المسابقة الرمضانية الثانية ( التفاصيل + الشروط )

[Naser]

السلام عليكم ورحمة الله وبركاته

يا اخواني واخواتي
اللي يسأل هل ينفع اشارك معاكم ؟ .. انت أو انتي اللي تحددو الإجابة
تبغى تشارك اهلا وسهلا , ما تبغى برضو اهلا وسهلا

اما اذا كان الاستفسار عشان الشروط
كل الاعضاء ( حتى لو من المريخ وما يعرف السعودية فينها ) يقدر يشارك ( اهم شي ) يشارك بعضوية وحده يعني ما يسجل بأكثر من عضوية .

النقطة الثانية
أي عضو سجل في المنتدى من أول ما إفتتحنا الموقع , حتى نهاية يوم 6- 8- 2010 ميلادي .. يقدر يشارك
على طول بدون ما يسجل أو يأخذ الإذن بالمشاركة
لكن اللي سجل في تاريخ 7-8-2010 او 8-8-2010 وما بعدهم .. للأسف ما يقدر يشارك .


النقطة الثالثة
كثير ناس تسأل فين نحصل الاسئلة ( طيب يا اخوان المسابقة اليوم لسا بدأت .. فطبيعي ما راح تحصلو اسئلة ولا محاضرات ) عموما نزلت المحاضرة الاولى بعد صلاة التراويح , وتحصلونها ( تحت ) هذا الموضوع
في نفس القسم .


النقطة الرابعة
طريقة المشاركة سهله يا اخوان
اسمع المحاضرة > اقرأ الأسئلة > ادخل قسم الإجابات > افتح موضوع جديد > جاوب على الاسئلة
اليوم الثالث ( السؤال الثاني )
اسمح المحاضرة> اقرأ الأسئلة > ادخل على موضوعك في قسم الاجابات> اكتب رد جديد> جاوب على الاسئلة
وهكذا

[Dream G!rl]

× لكل عضو الحق بكتابة موضوع واحد فقط في قسم الإجابات وسيتم إعتماد الموضوع الأول له فقط وكذلك اعتماد الإجابة الأولى ( تستطيعون استعمال خاصية تعديل الرد )

ليش مافي خاصية التعديل

[Naser]

المشاركة الأصلية كتبت بواسطة bebabello طيب انا سنة تحضيرية و الشهر اللي فات سجلت بالمنتدى , محا ينفع اشارك بالمسابقة ؟؟؟؟؟؟؟

هلا اختي
انتي سجلتي بتاريخ 9 - 8 - 2010 فما ينفع تشاركي للأسف يا اختي

[Naser]

المشاركة الأصلية كتبت بواسطة منتسب وللعلم ملتزم أخوي ناصر لدي سؤال اللي أنا فهمته هو إن كل الإجابات في موضوع واحد وكل يوم في رد مستقل وأنا كتبت الإجابات بأسلوبي هل هذا سيمنعني من تكملة المسابقة أتمنى أن تفيدني وشكرا لك

صح يا اخوي
كل الاجابات في موضوع واحد , وكل يوم في رد مستقل

مافهمت ؟ .. كيف كتبت الاجابات بإسلوبك ؟
الطريقة اللي جاوبت فيها نفس اللي كل الاعضاء مجاوبين فيها .

[m ksa]

مشكور اخوي ناااصر

والله لا يحرمكم الاجر

المسابقة مره واضحه ،،

بس الاخوان والاخوات ما قرؤا الشروط والا كانت واضحه لهم ..

[Naser]

المشاركة الأصلية كتبت بواسطة maraheb alrabie بليييييييييييييز ساعدوني بعد ما سمعت المحاضرة مو راضي يحط اجاباتي ليش؟؟؟ وفين الاقي قسم الاجابات ؟؟؟

يا اختي وين حاولتي تحطي إجاباتك ؟
اكيد في هذا القسم , وطبعا ماراح تقدري تحطي اجاباتك هنا

الاجابات كون في قسم الإجابات
هنا يا اختي :
http://www.skaau.com/vb/forumdisplay.php?f=171

[Naser]

المشاركة الأصلية كتبت بواسطة abdullah.al-hazmy رابط قسم الإجابات http://www.skaau.com/vb/forumdisplay.php?f=171 أتمنى من الإدارة التعديل على صلاحيات المنتدى حتى نتمكن من تعديل الردود

يعطيك العافية اخوي
بالنسبة الصلاحيات , انا ذكرت كل عضو يتأكد من اجابته قبل ما يجاوب
وخاصية تعديل الرد موجودة , لكن محدودة بوقت قصير

[Naser]

المشاركة الأصلية كتبت بواسطة سآحرة القلوب مني قآدره أعدل الرد ليش ؟!!!

يا اختي الرد محدود بوقت معين
ياليت تتأكدي من اجاباتك قبل ما تكتبيها

[Naser]

المشاركة الأصلية كتبت بواسطة متى! ججزآآآكم الله خيير.. وجعله الله في موآزين حسنآتكم .. طيب أنآ بسسجل معكم إن شآء الله .. يمديني والا ؟؟!!

وجزيتي بمثله

يمديكي يا اختي تشاركي بشكل مباشر , مو شرط تنتظري موافقتنا دام الشروط منطبقه عليك .

[Naser]

المشاركة الأصلية كتبت بواسطة m!ss dana المحآضره ماتشتغل؟؟!!!

هلا اختي

فيه اكثر من طريقة عشان تسمعي المحاضرة
إما عن طريق موقع الاسلام
او عن طريق التحميل المباشر من المرفقات

في حال ان الملف ما اشتغل عندك بالجهاز , حاولي بجهاز ثاني او مشغل صوتيات ثاني
وان شاء الله يشتغل معك

وبلغينا اذا ما اشتغل
وياهلا