لا تبخل علينا .. أدخل وأكتب خواطرك

[طقوس ..~]

عجب عجاب .. طيبة قلبها أبيض سحاب

أخلاقها مامثلها .. أخلاقها

أخلاقها تنتظر عشاقها

ومايجون

ياهي جريحه طيبه .. لكن قبيحه

عجب عجاب

وسيم أنيق شاب .. كسبه حلال مشروع ماجرب الجوع

ناجح مركزه مرموق

ورغم هذا الحزن ساكن عيونه

ماتت امه .. وحبيبته كانت

تــخـــونـــه

عجب عجاب كثر الفقر ماله

كلاً يبي قربه ورضاه

رغباته قوانين وزلاته صواب

الناس حوله من شمال ومن يمين

يأمر يــطــاع

الدول تحسب حسابه

والكل يخشاه ويهابه

لاكن مريض ياعذابه

ممنوع يأكل لو أكل جايز يموت

عجب عجاب

مرتاح الضمير لاسرق لاظلم لاحسد

عنده قليل أصحاب

قلبه كبير بيته صغير

والمرض عن صحته بعيد

عنده ثلاث اطفال

أحمد وايمان ويزيد وامهم

وكثر السماء يحبهم

لاكن فقير مالقاء لصوته مسامع

مايملك الا طيبته وملح المدامع

ولو مادفع مبلغ حقير

ينطرد هو والعيال وامهم في الشوارع

عجب عجاب

عبقري في الطب ملحد

عجب عجاب

شاعر عظيم داخله فارغ

عجب عجاب أمير كذاب

عجب عجاب ملايين البشر

تعبد بقر

عجب عجاب

ماتصلي فرضها وتلبس حجاب

ياصاحبي عطني يقينك والظنون

؟..من ودك تكون

[طقوس ..~]

شبيه الريح
وش باقي من الآلام
والتجريح
وش باقي من الأحلام
وش باقي من الأوهام
غير اني .. الاقي في هجيرك فيّ
الاقي في ظلامك ضيّ
واوقد شمعتي في الريح
شبيه الريح
اذا تسمح بغيب شوي
ابجمع همي الباقي
وادفن صبري الذابل في أوراقي
و برجع لك اذا باقي بنفسك شي

شبيه الريح
أنا مقدر أكدر صفوك العاصف
شبيه الريح
أنا من لي سوى إحساسك الجارف
بقايا زيف أشواقي
سما أمطار أحداقي
شبيه الريح وش باقي
ابي أعرف
متى تسكن رياحك
وابي أعرف
غرورك هو متى يطلق سراحك
وابي أعرف
متى تعصف
متى تعطف
متى تنزف جراحك
وابي أعرف
إذا باقي في بحرك موج اكسر فيه مجدافي
وابي أعرف
إذا باقي في همك هم ماشالته أكتافي
وابي أعرف
إذا باقي في هالدنيا حزن مامرني واستوطن أطرافي
وابي أعرف
إذا باقي من المعجز في هالدنيا
سوى العنقاء
والا الغول
والا خلك الوافي
بقايا زيف أشواقي
سما أمطار أحداقي
شبيه الريح وش باقي ؟!

سنيني يم
وقلبي المركب المتعب وانت الريح
مجاديفي عذاب وهم
وزادي الوجد والتبريح
وصبري صبر بحّارة
بغوا في اليم محّارة
غشاهم موج كان من الغضب أغضب
وكانوا للهلاك أقرب
لولا كثروا التسبيح
شبيه الريح
حبيبي الأصدق الأكذب
عجزت اوصل شواطي طبعك الأعذب
تعبت أنطر في وسط العاصفة
قلب وشعور وعاطفة
تعبت أجمع ألم كل الموادع
في المواني وأحضن أطيافك
تعبت السهد في ليل الشوارع
والثواني تنطر انصافك
تعبت الظلم واجحافك
شبيه الريح
أنا ودي أكدر صفوك العاصف
شبيه الريح
أنا كني نسيت إحساسك الجارف
بقايا زيف أشواقي
سما أمطار أحداقي
شبيه الريح
كيف أسألك : وش باقي ؟
وأنا الباقي من إحساسي
ذرته الريح

[طقوس ..~]

مما راق لى

من اشعار الامير : عبد الرحمن بن مساعد

:::::::::::::::::::::::


الاخ الفجر البعيد على قولتك سوء تفاهم

روح مسامح دنيا واخره
::::::::::::::

لا جد احلى شى تكتبون كم بيت وتهرجون تعوضون الحرمان خخخخخخخخخخخخخخخخخخخخخ

[kaloody-007]

وابي أعرف
متى تعصف
متى تعطف
متى تنزف جراحك


اهداااء للجامعه هههههههههههههههههه

يسلمو خوخاااااا

[كفاني عذاب]

خوخــا

الامير عبد الرحمن بن مساعد شاعر بمعنى الكلمه وهو غني عن التعريف :)

وما شاء الله كتاباته جدا جدا حلووهـ

وإلقائه روعــه ^_^


تفضلوا ..



