تجمع للمتقدمين والمتقدمات للدراسات العليا لعام 1432 - 1433 هـ

[مجــد]

المشاركة الأصلية كتبت بواسطة _نضال_ كمان هل فعلا محتاجين صورتين شمسيه ..حتى للطالبات

ارجواالاجابة ممن طابقوا اوراقهم

[eeMonoOnee]

مساء الخير
نفيدك بعدم قبولك بجامعة الملك عبد العزيز
مع أطيب الأمنيات بالتوفيق
عمادة الدراسات العليا

كان عندي امل كبيييييييييييييييييييير انو انقبل لاكن اليوم لما وصلت الرساله وربي قمة التحطيييييييييييييييييييييييييييييييم حسبي الله ونعم الوكيل يعني هيا دراسه ومن حقنا انو نكمل تعليمنا ليه مايقبلوا اكبر عدد ليه بس يقتصروا على 9 او 5 او 10 بنات بس لكل قسم يعني دحين لاوظيفه ولادراسه ولا شي
ايش اقدر اقول بس الحمدلله على كل حال
الله يعوضنا بأاحسن من الماستر يارب و
ويوفق الي انقبل يارب وييسر لهم دراستهم ياااااااااااااااااااااارب

[miss_jeje]

المشاركة الأصلية كتبت بواسطة _نضال_ كمان هل فعلا محتاجين صورتين شمسيه ..حتى للطالبات

طبعا ضروري الصورتين عشان يطلعوا لك بطاقة جامعية تستلميها اول ما تبدا الدراسة

[miss_jeje]

المشاركة الأصلية كتبت بواسطة _نضال_ طيب كمان سؤال اختي العزيزه اروح اخذ الافاده الي من الجامعه في اليوم المحدد للتدقيق ولا لازم من قبل يعني لازم اروح يوم التدقيق وانا معايا البرنت ؟ولا كيف وياريت كمان توضحي فين هذا مبنى 3 يعني كيف نوصلو في اي كليه طب ولا ايش معليش انا مو من جده وما اعرف نهائي وشكرا جزيلا ..إن شاء الله يكون استفساري واضح

مبنى 3 موجود داخل الحرم الجامعي الخاص بالطالبات و اول ما تدخلي من البوابة الشمالية ممكن تسالي الامن و راح يدلوكي على المبنى وهو كبير وواضح و ما راح تتوهي بس اهم شي انك تسالي
بالنسبة للبرنت اول ما تدخلي صالة القبول راح تاخذي رقم و بعدين يطلبوا انه تكتبي اسمك و تخصصك يعني لازم تكوني في اليوم الخاص بكليتك و كل كلية لها 3 ايام عشان التدقيق
وراح تنتظري دقايق او على حسب الزحمة عشان يطبعوا لك افادة و وقتها تروحي الاحوال و هي في نفس الحي راح تلقية في الاندلس مول وفي دقايق يطبعوا لك البرنت و ارجعي الجامعة و كملي الاجراءات ولازم تكون معاكي صور لكل الوثائق الاصلية + صورتين شمسية
و موفقة يارب

[miss lulu]

أم دالين ^_^

الله يبارك فيك ياقمر

وألف مبروك لكل المقبولين

واللي ربي ماكتب لهم القبول يارب ياكريم يعوضكم بأحسن من الماستر ويرزقكم من اوسع ابواب رزقه ويحققلكم كل اللي تتمنوه

سمعت في نهاية رجب بيفتحوا برامج للماستر بس ماعرف اش التخصصات وصحباتي بإذن الله بيقدموا تاني ويارب يكتب لكم القبول

[miss lulu]

المشاركة الأصلية كتبت بواسطة ?؟ سموره ?؟ السلام عليكم ورحمة الله وبركاته ألف ألف مبروووووك لكل المقبولين والي ما اتقبلو خيرها بغيرها يارب كان عندي تساؤلات بالنسبة للبرنت الي من الاحوال المدنية ودورت في كل المواقع بس مالقيت احد يفيدني و اليوم انا رحت الجامعة وحبيت افيدكم اولا: تروحي الجامعة المبنى 3 غرفة 3270 << ايوه هيا نفسها صالة القبول ثانيا: تطلبي منهم افادة (خطاب رسمي) ثالثا: تروحي الاحوال المدنية الموجودة في الاندلس مول في الدور الاول ما حيأخروكي ان شاء الله.. انا اول مادخلت اخدت رقم وعلى طول نادو الرقم واخدت البرنت رابعا: ترجعي للجامعة وتعطيهم البرنت و بقية الاوراق لتتم عملية التدقيق.. دعواتكم

الله يعطيك العافيه ع التوضيح
ويارب يجزاك الخير ويسهلك امورك كلها
ويوفقك ف دراسة الماستر

[سومة]

بليز ممكن احد يفيدني في الدوره البديله للاداب ولما اجي اسدد الرسوم بيطلبو رقم الترشيح او الرقم الجامعي دا من فين اجيبو
لان زوجي دحين في فرع سامبا وبيطلبو منو دي الاشياء لان راح اروح بكره للمطابقه انشا الله ونفسي ما اتمشور كتير

[همسة ورد]

حبيبتي رقم الترشيح هو الرقم الي تدخلي فيه بوابة القبول

[سومة]

شكرا همسة ورد الله يسعدك
خلاص حأديه الرقم دا
اللي هوا اليوزر نيم تبع قبول صح

[همسة ورد]

اي حبيبتي صح