اتفضلو حطو اسئلتكم في اخر تجمع في الانجلش ... :)

[أحلى أروما]

برب <<< صلاة

[life]

ياجماعه ممكن احد يشرح شبتر 6 في الجرامر وشو القاعدات الي معانا في شبتر 2 لانو كانو دكتورتنا حكيت انو القاعدات الفيو وليس وهدول مو معانا اذا انا غلطانه حدا يصححلي بلييييييييز ...>>>انجليزي بالمقلوب هههههههههههه

[الفنانة]

المشاركة الأصلية كتبت بواسطة أحلى أروما بنات حبايبي أنا بس باقيلي شابتر 4 في الجرامر والفوكاب ودحين بيجينا خالي ومرته وكالعاده رح أحبس نفسي في الغرفه بس لازم كل شويتين أطلع أشوف ماما لو محتاجة شي يمديني أخلص اليوم؟؟

بالرااااااااااااااااااااااااااااحة كمان

شابتر 4 اعطيه نص ساعة بالكتيــــــــــر
والفوكابلري اعتبريه حكاية هههههه

لانه بس اقري وانتي مركزة وان شاء الله كل شي تمام التمام

[الفنانة]

المشاركة الأصلية كتبت بواسطة life ياجماعه ممكن احد يشرح شبتر 6 في الجرامر وشو القاعدات الي معانا في شبتر 2 لانو كانو دكتورتنا حكيت انو القاعدات الفيو وليس وهدول مو معانا اذا انا غلطانه حدا يصححلي بلييييييييز ...>>>انجليزي بالمقلوب هههههههههههه

ادخلي موضوع خوخا حقت القرامر تلاقي شرح هناك .. واذا صعب عليكي شي .ز ارجعي تاني هوون :)

وشابتر 2 معانا :
(part 1 (a+b
(part 2 (a+b

[miss nony]

مرحبآآ صبآآيا كيفكم؟؟!
بالرايتنق عندي جزئية ماني فاهمتها من كويز 2 ممكن الي تعرف تشرحها لي

part3 شبتر 3
avoiding faulty reasoning

الاربعه كلها ماني فاهمتها خخخخخ

[كلي مشاعر]

حبايبي ابيكم تشرحون لي في writing

صفحه 56 في شابتر 3 لان في الاختبار الثاني جابو من هالصفحه ولا كنت فاهمتهاا

وابي اسأل كيف المفروض نذاكر الرايتنج ؟؟ بس القاعدات والا نقرا strategy؟؟؟

؟؟؟؟

[زهرة الثلج]

كيفكم ياصبايا مع الانجلش ..
انشاءالله تمام ...

بس بغيت اتأكد من موعد الاختبار ...
الساعة 1 يبدأ وينتهي 3 ؟؟؟؟؟
من أي بوابة ؟؟؟؟؟؟

[احدهم]

as……..as مثله مثل (بالضبط)
not as….as ليس مثله مثل


as……..as مثله مثل (بالضبط)
يستخدم هذا الاصطلاح حين وجود مساواة بين صفتين.
Ali is as tall as his brother.
This bag is as big as my bag.



not as……..as ليس مثله مثل
يستخدم هذا الاصطلاح في حالة عدم وجود مساواة بين صفتين.
Ali is not as tall as his brother.
This bag is not as big as my bag






مدري شفت ناس تسال ومو عارفه اذا احد جاوبهم المهم هذي هي الاجابه

بنااااااااااااات البور الي حوالين رد 160 مره جيد تقريبا كللللللللل قاعدتنا فيه وهذا الي فوق منه

[الفنانة]

المشاركة الأصلية كتبت بواسطة miss nony مرحبآآ صبآآيا كيفكم؟؟! بالرايتنق عندي جزئية ماني فاهمتها من كويز 2 ممكن الي تعرف تشرحها لي part3 شبتر 3 avoiding faulty reasoning الاربعه كلها ماني فاهمتها خخخخخ

