الأسئلة والاستفسارات عن كلية طب الأسنان ..

[مَـزٍآج ..}..]

^
^

مثل مآ قآلت الأخت بالنسبه للنسب الموزونـه ..

ومافي طب موازي للأسنان .. فقط للبشري ... !!

[طارق الحارثي]

مشكوووورين على الافادة

[N-A-20]

السلام عليكم
حابه اسال كدا سؤال,,,,,,
-كم العدد اللي قبلوه العام؟؟؟
-لو جبت النسبه العامه تمام زي المطلوب لكن الخاصه اقل شوي ,,ممكن ادخل؟؟؟؟؟؟
- ليه طب الاسنان اعلى من الطب البشري؟؟؟؟؟؟
-وكيف الدراسه في طب الاسنان من حيت المناهج والدوام((( وخاصه المتزوجين)) يعني فيه ضغط ولا عادي زي التحضيري؟؟؟؟؟؟؟
اسفه كثرت عليكم أسئله
وشكـــــــــــــــــــــــــــــــــــــراً

[شرويت]

بسم الله الرحمن الرحيم

إلى دكاترة المستقبل ارجو منكم مساعدتي في حل مشكلتي التي بدأت منذ فتره طويلة و هي كالآتي

منذ صغري و أنا أحلم أن أضع التقويم و لما كبرت وافق أهلي عليه بعد اعتراض و رفض تام .ذهبت إلى أخصائي تقويم و كشف عليّ فكانت المفاجأة قال لي بأنني أحتاج إلى أخصائي جراحة الوجه و الفكين و ذلك لأن الفك العلوي لديّ بارز إلى الأمام و يجب أن يكشف عليّ الأخصائي قبل وضع التقويم و يقرر لي العملية و نصحني بأن أذهب إلى مستشفى النور و مقابلة الدكتور و الرود السعودي و البرفسور عواض البشري و فعلاً قابلة الدكتور عواض البشري و قال لي بأنني محتاجة إلى عملية جراحة فك و هي سوف تكون بقص عظمة الفك العلوي و رجوعه إلى الخلف و قال لي قبل العملية يجب أن أضع التقويم لتسوية الأسنان و تنظيمها و بعد ذلك يتم اجراء العملية

فذهبت إلى العيادة الخاصة له و ذلك لان مواعيد مستشفى النور طويله جدا و ممله

فركبت التقويم في العيادة و بعد مرور ثلاث سنوات فحصني الدكتور مرة أخرى و قرر إجراء العملية في العيادة و لكن للأسف تكاليف العملية كانت باهظة و ظروفي صعبة لا تتحمل هذه التكاليف الباهظة

فعرض عليّ الدكتور عواض بأن أفتح ملف في مستشفى النور و إجراء العملية فيها بالمجان فذهبت مرة أخرى إلى مستشفى النور إلى عيادة جراحة الوجه و الفكين الذي يرأسه الدكتور عواض بنفسه و بعد مقابلته مع الاستشاريين قرروا إعادة التقويم مرة إخرى حيث أن النتيجة لم تكن مرضية فركبت التقويم مرة أخرى في مستشفى النور لدى الدكتور هيثم أخصائي التقويم بالمستشفى و بعد مرور سنتين ظهرت لي مشكلة جديدة ألى و هي خروج جذر الناب الأيسر مما إطّر الطبيب الأخصائي فك الاربطة و العمل على إرجاع الجذر إلى موضعه و قال لي بأن حالتي نادرة و صعبة و يبغالها بال طويل جداً و أنا مليت من المراجعات و أتمنا أن أعمل العملية و أخلص ( ياناس تعبت و طفشت من الروحة و الجية ) المهم أنا كتبت قصتي هذه لكي أسمع رأيكم يا دكاترة المستقبل و ماذا تشيرون عليّ و هل أفتح ملف في مستشفى الجامعة أو التخصصي أم أبقى في مستشفى النور

و لكم تحياتي

[مَـزٍآج ..}..]

