بدء التسجيل في برامج البكالوريوس انتظام

[nsetk]

المشاركة الأصلية كتبت بواسطة محمد الدوسي اخت nsetk اعاني نفس المشكلة لااخوي لكن اللي بسوية با انتظر حتى يوم 8/12 وباشوف ارفقوا درجات التحصيلي في النظام واذا ما ارفقت حطيت اي درجة واحفظ لاان اخر يوم هوا 8/15

انا برضو فكرت كدا بس قلت لو ااكدت الطلب وبعدها نزلت الدرجه
يعدلوها ولا لا ؟

[nsetk]

المشاركة الأصلية كتبت بواسطة l.a.m.a السنة اللي فاتت نزلت درجاتنا التحصيلي قبل مايقفل التسجيل في الجامعة يعني الوضع طبيعي :")

اي ادري بس المشكله السنة ذي اختبرو متاخر ومركز قياس لكيع تتلطعي على الاقل اسبوعين حتى تنزل الدرجه
وخايفه ااكدلها الطلب وبعدو تنزل الدرجه وتجي على راسي

[nsetk]

الله يسهلها والله قلق مره مافي هرجة واضحه يازين ام القرى من بدري كاتبين هما يسحبو الدرجات وريحو بالنا

بكره صحبتي بتروح العماده وبتسال وان شالله خير

[مديرة اعمال]

طيب انا ارفقت الشهادة الثانوية ولما ارفقتها راح المعدل التراكمي انتو كيذا ولا كيف ؟ وبعدين اسمي بالانقلش يجي معكوس ؟؟

[nsetk]

^^
اسمك جربي تعدليه
والمعدل ارسلي لهم من خانة استفسارات

[قمممر]

ي جممماعة إيش هرجة الصفحة الرابعة ؟؟
حقت إضافة المرفقات !!


بليززز أنقذووووووني

[قمممر]

الصور ذي كيف يبغونها ؟؟
وصورة الهوية كيف أصورها ؟ سكانر !!!

فهموني الهرجة !

[math-969]

السلام عليكم ورحمة الله وبركاته
انا جالسه باسجل اخويه وعندي استفسار
لما اسجل بيانات القدرات تطلع لي ثلاث خانات ماعرفت ايش اسجل فيها
-أعلى درجة قدرات حصل عليها الطالب (ايش اسجل فيها؟)
-أعلى درجة قدرات مسجلة بالقياس (مسجلة من الموقع ومااقدر اغيرها بس الدرجة اللي مسجله مو اعلى درجة حصل عليها يعني هو اختبر اكثر من مرة , مرة جاب 80 ومرة جاب 71 بس اللي حسبوها 71 )
-معدل موزونة أدبي ( ماهو المقصود يعني اش اكتب في هذي الخانة؟)
اعذروني ع الاطالة
ومشكورين مقدما

[nour al3mr]

المشاركة الأصلية كتبت بواسطة قمممر ي جممماعة إيش هرجة الصفحة الرابعة ؟؟ حقت إضافة المرفقات !! بليززز أنقذووووووني

المشاركة الأصلية كتبت بواسطة قمممر الصور ذي كيف يبغونها ؟؟ وصورة الهوية كيف أصورها ؟ سكانر !!! فهموني الهرجة !

ترفقي لهم الصور اللي طالبينها سواء هوية أو شهادة أو صورة شخصية
عن طريق السكـآنــــر أو تصوريها بجوال بشكل وآضح و تصغري حجمها ببرنامج الرسام أو الفوتوشوب و تدرجيها بالمرفقات

المشاركة الأصلية كتبت بواسطة math-969 السلام عليكم ورحمة الله وبركاته انا جالسه باسجل اخويه وعندي استفسار لما اسجل بيانات القدرات تطلع لي ثلاث خانات ماعرفت ايش اسجل فيها -أعلى درجة قدرات حصل عليها الطالب (ايش اسجل فيها؟) -أعلى درجة قدرات مسجلة بالقياس (مسجلة من الموقع ومااقدر اغيرها بس الدرجة اللي مسجله مو اعلى درجة حصل عليها يعني هو اختبر اكثر من مرة , مرة جاب 80 ومرة جاب 71 بس اللي حسبوها 71 ) -معدل موزونة أدبي ( ماهو المقصود يعني اش اكتب في هذي الخانة؟) اعذروني ع الاطالة ومشكورين مقدما

و عليكم السلام و رحمة الله و بركـآته
أكتبي في الخانة الأولى الدرجة العالية اللي أخذها من بين الاختبارات
لحسـآب موونة الطلاب أدبي [ 70 ثآنوية - 30 قُــدرات ]
لحساب موزونة الطُـلآب العلمي [ 50 ثانوية - 30 قدرات - 20 تحصيلي ]

[ward alorked]

طيب انا يوم التقديم اقولهم ابغا كلية اعلام ولا هي قسم من اقسام كليه تانيه مثلا ايش الكليه التابعه لها كلية الاعلام