حمله تاجيل الدراسه في الجامعه

[smorh]

يا طلاب شوفو تعليق الدكتورة جواهر على مقاله الاستاذ حسن خاشقجي

[ĂŅĢėĿįČĂ]

يعني دحين خاشقجي دا محسب نفسو كدا سار واحد وطني
الله يرفع عنو ولا يبتلينا
نقلو الهرجة فيها موت وحياة وقاعد يقولنا مستقبل زاهر وكلام فاضي
من فين يجي المستقبل لو موتنا كلنا في الجامعة وسارت مقابر مو جامعة

إقتباس:
"لا والله يا ابنتي، لن أؤيد في "الوطن" قضيتكم،"
<< مو لازم ميتين عليك احنا

الله لا يحيجنا لأمثالك .. تصيد في الموية العكرة :(

وجايب اصحابو يردو عليه ويقولو برافو شاطر كلامك كويس
فلاي بس فلاي : )

[فارس الوادي]

يعطيك العافية على الموضوع
ونحن ان شاء الله راح نكون يداً بيد حتى تأجل الدراسة
لكم خالص تحياتي،،،،،،،،،،

[MeRoH]

ترى هوه ماله حكم على اي طالب قال رائيه وبكيفه يبغى ينظف الجامعه قدامه يروح يجرب الشوارع الي رايحه فيها والخوف الي يمكن بأي لحظه الله لا يقدر تروح ارواح فيها بس الي يتفلسف ويتكلم مو زي الي في المصيبه

والحمله والتأجيل ما وقفت عليه

[Alaa Al ghamdi]

المشاركة الأصلية كتبت بواسطة smorh يا طلاب شوفو تعليق الدكتورة جواهر على مقاله الاستاذ حسن خاشقجي

طبعا موقفها حلو انها مع التاجيل بس طولت الرد بخروجها عن الموضوع الاساسي
يعني دخلت في قضية المراة واعتقد انو مو محور حديث الان حرية المراة...

[عسل ورد]

طبعا ضد الرداسه هذا الاسبوع بالذات
الطرق مقفله موقع الجامعه مقفل
المباني في شطر الطالبات تشتكي الى الله
من قدمها وعدم الصيانه
وبعض المباني هناقر اتوقع انها انهدمت مع السيل اللي جا
ثاني الشي الجامعه بكبرها في منطقة خطر لانها مجري سيل
وثالثا الارصاد تتوقع بهطول امطار
مو مغامرين بحياتنا عشان خاشقجي ولا كبتخانه وشلتهم
//
ولا يقول نظفو جامعتكم خلي اللي كان السبب في التدمير يروح ينظف

[smorh]

الاستاذ جمال قال رائيه وقال عن الحمله انها مو وطنيه الله يسامحه بس احنا طلبنا فقط بضعه ايام الين الخطر يزول
(ولا تلقو بأيديكم الا التهلكه)
وهذا الشيء من حقنا لاننا في منطقه خطر وين جمعيه حقوق الانسان؟!!!

[candi]

هي صح خرجت عن الموضوع
لكن جزاها الله خير لمى وقفت معانا

[dail]

يأجلوا ....ما يأجلوا ماراح أداوم ..........!!

[smorh]

للجميع ارجو الارتقاء في الردود لو سمحتو