تجمع ماستر علم اجتماع

[ماجده1111]

hاخ فيصل نطريات ومنهج بحث في مكتبة اسمها الهدي بجوار مكتبه الخوارزم في حي الجامعه امام كليه الهندسه وفي نصوص اجتماعيه مترجم وسهل الحفط في مكتبه الفريد والله الموفق

[م ح ع]

مشكوره أخت نوره الله يوفقك كفيت ووفيت
بس اش رايكم بكلام الأخ انو قسم الاولاد يقولوا معانا مجتمع سعودي ومشكلات وأسس وماني عارفه ايش لانو مره مافي وقت
والأسئله من قسم الاولاد فكيف الحل ؟

[ملك روحي]

مين قال الاسئله من قسم الاولاد
الي اعرفه الاسئله من قسمنا ومالنا علاقه بقسم الاولاد

[نوره علي]

فعلا الأسئلة للطالبات هي من قسم الطالبات

الله يعينكم و يوفقكم

[فرفوووشه]

بخصوص نصوص اجتماعيه ايش هيا اهم المصطلحات اللي نزاكرها ويجيبو تعريف احنا نكتبو بالانجليزي ولا كيف؟؟؟
ولقيت ملزمه نصوص مترجمه بالعربي بدار حافظ بالجامعه مره كويسه

[ملك روحي]

انا راح اذاكر من كتاب كتبخانه
السنه الي فاتت جاتنا المصطلحات بالعربي وانتي تكتبي المصطلح والتعريف بالانقلش تقريبا صفحتين
وكمان صفحيتن ثانيه المصطلح وتعريفه بالانقلش وانتي تكتبيه بالعربي

[فرفوووشه]

المشاركة الأصلية كتبت بواسطة ملك روحي انا راح اذاكر من كتاب كتبخانه السنه الي فاتت جاتنا المصطلحات بالعربي وانتي تكتبي المصطلح والتعريف بالانقلش تقريبا صفحتين وكمان صفحيتن ثانيه المصطلح وتعريفه بالانقلش وانتي تكتبيه بالعربي

يسلمو ملك على الرد يعني اربعه صفحات كلها اسئله خاصه بنصوص
تيب لو ماعليكي امر فاكره ايش هيا المصطلحات ويعطيك العافيه وموفقه يارب

[ملك روحي]

بصراحه كانت مصطلحات معروفه وتقريبا كانت سهله
حسب الي اتذكره جانا التضامن الالي-الحراك الاجتماعي-التنشئه الاجتماعيه-المجتمع واشياء زي كذا
والله هذا الي فاكرتو بس تقريبا كلها من كتاب كتبخانه

ولازم تحطي في بالك انو السؤال وبعده تقريبا صفحه او صفحتين فاضيه للاجابه ما ابغى اخوفك بس لازم تجهزي نفسك

[ღღღبيـــاض الثــلـجღღღ]

مشكورة اخت نورة على جهوودك

واذا ماعليكي كلافة اذا فضيتي اشرحي لنا العينات ببساطة لاني ذاكرتها من كتاب نوري ومافهمتهاا مرة

وهل نحسبة في الاختبار؟؟؟ولا بس نكتب الطريقة فقط

واذا نحسبة نجيب اله حاسبة ؟؟؟

[نوره علي]

كتاب الدكتور نوري يتكلم عن العينات العشوائية و العمدية غير العشوائية

أي نوع الي ما فهمتيه ؟؟

تراني مو شاطرة في كل الأنواع :)

و لو تحتاجوا لآلة حاسبة أكيد يبلغوكم عشان تتوفر معاكم

بالتوفيق

المشاركة الأصلية كتبت بواسطة ღღღبيـــاض الثــلـجღღღ مشكورة اخت نورة على جهوودك واذا ماعليكي كلافة اذا فضيتي اشرحي لنا العينات ببساطة لاني ذاكرتها من كتاب نوري ومافهمتهاا مرة وهل نحسبة في الاختبار؟؟؟ولا بس نكتب الطريقة فقط واذا نحسبة نجيب اله حاسبة ؟؟؟