متابعة الحذف والاضافة

[عبير العسيري]

بنات أنا حاولت أضيف بس ولا ماده أنظافت مافيه شعب
مدري أيش الحكايه
وش الحل أبي أضيف قبل مايقفل الحذف والأضافه
وأسماء الدكتورات ليش مانزلت

[ام حمدان]

المشاركة الأصلية كتبت بواسطة عبير العسيري بنات أنا حاولت أضيف بس ولا ماده أنظافت مافيه شعب مدري أيش الحكايه وش الحل أبي أضيف قبل مايقفل الحذف والأضافه وأسماء الدكتورات ليش مانزلت

عبوره هذا الموضوع اطالبات الانتظام مو انتساب

وغريبه نزلك جدولك انتي عندك اعفاء ؟
لانه التسديد لسى ماتفعل في البنوك
اغلب الشعب فل وطبعا نتيجة خطا في النظام لذلك ماراح تقدري تضيفي شي الا لمن يتعدل الخطا هذا وإن شاء الله مايخلص هالاسبوع الا وهالشي تعدل لاتخافي متعودين على حركات الاودس وتخريفه
ولاتخافي لسى عندك طويل للحذف والاضافه
واسماء الدكتورات تآخذ وقت بالعاده ماتنزل بدري يعني لو بتنزل بدري ممكن تنزل اخر الشهر هذا إن شاء الله ويارب ماتتأخر اكثر من كذا موادي جدولي يعتمد على الاستاذات

ربك يعين ويسهل

[wed0o0]

انا كمان نزل جدولي
وجربت احذف واضيف مرة ماكان في مجال

[ام حمدان]

اصبروا شويه لمن يرجع للنظام عقله هالحركه تصير كل ترم تقريبا وبعد كذا تتعدل لاتقلقوا انفسكم

كل الي عليكم تشيكوا من فتره لفتره ولو شفتوا الشعبه الي تبغوها زرقاء على طول اهجموا عليها :) وبس

[نسيم الحجاز]

أيوا حتى انا نزل جدولي وقدرت احذف مادة علم دلالة كانت نازلة لي في الجدول بس طبعا عشان اسماء الاستاذات مانزلت ماغيرت شي .
سؤال لأم حمدان .. لو اخذت المواد (ريدنق ورايتنج واستماع مع فرنسي) 2 وانا كمان نازلتلي في الجدول مادة مبادي ادارة عامة هل افضل اخدها الان ولا احذفها واحط ثقافة 3 ؟

[ام حمدان]

ياعسل ليه تحذفي اصلا
كلها تقدري تآخذيها مع بعض خاصه انه دورتكم بدري وبيكون عندك وقت طويل للمذاكره فمن رايي لاتحذفي الاداره واخلصي منها الحين احسن واضيفي كمان ثقافه 3 اغلبنا بيآخذ في الترم الثالث والرابع 6 مواد عادي والحمدلله يكفينا الوقت فلا تخافي من ذي الناحيه

وربك يسهلهم عليك

[wed0o0]

بدي اخد رايكم انتو كمان .."كتبته في موضوع تنظيم الجداول واختيار المواد"



بنات انا متردده مره في جدولي ..بدي اخلص خلال 3 سمسترات " باذن الله"

ورتبت لنفسي هذه الجداول.. بليز اعطوني رايكم فيه

الان:ادب
فرنسي 2
براكتكم 1
ابلايد
سمانتكس
شكسبير



واللي بعده:سمينار
كرتيسزم
بويتري
مودرن
مناهج بحث



واللي بعده:براكتكم 2
فيكشن
سوسيو


هم حاليا نزلولي الجدول هذامناهج بحث
ادب
الدلاله
لغويات تطبيقيه
براكتكم 1

بس بدي اغيره للي ذكرته في الاول وبنفس الوقت متردده لانه الترم الجاي حيكون البحث سنترا.. فهل اخليه زي ماهو او اغيره للي انا كاتباه؟؟

و نور قالت انه حلو بس فيه ضغط .. وانا كمان حاسة اني حنضغط كتير واخاف مااجيب درجات حلوة
بس لو خففت المواد لازم ازيد سمستر كمان وانا مررررة مليت احس اني مرة طولت بالجامعه من 06 :( !!
سرت استحي كل ماسألوني ماخلصتي مااتخرجتي قد ايش باقيلك؟؟!! في بنات اصغر مني واتخرجو قبلي وصاحباتي ايام المدرسة ماشاءالله كلهم اتخرجوا وكتير اتوظفوا كمان .. وانا

[دلع واسلوبها ولع]

المشاركة الأصلية كتبت بواسطة wed0o0 بدي اخد رايكم انتو كمان .."كتبته في موضوع تنظيم الجداول واختيار المواد" بنات انا متردده مره في جدولي ..بدي اخلص خلال 3 سمسترات " باذن الله" ورتبت لنفسي هذه الجداول.. بليز اعطوني رايكم فيه الان:ادب فرنسي 2 براكتكم 1 ابلايد سمانتكس شكسبير واللي بعده:سمينار كرتيسزم بويتري مودرن مناهج بحث واللي بعده:براكتكم 2 فيكشن سوسيو هم حاليا نزلولي الجدول هذامناهج بحث ادب الدلاله لغويات تطبيقيه براكتكم 1 بس بدي اغيره للي ذكرته في الاول وبنفس الوقت متردده لانه الترم الجاي حيكون البحث سنترا.. فهل اخليه زي ماهو او اغيره للي انا كاتباه؟؟ و نور قالت انه حلو بس فيه ضغط .. وانا كمان حاسة اني حنضغط كتير واخاف مااجيب درجات حلوة بس لو خففت المواد لازم ازيد سمستر كمان وانا مررررة مليت احس اني مرة طولت بالجامعه من 06 :( !! سرت استحي كل ماسألوني ماخلصتي مااتخرجتي قد ايش باقيلك؟؟!! في بنات اصغر مني واتخرجو قبلي وصاحباتي ايام المدرسة ماشاءالله كلهم اتخرجوا وكتير اتوظفوا كمان .. وانا

جدولك احسه مضغوط و خصوصا انو انتي مكثررره مواد ادب بالترم الواحد لو انتي مضطره تخليه ب 3 اترام يبيلك شده حيل
عندي كم ملاحظه إن شاء الله تفيدك
شكسبير محتاج شغل بس الحلو انو المسرحيات نفس تبع الترم اللي فات يعني تتوقعي ايش هيا الاسئله
لانو لو خليتيه ترم السنه الجايه رح يكون شي جديد و مممكن ماتلاقي اسئله سابقه
السيمنار مستحيل ينزلوه ليكي الا اذا كنتي تخرج و السوسيو لو تاخديه اول يكون احسن

ادب
فرنسي 2
براكتكم 1
ابلايد
سمانتكس
شكسبير



سوسيو ( الترم دا مرررره ضغط حيكون لانو كله مواد ادب و كلها يبيلها reading a lot)
كرتيسزم
بويتري
فكشن
مناهج بحث




براكتكم 2
مودرن
سيمنار

[روح رورو]

ايش هذا كل يوم يغيرولي شعبة الريدينق الحين خلوني الين 4 <<<تكه وتنفجر

ايش الحل معاهم

[دلع واسلوبها ولع]

يوووووووووووه انتي انتساب توني اشوف انا عملتلك الجدول عبالي انتظام و استاذاتكم غير سورررررررررري إن شاء الله احد يفيدك