يابنات هنا تعالوا اسألوا عن الاستاذات تفضلوووووا (واللي عندها خبرة تدخل تجاوب)

[.,.نيــــــــــــــــــــران.,.]

^
^

مدري ليه أحس كلامك غير كل اللي قرأته عن ذول الاستاذات
سبحان الله !

:)

[مره حلوه]

بنااااااااات كيف ماده ماليه دوليه حلوه زي ماليه شركات واستثمار ولالأ؟؟

[مره حلوه]

والله انك صداقه يانيرااااااااان كلامها مره غريب يمكن هي تفهم معاهم ماتدرين

[سيدة الدنيا]

مرحبااااا كيف الجميع إن شاء الله بخيير

اهلين اختي عسسسسل

انا كماان ابغى اسال عن نفس المواد

اذا احد يعرف شي ممكن يفيدنا

خصوصا انه اسماء الاستاذات ما نزلت

وبالتوفيق للجميع ...

[.,.نيــــــــــــــــــــران.,.]

ارادة انا درست مع جيهان :
اذا ماجيتي في الوقت الله يرحمك
تقدس شي اسمه حضور
تعالي قبل الوقت
وفسخي العباية أهم شي عندها في الحياة

اسئلتها سهلة ولو ان بعضها يبغالها تكة تركيز
تكليف واحد رئيسي تطلبه وهو انك تكونين مع مجموعة تسوون تسويق لأي منتج تجاري
مع بعض الواجبات الخفيفة اللي تغشينها من الكتاب >> :)

خذيها افضل من نعيمة بوقري هذي ولا احد شفته مدحتها

جيهان أهون وان شاء الله سهالة المادة معاها بس في بنات مايحبونها

الله يوفقك

[مره حلوه]

المشاركة الأصلية كتبت بواسطة الفراشه2008 أهلين بأحلى صبايا حابه أسألكم عن أفضل الاستاذات لهذه المواد والي عندها اي فكرة ياريت تفيدني وربي ينولها الي في بالها يا رب.. مادة بحوث عمليات مادة ادارة استراتيجية مادة ادارة اعمال دولية مادة اختياري مادة حره والاختياري والحره اش هي افضل المواد والاستاذات فيها.. وجزاكم الله الف خير..

شوفي يااختي انا اخذت ماده اداره اعمال دوليه مع فاطمه جاد الله اسئلتها حلوه وماتهتم بالغياب كثير والواجبات انك تحطي اسئله لكل فصل انا اخذت معها b+

لاني مااحل الواجبات

[.,.نيــــــــــــــــــــران.,.]

المشاركة الأصلية كتبت بواسطة rose-jeddah السلام عليكم صبايا ان شاء الله الترم الجاي حاكون انتظام وابغى خبرتكم ما اعرف شي انا قريت كل الصفحات وباختار الاستاذات على حسب نصيحتكم وانا قسم موارد بشرية بس نفسي احول نظم معلومات إدارية وابغى 6 مواد اخترت 5 ومو عارفه ايش اضيف كمان اداراة عمليات ( خديجه ضباب ) >> يمشي حالها صح وخطأ واختياري فقط ، بس تهرج كثير ، عموما هي طيبة وتمشي معاها المادة سلوك انساني ( سحر امين ) >> اذا في سمر عناني خذي معاها اذا مافي خذي مع سحر أمين كثير يمدحونها مالية شركات ( نسمة حشمت ) >> لو في سحر مهران خذي معاها احسن نظم معلومات ( سحر امين او ريم مشاط ) ( كيف تعرفوا من هي عضو هيئة التدريس ولا هما ثابتين ما يتغيروا ) >> خذي مع سحر أمين "مدحوها لي" تسويق دولي ( نجاح سلامه ) مادة اختيارية اخترتها بس عشان الاستاذه كيف المادة سهلة ولا صعبة >> ماادري والله كنت ابغى موارد بشرية بس شكله الاستاذة محد مدحها >> لا تاخذين مع بثينة أجلي المادة للترم الجاي " ماجربتها بس خبرة مع الاسئلة اللي اسألها البنات" كيف موادي ؟؟؟؟؟؟؟؟؟؟ اغير شي انا اهم شي عندي الاستاذة تكون طيبة وماتظلم البنات والاسئلة تكون من المنهج جذور الغلا استنى ردك

موادك حلوة ان شاء الله

[.,.نيــــــــــــــــــــران.,.]

المشاركة الأصلية كتبت بواسطة مره حلوه بنااااااااات كيف ماده ماليه دوليه حلوه زي ماليه شركات واستثمار ولالأ؟؟

أنا حاخذ المادة ذي حرة ان شاء الله
قالولي المادة تجننننن واسهل من استثمار ومالية

[..دلع..]

السلام عليكم ورحمه الله وبركاته
كيفك بنات..؟
حابه اسألكم عن موادي الي ان شاء الله ناويه انزلها بجدولي واخذ رأيكم في الاستاذات وتقولو ليا مين احط حسب خبرتكم

نقود وبنوك مدحو ليا (لمياء ششه ) اش رآيكم فيها ؟؟

محاسبه متوسطه

محاسبه تكاليف

وياريت تعطوني معلومات عن استاذات المحاسبه لانو مااعرف غير استاذه ريم صقر وساره بكره ورغداء الرملي

ماليه شركات << (مدحو ليا نسمه حشمت)(وفيه كمان خديجه حريري ) اش رايكم فيهم ومين الافضل ؟؟

وغير انو انا حنزل انجلش مستوى ثاني لانو انا متأخره


واش رايك انزل ماده حره او اختياريه ولا حيكون عليا ضغط مواد ؟؟؟


واذا فيه احد يعرف ماده حره بساعتين ياريت يقولي لانو انا ماخذه 4 ساعات حره وبقي ليا ساعتين عشان تكمل 6 ساعات


طبعا سؤالي عن اسلوب الاستاذه اهم شي تكون كويسه واختباراتها سهله ومافي تكاليف كثيره

وشاكره لكم واسفه اذا كثرت اسأله

[رهف]

السلام عليكم

اشكرك نيران فديتك

وفديت اللي ردو قبلها وحاولو يساعدوني

والله انا سمعت عن عايشه بس حبيت اشوف الاغلب وش يقولو

وبيني وبينك وجهها ما ريحني من اول