عملت تقويم الأسنان بصفه عآمه يحتآج لها بآآآل طووووووووويل جداً ..

تصل بعض الأحيأن الاربعه .. خمس سنوإأت ..

اكيد انآ ما راح اكون احسن من الأستشآرين عشان كدآ ما راح اتكلم من الناحية الطبية ..

وعلى فكره مشكلة اللثه منتشرهـ .. وتكون بعد التقويم والعاده التقويم يطول مع المريض ..

التقويم مو بس يعدل الأسنان .. كمان اللثه .. انا انصحك تكملي في مستشفى النور

مع دكتوركـ عارف ودارس حآلتكـ .. واصبري .. ان شاء الله راح تكون النتيجه مرضيه

ولما تشوفي السمآيل الجديده راح تنسي الهم والتعب كلـه .. وانا معآك انه الموإأعيد بعض الأحيان تكون

متعبه .. لكن الصبر خصوصآ انـه حالتك مكلفه مادياً .. فكملي مع دكتوركـ :)

[مَـزٍآج ..}..]

السلام عليكم حابه اسال كدا سؤال,,,,,,

وعليكم السلامـ :) ..

-كم العدد اللي قبلوه العام؟؟؟

دفعتي 09 > انقبل تقريباً عشرين طالب وخمس ستيـن طالبة
دفعة 10 > انقبل تقريباً 45 طالب و نفس العدد تقريباً من الطالبآت

-لو جبت النسبه العامه تمام زي المطلوب لكن الخاصه اقل شوي ,,ممكن ادخل؟؟؟؟؟؟

لآ ما راح تدخلي .. لأن الشغل كله الكترونـي .. مجرد مآ تجيبي النسبه الخاصه راح تنزلي للرغبة الي بعدهـآ

- ليه طب الاسنان اعلى من الطب البشري؟؟؟؟؟؟

عشان الكرإأسي والقبول في طب الأسنان اقل من البشري ..
يعني لو تلآحظي البشري يقبلو دبل عدد الأسنان .. فتزيـد النسبه

وكمان عشان الأسنان احسن من البشري

-وكيف الدراسه في طب الاسنان من حيت المناهج والدوام((( وخاصه المتزوجين)) يعني فيه ضغط ولا عادي زي التحضيري؟؟؟؟؟؟؟

الأسنان على فكره مثل البشري من نآحية الضغط ..

ومره مره مو زي التحضيري .. انا مجرد الأثنين .. التحضيري جنب الطب بصرإأحه لعب

التحضيري انا كنت وما زلت اشوفـه سهل جداً جداً ولآ يجي 10% من صعوبه الطب ..

واظن هدآ راي الشبآب والبنات كلهم الي في الطب سواء بشري او اسنان :)

اسفه كثرت عليكم أسئله وشكـــــــــــــــــــــــــــــــــــــراً

تحت امركـ والعفو ..

[N-A-20]

تسلم ومرره شكرا

[Dr~NanoOok]

اهلا بك اختي

الحمدلله هانت وعدّى الترم الاول من السنة التحضيرية
وبقي الترم الاهم على قولتهم.. فْ شدي حيلك فيه وربي يوفقك
وإن شاء الله تكوني معانا السنة الجاية =)

واخونا مزاج الله يجزاه خير.. جاوب على تساؤلاتك
واحب اضيف عليه

بالنسبة لعدد الطالبات في دفعة 10 اللي هم سنة ثانية دحين
تقريبا 75 -80 طالبة << اكبر دفعة بنات عندنا بالكلية ماشالله

وعشانهم كبروا المعامل وزادوا عدد العيادات.. فصاروا يقبلوا اعداد اكبر
لكن زمان.. كان عدد العيادات محدود والطاقة الاستيعابية للكلية اقل
لكن دحين الحمدلله مره احسن ^_^

و بكل كليات طب الاسنان بالعالم.. دايما يكون عدد طلبة الاسنان محدود
عشان الشغل العملي اللي عندنا والمعامل
لازم نسوف الدكاترة وقت التطبيق.. وهم يشوفوا عمل كل طالبة فينا ويقيمونا
و كبر العدد يصعب الشي دا و يزيد من الوقت

