا الي حبيت اوصله لك والي اعرفه والله يوفقك ان شاء الله

[حيـاة الروح]

صبـآح الــورد..

أخياركم.؟

ياحلوين من أخذت هالسمستـر تحليل كمـــي ..؟؟

[الهوى والنور]

انا
اخذته مع سلو صابر وانتبهي لا تاخذي عندها

[حيـاة الروح]

انتي درستيه الظاهر خلاص

انا اقصد من نزلت اللحين بجدولها هالمادهـ..؟