جميع آلإستفسآرآت هنآ..~

[Reina Nina]

المشاركة الأصلية كتبت بواسطة فاطمة22 السلام عليكم ورحمة الله وبركاته أنا طالبة انتظام مسار علمي انهيت مواد التحضيري وتم قبولي في كلية التصاميم والفنون ولكن لا أعلم كيف اختار تخصص تصميم الأزياء أرجووو منكم افادتي

وعليكم السلام ورحمة الله وبركاته

تروحي للكلية وتختاري
قسم الأزياء للعلمي فقط

بالتوفيق

[Reina Nina]

المشاركة الأصلية كتبت بواسطة bashayer_hamed السلام عليكم انا حابه اسال عن التصميم الداخلي انا تخصصي اداره عامه والا احول لتصميم داخلي الترم الجاي بس يقولو التحويل سنوي في طريقه انو احول دا الترم او ادرس اشياء عامه في الكليه وبعدين اتخصص ياريت احد يعرف يفيدني

وعليكم السلام ورحمة الله وبركاته

ماعرف عن التصميم الداخلي بس اسألي المسؤولات والأستاذات في الكلية

وان شاء الله بنات التصميم الداخلي يفيدوكي

بالتوفيق

[فاطمة22]

السلام عليكم ورحمة الله وبركاته

أنا طالبة مستجدة في كلية التصاميم امس رحت عن الشؤون الطلابية عشان اتخصص وينزلو لي الجدول و قالو لي انهم حينزلوه امس او اليوم وإلى الآن مانزل

هل فيه أحد عنده نفس مشكلتي ؟؟ ولا هما كذا دايما يتأخرون ؟؟

[ايام الحياة]

بناااااات وحدة ترد

في بنت جاوبتني قالت لي اقل نسبة موزونة توقفعت عليها للقبول في كلية التصاميم والفنون كانت83

طيب هل هذي خاصة لاهل جدة او لجميع المناطق انا مش من جدة من الشرقية .>< وابغى اعرف كم توقفت النسبة للمناطق الاخرى غير جدة

[أوسان.]

ابغا أسأل طالبات التصميم الداخلي هل القبول فيه بس للسعوديات ولالا؟
وثانيا أنا ما أعرف أرسم ولا أعرف للبرامج زي الفوتوشوب والثري ماكس
بس أحب التنسيق والديكور ونظام ايكيا كدا تتوقعوا حمشي في التخصص؟ ولا هو يشترط الرسم؟
وهل حقدر أتعلم الرسم والبرامج ولا تحسو انهم يبغو بنات جاهزات وشيء مايتعلم؟

وثانيا إيش الفرق بين التخصص في كلية الفنون والتخصص نفسو في كلية الاقتصاد المنزلي تحت مسار ادارة السكن!
أحس دا بيركز عالتخصص أكثر صح؟

[BODUR]

*


أيام الحياة ,
حبيبتي اكيد القبول في جدة يختلف من كلية لكلية، فما بالك بمنطقة ثانية غير جدة؟
بس عمومًا دايما القبول يتوقف على شطارة الدفعة
يعني لو الدفعة نازلة وأغلب نسبهم 80 وتحت ف أكيد اللي موزونها 80 حتنقبل ب بإذن الله
يعني انتي لا تشيلي هم وحاولي تجيبي معدل عالي حتى لو القبول مايحتاج نسبة عالية لأن المعدل بييمشي معاكِ للتخرج
والله يوفقك ويحققلك مرادك وتتخصصي في القسم اللي يناسبك 3>

[BODUR]

*


أوسان ,
أتوقع مادام الأجنبية أنقبلت في الجامعة ودرست تحضيري ف ممكن تنقبل في ذا التخصص عادي
بخصوص الرسم أنا زيك نفسي أتخصص بس مرة ميح في الرسم
قبل كان فيه اختبار قبول يخنبروا رسمك فيه واذا قابل للتطوير تنقبلي
بس السنة اللي فاتت شالوه وان شاء الله مايرجعوه ذي السنة : (

التخصصين للآن ما عرفت الفرق بينهم ، يعني حتى الخطة الدراسية تتشابه ، بس اللي اعرفه ان الفرق يكون في الشهادة يعني في السليمانية تتخرجي من ( كلية الاقتصاد المنزلي - قسم الاسكان - مسار تصميم داخلي )
وفي كلية الفنون ( كلية الفنون - قسم تصميم داخلي )

[نوره عبدالرحمن]

السلام عليكم

انا ادرس تحضيري دحين في جامعة شمال جده , وحابه اعرف التصميم الداخلي بس في الرحاب ولا لا؟

راح احول باذن الله بعد ما اخلص التحضيري ومعدلي الحمدلله يدخلني بالراحه

حابه ازور الكليه يوم واتعرف على التخصص اكثر واحضر محاضرات اذا امكني

هل فيه طالبات ممكن انهم يتطوعون عشان نتقابل وتعرفني اكثر عالقسم ؟

واذا فيه مرشدات في نفس القسم *التصميم الداخلي* ممكن تذكرون لي اسمائهم وكيف احصلهم


ياليت احد يفيدني .. وشكرا مقدما

[ايام الحياة]

ايش الفرق بين

تصميم ازياء في كلية التصاميم والفنون

الملابس والنسيج في كلية الاقتصاد المنزلي

[BODUR]

المشاركة الأصلية كتبت بواسطة نوره عبدالرحمن السلام عليكم انا ادرس تحضيري دحين في جامعة شمال جده , وحابه اعرف التصميم الداخلي بس في الرحاب ولا لا؟ راح احول باذن الله بعد ما اخلص التحضيري ومعدلي الحمدلله يدخلني بالراحه حابه ازور الكليه يوم واتعرف على التخصص اكثر واحضر محاضرات اذا امكني هل فيه طالبات ممكن انهم يتطوعون عشان نتقابل وتعرفني اكثر عالقسم ؟ واذا فيه مرشدات في نفس القسم *التصميم الداخلي* ممكن تذكرون لي اسمائهم وكيف احصلهم ياليت احد يفيدني .. وشكرا مقدما

وعليكم السلام ورحمه الله وبركاته .
التصميم الداخلي موجود في الفرع الرئيسي ( السليمانية ) تحت كلية الاقتصاد المنزلي ومتاح للعلمي بس
وموجود في كلية التصاميم والفنون ( الرحاب ) ومتاح للعلمي والأدبي.
بالتوفيق