غير اننا بالتأكيد احسن من البشري ومميزين
:p


بالنسبة للدوام ..
فهو يعتبر طويل لانه عندنا عيادات ومعامل ..
لكن في سنة ثانية نخرج بدري و مو ضغط مره كبير

لكن الحلو اننا بعدين ما عندنا شيفتات ليلية ولا مناوبات ليوم كامل زي الطب البشري
وهذا مره يريح الامهات والمتزوجات

وماشالله عندنا بنات كتير متزوجات و امهات كمان.. ربي يعطيهم العافية
والحمدلله ماشي الحال معاهم بشكل كويس

بالتوفيق لك

[Dr~NanoOok]

اهلين اختي

ماشالله صبرتِ وعديت مشوار طويل بالعلاج.. وإن شاء الله ما بقي غير القليل

ونظرا لحالتك و وصفك.. اشوف انه مافي تقصير او خلل من الدكتور نفسه
وخطة العلاج جدا كويسة اللي عملها معك
لكن نتايجها اللي ماكانت مرضية.. نسبة حدوثها كتير
لانه على حسب الحالة.. من تقدم الفك العلوي و سرعة تحركها وشفائها و و .....

و ظهور مشكلة تانية في جذر الاسنان.. فطوّل وقت العملية اكتر
وما نقدر نعالج شي بوجود مشكلة تانية.. عشان كده عالجلك الجذر قبل ما يكمل

انصحك تكملي معاه.. وصبرًا جميلا باذن الله
معليش اغلب عمليات الاسنان تاخد وقت .. لكن نتايجها الاروع تجي على قدر مشقتها !

ومواعيد مستشفى الجامعة تقريبا زي المستشفى اللي بتتعالجي فيه
بتاخد وقت وتطول << حال المستشقيات الحكومية

وأجر وعافية باذن الله

[N-A-20]

المشاركة الأصلية كتبت بواسطة dr~nanoook اهلا بك اختي الحمدلله هانت وعدّى الترم الاول من السنة التحضيرية وبقي الترم الاهم على قولتهم.. فْ شدي حيلك فيه وربي يوفقك وإن شاء الله تكوني معانا السنة الجاية =) واخونا مزاج الله يجزاه خير.. جاوب على تساؤلاتك واحب اضيف عليه بالنسبة لعدد الطالبات في دفعة 10 اللي هم سنة ثانية دحين تقريبا 75 -80 طالبة << اكبر دفعة بنات عندنا بالكلية ماشالله وعشانهم كبروا المعامل وزادوا عدد العيادات.. فصاروا يقبلوا اعداد اكبر لكن زمان.. كان عدد العيادات محدود والطاقة الاستيعابية للكلية اقل لكن دحين الحمدلله مره احسن ^_^ و بكل كليات طب الاسنان بالعالم.. دايما يكون عدد طلبة الاسنان محدود عشان الشغل العملي اللي عندنا والمعامل لازم نسوف الدكاترة وقت التطبيق.. وهم يشوفوا عمل كل طالبة فينا ويقيمونا و كبر العدد يصعب الشي دا و يزيد من الوقت غير اننا بالتأكيد احسن من البشري ومميزين :p بالنسبة للدوام .. فهو يعتبر طويل لانه عندنا عيادات ومعامل .. لكن في سنة ثانية نخرج بدري و مو ضغط مره كبير لكن الحلو اننا بعدين ما عندنا شيفتات ليلية ولا مناوبات ليوم كامل زي الطب البشري وهذا مره يريح الامهات والمتزوجات وماشالله عندنا بنات كتير متزوجات و امهات كمان.. ربي يعطيهم العافية والحمدلله ماشي الحال معاهم بشكل كويس بالتوفيق لك

تسلمين ياعسل
الله يسمنع منك واكون معاكم السنه الجايه((صح معدلي حلو بس عندي احساس انهم بيكتفوا وان النسبه ماوصلت لعندي))
دعواتك