الأسئلة والاستفسارات عن كلية طب الأسنان ..

[anoar0000]

هل مادة المصطلحات الطبية ندرسها في سنة ثانية ؟؟

[مَـزٍآج ..}..]

معليش عندي سؤال امكن تكون اجابتو معروفة عند الكل دحين عدد الطلاب ف دفعة ٠١١ امكن ٧٠ بالكتير يعني كلنا هنكون ف كلاس واحد ولا نتقسم كزا كلاس

يب كلآس وإأحد بس ما اتوقع توصلوا سبعيـن طالب ..

والكلآس كبير ويشيل العدد دآ . . بس ممكن بعض اللآبآت تتقسموا قروبيـن . .

السلام عليكم ,, انا لمن دخلت الاودوس مكتوب التخصص: طب اسنان (خطة جديدة ) والتعريف :مثبت بعد السنة التحضيريه . اش يعني مثبت بعد السنة التحضيريه ؟!

كلنا كدآ . . بس انا الي فهمتو انكـ خلاص تم تثبيت تسكينكـ في كليه طب الآسنان

لوسمحتو ابغا أسأل،، طب الأسنان يتعاملو معاملة الطب البشري في بدل السكن! وانو ينزلهم راتب سنة سادسة؟

الطبيب البشري وطبيب الاسنان العام

لهم نفس المسمى الوظيفي في السلم الوظيفي . .

والرإأتب ما ينزل سنه سآدس . . ينزل في سنه الأمتيآز يعني السنه السآبعه . .

هل مادة المصطلحات الطبية ندرسها في سنة ثانية ؟؟

لآ الماده دي مو من ضمن الخطه في سنه ثآنيه . .

[Glamor Mada]

يالله يا مزاج .. كتبت رد طويل عريض على اسئلتهم وجيت حطيت معاينة لقيتك سبقتني ورديت ههههههه يالله مو مشكله كثر خيرك ^^
بس بالنسبة لمادة المصطلحات الطبيه .. احنا كلمنا دكتوره هبه في بداية السنه انه احنا نحتاج هالماده زي طلاب التخصصات الثانيه وقالتلنا انه المفروض تاخذوها زيهم بس ما كان في وقت يكفي لما كلمناها لاننا جيناها بعد اسبوعين .. وقالتلنا انه هيحاولو ينسقو مع دكاترة البشري ويحطوها للدفعه الجديده دفعه 11 .. إن شاء الله يكون من جد لانه بصراحه ماده مهمه وما هتاخذ وقت اكتر من اسبوعين او 3 بالكثير ..
ولو ما حصل وداومتو اول يوم وما كانت من ضمن الجدول روحو كلمة دكتوره هبه اكيد هتساعدكم

[PuRpLe_BoXeR]

ربي يعطيكم العافية على كل شي تعملوه
يعني منجد حتى و انتو مالكم مصلحة لدفعتنا لاكن بتعملولنا ونحنا ما بنعمل شي
لاكن منجد مرة شكرا على كل شي ومردودة ف افراحكم بازن الرحمن

[PuRpLe_BoXeR]

معليش نسيت اكتب سؤالي فوق و اتحملوني شويتين
دحينا لازم من اول يوم نداوم بالاب كوت و السكرب
ولا نداوم عادي بالجنزات
طبعا عشان لا يشوتنا عم سالم ههههه

[Glamor Mada]

لو تبى تداوم السنه كلها بجينز عادي بكيفك محد هيقولك لا .. بس السكرب اريحلك طبعا
لكن لا تنسى اهم شي وقت العملي تلبس اللاب كوت عشان لا تنشات من المعمل .. يعني اعمل زينا دايما سيب اللاب كوت بالسياره عشان ما تنساه في البيت وتتورط

[ABU-BAKER]

السلام عليكم ورحمة الله وبركاته ...
احتاج احد يساعدني انا جبت في الموازنه العلميه (79) وانا حلمي ادخل طب الآسنان ..
هل يا ترى استطيع الدخول هل له سنه تحضيريه خااصه ..؟

اعتذر عن الآطاله ..
شكراً ...

