تجمع الطآلبآت الغير مقبولات في قسم اللغآت الأوروبية (مشآكل +إستفسآرآت +حلول)

[برتني]

رغد .. امين ياااااارب والله يجزاك كل خير ياقلبي

والله اني محبطة بقوه ..

واخاف اصر عليه الا اجي اختبر .. واختبر ولا يقبلوني والله غير يحلف مايجيبني جده ثاني

واني اجي او ما اجي الاثنين احلاهما مر ..

[رغد محمد]

وااااااااه ياقلبي ..توكلي على الله ولا تخافي أبدًا أبدًا ..خليكي قوية ..وأبدأي مذاكرة وشدي حيلك تماااااااااام ...
طيب قلبو ..نجي للجد ...إنتِ لابد أنك حاطة جميع الاحتمالات في بالك يعني مثلاً لو ما انقبلتي لاسمح الله ..لاتتحطمي أبدًا لا تتحطمي !!! بالعكس سوي إلي قالت عليه حنين ..إنك تتخصصي أي تخصص وتدرسي المواد الحرة وبعدين تحولي لغة عنجليزية ...فهمتي قلبو ..لأنك بهذه الطريقة إنتِ أعطيتي نفسك فرصة كبيـــــــــــــــــــــرة لإنك ترفعي معدلك وبقوة كمان ...يعني إنتِ مو خسرانة إن شاء الله ...ولا تخافي توكلي على الوكيل ..وراح تشوفي الخير إن شاء الله ...وراح تكوني معانا وتشرحيلنا دروس كمان وتساعدينا في الاختبارات إن شاااااااااااء الله قلبو ...وكلي أمورك على الله ...رغووووووودة ..

[ام حمدان]

المشاركة الأصلية كتبت بواسطة برتني رغد .. امين ياااااارب والله يجزاك كل خير ياقلبي والله اني محبطة بقوه .. واخاف اصر عليه الا اجي اختبر .. واختبر ولا يقبلوني والله غير يحلف مايجيبني جده ثاني واني اجي او ما اجي الاثنين احلاهما مر ..

حبيتي لاتشيلي هم
بضيف على الي قالوه لك رغوده وحنو
شي
انتوا ترى كارهين حكايه انو تدرسوا ترم بس مواد عامه وحره مع انه شي لمصلحتكم
كيف ؟
شوفي ياحلوه
لا حظت انه البنات الي يتخصصوا الترم الثاني مايشددوا عليهم القبول زي الترم الاول
والله العظيم بنات زيكم الترم الي فات معدلاتهم كانت اقل من 4 ودرجات الالكا اقل من 90
وتخصصوا بدون مشاكل وتقدروا تبحثوا في المواضيع القديمه تبع الترم الماضي وتتأكدوا بنفسكم
الي اتكلم عنهم كانوا انتساب --الانتظام ماعندي فكره عنهم
فإن شاء الله يصير معاكم انتوا نفس الشي

الشي الثاني
انه تخصصنا يبغاله شدة حيل وكثير مننا تنخسف معدلاتهم من اول ترم فالتخصص بدرجات متفاوته مع انها عاليه بس برضو الخسف عندنا شي طبيعي
فعشان كذا لمن تدخلي وانتي معدلك فوق 4 مارح تنقصي كثير اما لو دخلتي
وانتي معدلك 3 حنتقصي كثير وومكن توصلي ل2
فالمواد الحره والعامه دايماً تكون سهله لو ذاكرتيها بذمه تجيبي الامتياز بسهوله وبالتالي معدلك يرتفع وتدخلي التخصص بقلب جامد وكثير بنات يسووا كذا حتى الي انقبلوا ومعدلاتهم بين 3 و4
ومعلومه اخيره
المعدل كل ماتقدمتوا فالمستويات نسبه ارتفاعه تقل مو زي التحضيري تقدروا ترفعوه بسهوله
يعني من بعد المستوى الثالث يبدا يطلع شي بسيط حوالي 10 -20 نقط على حسب معدلاتكم

هذا الي حبيت اوضحه وسوري على الاطاله

[DAKOTA007]

الله يسعدك رغودةانتي كدا تخلي الواحد يرتاح انتي والصبايا هنا كلكم ماتقصرو بس كنت بسأل لازم الدرجات فوق 95؟؟ ودحين اذا رحت اعمل التخصص اليدوي فكلية الاداب فين اروح قصدي يعني عند مين ترا خبرتي محدودة ومشكورين ..

[حظي الزين]

بنات اي اللي نذاكره بالزبط انا حدي خايفه

[Lo_OLy]

حظي الزين

لا تخآفي ان شاء الله تعدي من الاختبار

اللي عليكي تسويه : تذاكري قرامر من كتب الانجلش اللي عندك .. تراجعيه وتاخدي فكره عنو

تقري قصه بالانجلش او مقال علشان تتعودي على reading

تكتبي براقراف عن نفسك او امك او صديقتك .. بصراحه البراقراف اتوقع يكون قريب من كدا ..

وان شاء الله يكون حظك حلوو وتتجاوزي الاختبآآر يآآآرب =)

[DAKOTA007]

محد رد عليا لازم الدرجات تكون اعلى من 95؟

[بنوتة هلالية]

طيب اللي ماتختبر ايش مصيرهاااا
والاختبااار عن ايش

[حنين الود]

بسررررررررررررررررررررررررررررررررعه إلي ماأرسلت إسمها ورقمها الجامعي ترسلوآ دحين .. على الخآص تبعي البنات ينتظروآ مني إجابه ..فيه تقريبا 4 طالبات متبرعات إنهم يسجلوآ أسمائكم معاهم ..

[DAKOTA007]

حنين بليز ردي لازم اكون فوق 95 ولا ماانقبل؟