تجمع للمعيدات ،،،، ولكل من تطمح ان تكون معيده ،،

[لولــــــــــــو]

لا ما حددوا اي قسم فبسرعة الحقوا التقديم

[saronh]

المشاركة الأصلية كتبت بواسطة صاحبة الوفاء والاحساس فديتكم يارب وتسلموا كثير وعقبالكم يارب ياsmile flower و يالولو يعني مااجل عادي اقدر اخلي الماستر بيومين والتدريس بيومين منفصلين وامشي بإذن الله ويااخت لولو بالنسبة للمواصلات انا والدي فاضي الصباح وعنده جمس سوبرمان ملكي وراح اخليه يواديني ويجيبني وراح اخذ كم بنت معانا للي ماعندهم مواصلات من جدة لرابغ والكل يدفع وانا معاكم راح ادفع كراتب شهري له فإذا اختك حابه تكون معايا الله يحيها نتسلى بالطريق ونحدد انا واختك السعر المناسب

حتى انا نفس الشئ لكن بعد المباشرة يتضح الامر
لكن الماجستير اعرف انه يومين في الاسبوع
وبالتوفيق للجميع

[smile flower]

المشاركة الأصلية كتبت بواسطة لولــــــــــــو بنات على فكرة في تقديم بكلية التربية بجدة بدأمن 12/8 وبينتهي 1/9 برمضان تقديم معيدين ومعيدات وما حددوا اي قسم .

معليش حنزعجك يا لولو
يعني نروح نقدم في فرع الفيصيلة عند سكرتيرات الاقسام؟

[never hide]

المشاركة الأصلية كتبت بواسطة smile flower معليش حنزعجك يا لولو يعني نروح نقدم في فرع الفيصيلة عند سكرتيرات الاقسام؟

نفس السؤال ...

و ياريت تقولي لنا كيف عرفتي لاني ماشفت اعلان نزل؟


اتذكر رحت لهم قبل 5 شهور و مارضو ياخدو اوراقي بحجه انو ما نزل اعلان

و لو انتي رحتي قولي لنا مكان التقديم بالضبط و لكي دعوة يا عسل

[صاحبة الوفاء والاحساس]

يالولو خلي الموضوع على نهاية رمضان أو اول اسبوع بالمباشرة
لانه لازم ارتب نفسي بين المعيدة والماجستير واحد بجدة وواحد برابغ
ونحاول نخلي جدولنا انا واختك بنفس الايام عشان نطلع سواء
وكيف اتواصل معاكي ترى موعارفه

[صاحبة الوفاء والاحساس]

سؤال لأخت لولو وللأختsaronh
هل سلمتوا ورقة قبولكم في الماستر لجامعة رابغ وخبرتوهم انه عندكم ماستر
ولا عادي حتقدموها لهم وقت المباشرة
لانه انا من فرحتي ماخبرتهم انه عندي ماستر

[دلوعه غير]

المشاركة الأصلية كتبت بواسطة لولــــــــــــو بنات على فكرة في تقديم بكلية التربية بجدة بدأمن 12/8 وبينتهي 1/9 برمضان تقديم معيدين ومعيدات وما حددوا اي قسم .

يعني نودي اوراقنا لفرع الفيصلية؟

[saronh]

المشاركة الأصلية كتبت بواسطة صاحبة الوفاء والاحساس سؤال لأخت لولو وللأختsaronh هل سلمتوا ورقة قبولكم في الماستر لجامعة رابغ وخبرتوهم انه عندكم ماستر ولا عادي حتقدموها لهم وقت المباشرة لانه انا من فرحتي ماخبرتهم انه عندي ماستر

لا طبعا بعد المباشرة
لان العمادة ما يعطو ايفادة بالقبول الابعد المباشرة
انا قلت لهم في المقابلة فقط

[لولــــــــــــو]

بالنسبه للأخوات الحلوين الي يسألوا عن خبر تقديم المعيدات فأنا قرأته بالصدفة وتلاقو الخبر في اخبار او إعلانات جامعة الملك عبد العزيز ..والخبر ما فيه اي رابط ولا الاقسام المطلوب ..كل الي مكتوب انهم بحاجة معيدات بكلية التربية بشمال جدة والا يكون قد مضى على تخرجها اكتر من 5 سنوات وطبعا لغة وما يثبت إستخدامها للحاسب الالي ..
طبعاً الية التقديم عند رؤساء الاقسام بكلية الفيصلية الي قدام مستشفى عرفان اختي راحت اليوم ..

بالنسبة لصاحبة الوفاء والإحساس ..اتمنى تدخلي الساعه 3 بالليل وراح اكون منتظرتك هنا في هذا التجمع طيب لان بالمرة ترتبو جداولكم سوا بين جدة ورابغ ..طيب ولا انت ايش رايك ..انتظرك الساعة 3 في الليل اليوم .

وكــــــــــــــــــــــــل عام وانتم من الله اقرب

[لولــــــــــــو]

والله يوفق الجميع ...وسألوا يابنات في كلية تربية بشمال جدة ؟؟