[hadeel a]

معلي حاسأل سؤالين جاوبتو عليها كم مره بس و الله مني فاهمة و متلخبطة
سؤالي عن المصطلحات الطبية يعني أنا أدور مكان في الدورة و أروح و لا المادة حناخدها السنة الجاية و لا أحفظ الأشياء اللي نزلتها DR.nanookبنفسي فالبيت و لا في دورة تعملها الجامعة ؟
و سؤالي التاني عن الدورة حقت يوم السبت يعني اللي راحوها السنة اللي فاتت ينصحونا نروحها و لا لا ؟
و مررره شكرا أنكم بتجاوبو على أسألتنا ما تتخيلو قد أي بتفيدونا يعطيكم العافية

[Glamor Mada]

المشاركة الأصلية كتبت بواسطة ABU-BAKER السلام عليكم ورحمة الله وبركاته ... احتاج احد يساعدني انا جبت في الموازنه العلميه (79) وانا حلمي ادخل طب الآسنان .. هل يا ترى استطيع الدخول هل له سنه تحضيريه خااصه ..؟ اعتذر عن الآطاله .. شكراً ...

وعليكم السلام ..
امممم ما فهمت ايش تقصد بالموازنة العلمية ! اذا كنت تقصد نستك الخاصه فا اعتقد انه نسبة 79 تعتبر قليله وصعبة تدخلك الكليه .. سوري
تقدر تعيد السنه التحضيريه من جديد وتجيب نسبه احلى إن شاء الله او انك تدرس في تخصص طبي وتحول للاسنان
بالتوفيق لك :)

المشاركة الأصلية كتبت بواسطة hadeel a معلي حاسأل سؤالين جاوبتو عليها كم مره بس و الله مني فاهمة و متلخبطة سؤالي عن المصطلحات الطبية يعني أنا أدور مكان في الدورة و أروح و لا المادة حناخدها السنة الجاية و لا أحفظ الأشياء اللي نزلتها DR.nanookبنفسي فالبيت و لا في دورة تعملها الجامعة ؟ و سؤالي التاني عن الدورة حقت يوم السبت يعني اللي راحوها السنة اللي فاتت ينصحونا نروحها و لا لا ؟ و مررره شكرا أنكم بتجاوبو على أسألتنا ما تتخيلو قد أي بتفيدونا يعطيكم العافية

ليه حاسكم خايفين من المصطلحات الطبيه ؟؟ اتطمنو صدقوني ما حتكون عقبه فطريقكم لو ما عرفتوها قبل بداية الدراسة .. لكن لو اخذتو عنها خلفيه هيكون احسن بس مو ضروري تشغلو بالكم فيها
شوفي انا لما خلصت التحضيريه واتسكنت في الكلية كانت في دورتين .. دوره خاصه بالمصطلحات الطبيه عملتها الجامعه بس انا ماقدرت احضرها لاني كنت مسافر لكن هيا كانت خاصه (بالمصطلحات الطبيه فقط ) ..
وكانت في دوره ثانيه عملوها طلاب البشري دفعة 09.. اللي هتكون لكم يوم السبت وهاذي انا حضرتها وكانت الدوره لمدة 5 ايام لكن ما كانت خاصه بالمصطلحات الطبيه .. يعني كانت دورة تعريفيه لكلية الطب البشري واعطونا بعض النصايح وخلفية عن كل ماده اللي منها مادة المصطلحات (مادة لطلاب البشري )وكيف نتعامل مع المواد والصعوبات ووو يعني نصايح عموما .. بس هيا كانت موجهه لطلاب البشري يعني اللي ممكن تستفيدي منو هيا بعض المواد المشتركه بيننا وبصراحه يعني مو مره مهمه .. لانه حيعطوكي مقدمه وبعض المعلومات عن ماده بخلال كم ساعه فقط والماده حتدرسيها خلال سنه كامله ! بس لو كنتي فاضيه ومتحمسه فا سجلي فيها .. حتستفيدي شويا ومنها تتعرفي على زميلاتك .. ولا تشيلي هم المصطلحات ترا والله اغلب دفعتنا دخلو الكليه وهما ما يعرفو ولا كلمه طبيه لكن مع التعود خلاص عرفناها كلها ..
مافي ماده بالجدول اسمها مصطلحات طبيه .. بس حاولو تكلمو دكتوره هبه من اول يوم انكم تاخذو الماده زي طلاب البشري او تاخذوها ولو حتا باسبوع واحد عشان ما تلخبطو المواد الثانيه..
والملف اللي حطتو دكتوره نانوك الله يعطيها العافيه .. ملف مرتب وفيلو تقريبا اهم الاشياء اللي هتدرسوها .. لكن انا اشوف انه صعب تذاكرو شي انتو لسه ما اخذتوه وما عندكم خلفيه عنو يعني المعلومه ما هتثبت في دماغكم يعني مثلا لما تقرأي معنى كلمه مثلا اممممم Cerebro .. هتلاقي الشرح للكلمة مكتوب cerebral cortex .. grey matter فا ما هتفهمي الشرح الا لو الدكتوره بتفهمك معناها لانه حتا الشرح يبغالو شرح كطلاب ماعندهم اي خلفيه طبيه ^^"
بس انتي حملي الملف وحاولي تفهمي منو اللي تقدري عليه وعاد إن شاء الله بعد كم شهر لما تبدا الدراسه تكوني فاكره شويا منها :P
سوري رغيت كثييير >_< بس انا كذا ماعرف اوصل اللي ابغاه بكلام قليل هههههه