تبي الصراحه .. وش تبي بالصراحه ؟؟

أكذب عليك لا قلت "عايش بخير"

الحلم يكبر والصغر بالمساحه

وما للوفاء عند المعازيب تقدير

قلبي من ضلوعي تشيله جراحه

وش حيلة ابن ادم بوجه المقادير ؟؟

لا جيتني صدري يزيد انشراحه

وغيرك بدنياي نقص ومخاسير

في ذمتي ماغيرك ارجي سماحه

قول أشتبي مني ؟؟ واقول ابشر ويصير

من شاف بعيونك مساه وصباحه

عز الله انه ما رجاء شوفة الغير

أن‎ ‎قلت راحه ؟؟ ماورى الناس راحه

بس انت وافي وما يجي منك تقصير

طير السعد بيديك أجبر جناحه

السالفه ما عاد فيها معاذير

لاجابوا "أسمي" كلً اطلق ارماحه

ما كنهم قبل امس عندي مسايير

أبسط مثال أليا بغيت الصراحه

أقول طيب بس انا ماني بخير



^__^

[القمر جانا]

خوخااا يعيني على القصايد هذي مرررره تجنن ...كفاني عذاب القصيده جنااااااااان ..

[القمر جانا]

وينه الفجر البعيد ؟؟ ما شفت قصايده ولا ردوده ..

[القمر جانا]

تسلم يا الفجر ! ماتقصر ما يحتاج تسوي اقتباس ... المهم ها وين ردك على القصيده هذيك؟؟

[kaloody-007]

صمت الشفايف


أنا خايف يستمر صمت الشفايف
أنا أحبَّك .. كِلمه ناطرها وأبيها
بأي صوره .. بأي معنى إرسميها
ارسميها نظره بعيونك تطوف
ارسميها كِلمه في معنى الحُروف
ترجم الإحساس كِلمه .. ترجم الأشواق بسمه
أنا خايف يستمر صمت الشفايف
* * * * * *
لاعلامه .. لاوهم .. لا إبتسامه أو ألم
لاملامِح فيها خوف .. لامشاعر تِنفهم
ماني قادر ألقى بعيونك تعابير
ماني قادر ألقى في صمتك تفاسير
أنا خايف يستمر صمت الشفايف
* * * * * *
ودَّي أفهم لى مِتى الحيره عنيده
لى مِتى أصبر وتِجرحني الظَّنون
ودَّي أفهم لى مِتى عنَّي بعيده
وإنتِ أقرب مِن رموشي لِلجفون
ودَّي أعرف أنا بالنِّسبه لك أنتِ مِن أكون

كلمات / عبد الأمير عيسى


اللي تحته خط تعبر عن حالتي مع الجامعه

[*~M!sS Mfa76a]

المشاركة الأصلية كتبت بواسطة kaloody-007 صمت الشفايف أنا خايف يستمر صمت الشفايف أنا أحبَّك .. كِلمه ناطرها وأبيها بأي صوره .. بأي معنى إرسميها ارسميها نظره بعيونك تطوف ارسميها كِلمه في معنى الحُروف ترجم الإحساس كِلمه .. ترجم الأشواق بسمه أنا خايف يستمر صمت الشفايف * * * * * * لاعلامه .. لاوهم .. لا إبتسامه أو ألم لاملامِح فيها خوف .. لامشاعر تِنفهم ماني قادر ألقى بعيونك تعابير ماني قادر ألقى في صمتك تفاسير أنا خايف يستمر صمت الشفايف * * * * * * ودَّي أفهم لى مِتى الحيره عنيده لى مِتى أصبر وتِجرحني الظَّنون ودَّي أفهم لى مِتى عنَّي بعيده وإنتِ أقرب مِن رموشي لِلجفون ودَّي أعرف أنا بالنِّسبه لك أنتِ مِن أكون كلمات / عبد الأمير عيسى اللي تحته خط تعبر عن حالتي مع الجامعه

تسلمـ أخوي عالقصيده الروعه
واذ على الكلآمـ اللي تحت الخط

هذا حآلنآ كلنآ هنآ ^^

بس الحمدلله اننآ تعرفنآ على نآس طيبين و قلوبهمـ بيضه و يخلونك ترتآح
<<<< أحسن شيء صآر لي في الجآمعه ^_^..

لآ عدمنآ جديدك اخوي =)