جـــــــميع الأنشطة المقـــــامة في الجامعة من هنـــــــــــــا ،،

[PiNk]

السلام عليكم,,
بنات اليوم كان افتتاح معرض الانامل المبدعة وح يستمر الين الاربعاء القادم 13/1
المكان في مبنى الشؤون - النادي الفني

تعاالو شوفو لوحتي الجميلة ("،)

[ღღღبيـــاض الثــلـجღღღ]

المشاركة الأصلية كتبت بواسطة pink السلام عليكم,, بنات اليوم كان افتتاح معرض الانامل المبدعة وح يستمر الين الاربعاء القادم 13/1 المكان في مبنى الشؤون - النادي الفني تعاالو شوفو لوحتي الجميلة ("،)

وعليكم السلام ورحمة الله وبركاتة

مشكوووورة على الخبرية

ان شاءالله بكرة اروح اشوف المعرض لاني لي كم يوم اشوفهم يصلحوا الموقع ..وماني عارفة ليه؟؟

بس اي وحدة فيهم لوحتك

[PiNk]

لوحتي عند ركن افريقيات اول ماتدخلي الجدار اللي قدام الباب
لما توصلي عندو في لوحتين ع اليمين انا لوحتي تحت ^_"
خلفيتها بيضا والاشياء تقريبا لونها اخضر...

ههههه كاني ب اوصف مدري ايش
بعد ما تشوفيها اعطينا رأيك...

[ღღღبيـــاض الثــلـجღღღ]

المشاركة الأصلية كتبت بواسطة pink لوحتي عند ركن افريقيات اول ماتدخلي الجدار اللي قدام الباب لما توصلي عندو في لوحتين ع اليمين انا لوحتي تحت ^_" خلفيتها بيضا والاشياء تقريبا لونها اخضر... ههههه كاني ب اوصف مدري ايش بعد ما تشوفيها اعطينا رأيك...

اليوم رحت المعرض

ماشاء الله لوحات تجنن وأعمال روعة

ورحت الركن الافريقي مرة حلو وشفت لوحة فيها اللون الاخضر قلت يمكن لوحتك بس صراحة كل الاعمال بمنتهى الجمال والروعة

سلمت يمناكم

[Rona]

أنا رحت المعرض ماشاءالله يجنن الله يعطيكم العافيه وتسلم أنااملكم
مرره كان نفسي انو في اشياء للبيع كتير اشياء عجبتني :d

[غلا وكلي حلا]

الله يسعدك مشكوره يابيااض الثلج

[sarah sama]

الدورات ببلاش ؟؟؟؟؟؟؟

[ღღღبيـــاض الثــلـجღღღ]

المشاركة الأصلية كتبت بواسطة sarah sama الدورات ببلاش ؟؟؟؟؟؟؟

ايه الدورات مجانية وبدون رسوم

[123]

دحين الدورات الي ناخدها تطلع شهاداتها بسرعة ولا تتأخر ؟
وبالنسبة للوقت يكون في وقت محدد بس ولا في اكتر من توقيت ؟
والدورات الي تاخدوها بتفيدكم في ايش ؟
وايش الفرق بينها وبين المحاضرات ؟ << سؤال مدري كيف @_@
وبالنسبة لمعرض الفنون يعلموكي الرسم ولا انتي تجي ترسمي عندهم ويعرضو لوحتك بس ؟
وابى اعرف بالنسبة للنوادي ابى اعرف ايش في من نوادي في الجامعة ؟

[ღღღبيـــاض الثــلـجღღღ]

المشاركة الأصلية كتبت بواسطة 123 دحين الدورات الي ناخدها تطلع شهاداتها بسرعة ولا تتأخر ؟ وبالنسبة للوقت يكون في وقت محدد بس ولا في اكتر من توقيت ؟ والدورات الي تاخدوها بتفيدكم في ايش ؟ وايش الفرق بينها وبين المحاضرات ؟ << سؤال مدري كيف @_@ وبالنسبة لمعرض الفنون يعلموكي الرسم ولا انتي تجي ترسمي عندهم ويعرضو لوحتك بس ؟ وابى اعرف بالنسبة للنوادي ابى اعرف ايش في من نوادي في الجامعة ؟

اهلين أختي

راح ارد على أسئلتك بالترتيب

- الدورات عليها شهادة طبعاً وممكن تأخذ أسبوعين وتطلع.

- الوقت يكون مختلف واكثر من وقت لان الي يقيموا الدورات اكثر من جهة في الجامعة في الشؤون وفي شؤون الخريجات وفي غيرهم.. فممكن كمان تلاقي تعارض بين دورتين في نفس الوقت.

- الدورات الي أخذها بالنسبة لي بالدرجة الاولى تطوير للذات وجداً استفيد منها في حياتي + شهادة + تفيد مستقبلا في الوظيفة مثل مانسمع.

- ههههه سؤال مدري كيف بجد بس بنظري المحاضرة تكوني مجبورة عليها عشان اختبار ودرجات حضور بس حضور الدورة رغبة شخصية وأخذ فايدة ومنها شهادة كمان..وغير كلام الدورات يختلف تماما عن المحاضرت الي اغلبها مملة في اوقات.

-معرض الانامل المبدعة يعرض بعض من اعمال الطالبات والمعرض في النادي الفني ..وهذا النادي تقدري تشتركي فيه لوعندك موهبة و تحبي الرسم او الاعمال الفنية وانتي روحي واستفسري بنفسك افضل..

- في النادي القراني
النادي الفني
نادي العلاقات العامة
النادي الرياضي

في الاخير اتمنى اكون افتدتك
تمنياتي لكي بالتوفيق