[hadeel a]

المشاركة الأصلية كتبت بواسطة glamor mada ليه حاسكم خايفين من المصطلحات الطبيه ؟؟ اتطمنو صدقوني ما حتكون عقبه فطريقكم لو ما عرفتوها قبل بداية الدراسة .. لكن لو اخذتو عنها خلفيه هيكون احسن بس مو ضروري تشغلو بالكم فيها شوفي انا لما خلصت التحضيريه واتسكنت في الكلية كانت في دورتين .. دوره خاصه بالمصطلحات الطبيه عملتها الجامعه بس انا ماقدرت احضرها لاني كنت مسافر لكن هيا كانت خاصه (بالمصطلحات الطبيه فقط ) .. وكانت في دوره ثانيه عملوها طلاب البشري دفعة 09.. اللي هتكون لكم يوم السبت وهاذي انا حضرتها وكانت الدوره لمدة 5 ايام لكن ما كانت خاصه بالمصطلحات الطبيه .. يعني كانت دورة تعريفيه لكلية الطب البشري واعطونا بعض النصايح وخلفية عن كل ماده اللي منها مادة المصطلحات (مادة لطلاب البشري )وكيف نتعامل مع المواد والصعوبات ووو يعني نصايح عموما .. بس هيا كانت موجهه لطلاب البشري يعني اللي ممكن تستفيدي منو هيا بعض المواد المشتركه بيننا وبصراحه يعني مو مره مهمه .. لانه حيعطوكي مقدمه وبعض المعلومات عن ماده بخلال كم ساعه فقط والماده حتدرسيها خلال سنه كامله ! بس لو كنتي فاضيه ومتحمسه فا سجلي فيها .. حتستفيدي شويا ومنها تتعرفي على زميلاتك .. ولا تشيلي هم المصطلحات ترا والله اغلب دفعتنا دخلو الكليه وهما ما يعرفو ولا كلمه طبيه لكن مع التعود خلاص عرفناها كلها .. مافي ماده بالجدول اسمها مصطلحات طبيه .. بس حاولو تكلمو دكتوره هبه من اول يوم انكم تاخذو الماده زي طلاب البشري او تاخذوها ولو حتا باسبوع واحد عشان ما تلخبطو المواد الثانيه.. والملف اللي حطتو دكتوره نانوك الله يعطيها العافيه .. ملف مرتب وفيلو تقريبا اهم الاشياء اللي هتدرسوها .. لكن انا اشوف انه صعب تذاكرو شي انتو لسه ما اخذتوه وما عندكم خلفيه عنو يعني المعلومه ما هتثبت في دماغكم يعني مثلا لما تقرأي معنى كلمه مثلا اممممم cerebro .. هتلاقي الشرح للكلمة مكتوب cerebral cortex .. Grey matter فا ما هتفهمي الشرح الا لو الدكتوره بتفهمك معناها لانه حتا الشرح يبغالو شرح كطلاب ماعندهم اي خلفيه طبيه ^^" بس انتي حملي الملف وحاولي تفهمي منو اللي تقدري عليه وعاد إن شاء الله بعد كم شهر لما تبدا الدراسه تكوني فاكره شويا منها :p سوري رغيت كثييير >_< بس انا كذا ماعرف اوصل اللي ابغاه بكلام قليل هههههه

مرره شكرا يعطيك العافية ..
و الله أنا اللي اسفة عشان خليتك تكتب كلام كتير ..
و شكرا لك مرره تانية وصلت المعلومة ..