المشاركة الأصلية كتبت بواسطة كلي مشاعر حبايبي ابيكم تشرحون لي في writing صفحه 56 في شابتر 3 لان في الاختبار الثاني جابو من هالصفحه ولا كنت فاهمتهاا وابي اسأل كيف المفروض نذاكر الرايتنج ؟؟ بس القاعدات والا نقرا strategy؟؟؟ ؟؟؟؟

هنا لازم تعرفي اش هيا الاستدلالات الخاطئة وهيا ممكن تكون غلط بـ 4 طرق:

1/ False analogy (التشبيه الغلط)
وهيا انك تقولي انه حاجتين متشابهتين في كل حاجة .. بس لانك لقيتي وجه او وجهين للشبه بينهم .. مثلا:
الرأي: Dancing is the same as fighting
السبب : Both are done with a partner

دا يعتبر تمثيل غلط .. مو بس عشان الرقص لازم يكون فيه اتنين والرقص اتنين قلنا انهم خلاص زي بعض بالتمام

2/ Overgeneralization ( التعميم )
وهو انك تقولي ان شي معين ينطبق على كل الناس عشان شفت واحد او مجموعة فيها دا الشي ...مثلا :
الرأي: Rich men aren't generous
السبب: There is a wealthy man who comes into the restaurant where I am a waiter, and he never leaves a tip

انتي هنا قلتي انه الرجال الاغنياء كلهم بخيلين ..ليش؟؟! عشان واحد رجال غني دايما يجي المطعم اللي تشتغلي فيه جرسون ومايعطيكي بقشيش << شوفي التخلف

يعني انيت عممتي البخل على كل الاغنياء عشان خضرتك ماتاخدي بقشيش من الرجال داك بلى في شكله


3/ Irrelevant argument ( دليل ماله علاقة بالموضوع)
زي لما واحد يقول لصاحبه اشبك ماسلمت يقله عشان استاذ الكيمياء اليوم اعطانا الدرجات << بالله اش دخل

زي المثال اللي عندنا :
الرأي: مااعتقد انه المحاسبة هيا اللي سرقت الفلوس
السبب : عشانها نايس كل يوم تقلي هيلوو << اش دخل ياابني

4/ Circular reasoning ( الاستدلال المبروم )
المهم زي لما نقول : ليش عصبت على البنت ؟
تقول : عشاني كنت معصبة
يعني نفس الكلام يتعاد بمصطلحات تانية

المثال اللي عندنا :
الرأي: بيتر مرة مايكذب
السبب: لانه دايما صريح

[متاخره واااايد]

اوكيك نبدا بالشرح احم احم <<< بدات الفلسفه هههههه

اوكيك بشرحو بالعربي لانو عباره عن فهم

1_ False analogy

يعني يساوي بين شيئين بنائا عن وجود تشابهه بينهم
مثلا Dancing is the same as fighting
يعني الرقص مثل المضاربه
Both are done with apartner << السبب
والسبب انو الاثنين يحتاجو لشخصين

2_ overgeneralization
يعني التعميم

مثلا تقلك كل الاغنيااااء كرماء
السبب انو مره واحد غني جا للمطعم اللي انا اشتغل فيه وعطاني بقشيش <<< طبعا المثال موجود بصفحه 56 بالانجلش

3_ irrelevant argument
اللي هوا سبب عشوائي

مثلا تقلك وحده استلفت فلووس وماسددتها وبعد فتره سار لها حادث

السبب انها مارجعت الفلوس لاصحابها

طيب هدا اش دخلو في الحادث فهذا سبب عشوائي <<< برضو المثال موجود بالكتاب

4 _ circular reasoning
اللي هوا السبب الدائري يعني ماجاب سبب اللهم عاد نفس الكلام بطريقه غير

يعني مثلا يقلك احمد مايكذب ابدا
والسبب انو دايم صادق

طيب هنا مافي سبب اصلا عاد نفس كلامو

فهمتو عليا ؟؟؟

اتمنى افدتكم بشي