الاستفسارات الخاصة بالتقديم للدراسات العليا بجامعة الملك عبدالعزيز لعام 1438

[غيم تايه]

المشاركة الأصلية كتبت بواسطة fai.f انا امس سجلت بالموقع والخميس ع حد علمي يقفل التسجيل متى حيردو عليا باني مستوفية الشروط ؟!

قريبا وتم تمديد التسجيل إلى اخر هذا الشهر .. بالتوفيق"""

المشاركة الأصلية كتبت بواسطة أم فوفي هل صحيح ان القبول في الماجستير لأي برنامج هو عشرين طالب وعشرين طالبة؟؟؟

على حسب ممكن تفائلي خير .. بالتوفيق""

[خريجة وعاطلة]

انا اكدت طلبي وهو مستوفي الشروط وكاتبين عند درجة اللغة صفر مع اني اختبرت الستيب 41 اخذت هل معناه اني ماحنقبل

[fat0om]

سؤال ليش يفتحولي التخصص .. ولمن اسجل وااكد الطلب يقولي درجه الانجليزي غير مستوفيه اخذت 44 وطالبين 49 ... لازم اغير التخصص ؟ صح
واختبارات ال ستيب مافي هذا الشهر ( محوسب )

[غلا ااالروح]

السلام عليكم
اختي لها عشر سنوات متخرجه وقدمت ماستر ومستوفية كل الشروط حتى اختبار اللغه واليوم ردو عليها غير مستوفي للشروط ايش تسوي ...

[caramillaa]

المشاركة الأصلية كتبت بواسطة خريجة وعاطلة انا اكدت طلبي وهو مستوفي الشروط وكاتبين عند درجة اللغة صفر مع اني اختبرت الستيب 41 اخذت هل معناه اني ماحنقبل

طيب يعتمد على ايش تخصصك ؟ ؟
لان بعضها كاتبين الدرجة 52 ستيب ومافيها دورة
واذا كان يقبل الدورة البديلة فعادي حتى لو ماجبتي الدرجة المطلوبة او مااختبرتي اساسا يعطونك دورة بديلة بفلوس بعد القبول النهائي إن شاء الله..
وعلى العموم الكل عنده اللغة 0% لانها شرط للقبول لبعض التخصصات بس ماتدخل في الموزون ..

[غيم تايه]

المشاركة الأصلية كتبت بواسطة غلا ااالروح السلام عليكم اختي لها عشر سنوات متخرجه وقدمت ماستر ومستوفية كل الشروط حتى اختبار اللغه واليوم ردو عليها غير مستوفي للشروط ايش تسوي ...

وعليكم السلام ورحمة الله وبركاته

ما ذكروا السبب في عدم استيفاء الشروط؟! .. اختك قدمت في اي تخصص؟! ..

[rawannnn]

السلام عليكم, أنا من الطائف و معدلي فوق 3.7 من أربعة بقسم الفيزياء ( درجة باكلوريوس )
حابة اسأل عن كيفية المفاضلة في القسم لأجل ادرس الماجستير؟
هل 60% معدل و 40% اختبار المفاضلة؟
أو أشياء أخرى ..؟
كذلك طالبين اختبار اللغة و اختبار قدرات الجامعيين ( كمتطلبات لا غير صح؟ )
اقصد انه ما يفاضلون على اساسها
*صراحة تلخبطت لأن موقع الجامعة يقول شيء و هنا الناس تقول شيء ثاني
الله يسعدكم أفديوني ^-^ فيه أمل ادرس ماجستير؟ مع العلم أن درجاتي في القدرات
الجامعية و اختبار اللغة ( الكفايات ) عالية *فوق التسعين* فيه أمل؟

[caramillaa]

وعليكم السلام ..
بالنسبة لماجستير الفيزياء هذي السنة
ياخذون 50% معدل و 40%قدرات جامعيين و 10% مدى قرب تخصص المتقدم من تخصص البرنامج
ودرجة القدرات ماتقل عن 65
وستيب 52 يعادل 400 توفل (مع انها ماتدخل في الموزون بس شرط للقبول)
ومن ناحية الأمل إن شاء الله ربي يسرها ..

[rawannnn]

المشاركة الأصلية كتبت بواسطة caramillaa وعليكم السلام .. بالنسبة لماجستير الفيزياء هذي السنة ياخذون 50% معدل و 40%قدرات جامعيين و 10% مدى قرب تخصص المتقدم من تخصص البرنامج ودرجة القدرات ماتقل عن 65 وستيب 52 يعادل 400 توفل (مع انها ماتدخل في الموزون بس شرط للقبول) ومن ناحية الأمل إن شاء الله ربي يسرها ..

الله يبشرك بالخير أختي ^-^
لأني أشوف كثير ناس شايلين هم اختبار المفاضلة بالرغم من أنه مو من ضمن آلية المفاضلة
شكرا جزيلا الله يعطيك العافية

[caramillaa]

عفوا الله يعافيك يارب..