الأسئلة والاستفسارات عن كلية طب الأسنان ..

[مَـزٍآج ..}..]

مسسآء الخيـر ..

اعتقـد مآ يتم غير السعودييـن في الكليآت الصحيه عمومآً .. ولكن مآ ادري ادآ كانت الدرجآت عاليه حاله خاصه ام
لآ .. وممكن عن طريق منحه او شئ زي كذا ..

عمومآ مجرد رإأي ومو متآكد منـه .. بالتوفـيق !!

[عآآآفك الخاطر]

الله يوووفقكم يا اطبااء المستقبل

[nice-nona]

سسلام ياقدعاان

بخشش بالموضوع دووغري

اممم

انا دحين افكر ادخل كليه صحيه مع انو نسبتي عااليه ماشاء الله بالثانوي بس تعرفو الجامعات الحكوميه تخلي الواحد يقعععد ع ناار يا ايوا يا لا وخصصوصا بعد مااخترعولنا السسسنه التحضيريه ,, بعد دا كولو قررت ادخل اهليه لانها مضموونه

المهم ماعليييييييينا من دا كولو


ابغى اسالكم

شوو الاحسن

الصصصصصصصيدله ولا طبببببببب اسسسنااان ؟؟

ولييييش ؟

وشو مستقبل كل منهم ؟؟

ومن ناحيه فرص الششغل كمان ؟

وانا كـ بنت شوو ينااسبني فيهم ؟؟


ايوووه وكمان لغتكم بالبدااااااايه كيف كاااانت ,, وهل قدرتوو تمشوو مع المنهج والكتب الضضضضضخمه المليااااانه انجلش × انجلش وماانفجعتو هع^^

وكيف مشيتوها بالبدايه ترجمه ولامدرسسسين خصوصيين ولا كيف ؟؟ << منجد محتاااجه مسسسساعده بخصوووص دا لسؤال بذااات

وبعدين حسيتو نفسكم احسسسن باللغه في السنين اللي بعدها ؟


يعني حاابه استفسسسر عن كككل ششي عندكم قولوه ليا بخصوص الاسنان


اممم وممكن الكل يقوولي طب اسناان احسن لاني داخله ع قسمكم وحاطه الموضوع عندكم هع

بس بجد محتاااجه انكم تقولو الاحسن من جميييييييع النواااحي بدون التحييز ^^ اوكي


وششششششكرا والله يجزاكم كل خير

[DR.D]

يااااااااااااااااااااااااارب اكوون في هذه الكلييه الجمييله ^_^
ادعوولنااا بليييييييز

[مَـزٍآج ..}..]

وعليكم السسسلامـ ..

اول شئ ترا مآفي مقآرنه بين الكليتين ..

المفروض تحددي دخولكـ للكليه برغبتكـ . . صحيح لكن ابحث في الفرص الوظيفيه ومآ إلى ذلك

لكن الكليتين إن شآء الله مستقبلها قـوي ..

وبمآ إاني إأسناني .. اكيد بتكلم عن كليتنآآ

وكلنآ مرينآ بحالتكـ ومرحلة اختبآر الكليه .. مرحله صعبه بصرإأحه ..

انا بدإأيه دخولي الكليه كنت مره متردد .. لكن بعد مرور سنتين . . مره مبسوط في الكليه

الكليه ممتعه بمآ انها نظري وعملي .. لانه معروف النظري ممل ومتعب جداً ..

اما الأسنان ثلاث سنين نظريه وثلاث عمليه .. وحتى السنين النظريه فيها عملي . .

وحمد لله انا اخر ترم في السنوات النظرية وبدخل عآلم الكلينكـ ..

طبعا الثلاث سنوإأت الأخيره يكون لك عيآده تستقبل فيها البيشنت . .

بإأختصآر الكليه ممتعة .. وانا اشوفها منآسبه جدا للبنآت بمآ انو مافيها شيفآت اخر الليل والتعب دآآ ..

بالنسبه للأنقلش .. طبيعي في اول شهر راح تتعبي كثير ..

خصوصا الأنقلش مع المصطلحآت الطبية اغلبها بالآتيني ..

اول شهر تعب صرإأحه مع اللغه لكن مع الوقت تجمع مصطلحآت وتتعود على الوضع . .

وتمر في مرحله خلاص في الصفحه الوحده ممكن تترجم كلمه او حتى بعض الاحيان ولا كلمة ..

ومآ عندي معلومآت كثيره في الفآرماا غير انها سته سنوإأأت والكليه حقيقه صعبه

وفيها كيميآآآآآء لين تدوخ

واي سؤال تفضلي !!

[Dr~NanoOok]

وعليكم السلام ,,

إذا حابة إجابات بدون تحيز .. فما ينفعلي أجاوبك :p
أنا أحب تخصصي الأسناني جدا جدا ! وبالنسبة للصيدلة فهي الكلية الوحيدة اللي ابدا ما أشوف نفسي فيها ولا حبيتها "^^

و محد يقدر يعمل مقارنة صحيحة بين التخصيين إلا لما يجربهم الاتنين .. وقتها يحكم

ونحنا هنا ممكن نكلمك عن تخصصنا واللي جربناه وعشناه ,,

~

ابغى اسالكم شوو الاحسن الصصصصصصصيدله ولا طبببببببب اسسسنااان ؟؟ ولييييش ؟

طب الأسنان.. مجال عملي x عملي
واللي يحب الشغل العملي مره حينبسط في المجال
بالاضافة إلى الحفظ .. وفيها كمية لا يستهان بيها.. لكن الحلو وجود العملي بعدها اللي يسهل ويركّز المعلومات أكتر

و هو مجال دقيق.. ويهتم بالتفاصيل بشكل كبير.. اعتمادنا يكون على قياسات الملمتر و أجزاء منها

وأحلى مافيه امكانية الابداع !
وكل مالي بـ أكتشف أنه طب الأسنان فعلا فن

وشو مستقبل كل منهم ؟؟ ومن ناحيه فرص الششغل كمان ؟ وانا كـ بنت شوو ينااسبني فيهم ؟؟

تتخرجي طبيبة أسنان عامة .. بعدها تقدري تتخصصي بأحد التخصصات
وهناك مجالات كتير .. اقري عنها وحتعرفيها
وهي فعلا حلوة ومُحيرة .. للآن ما حددت بأي تخصص حابة آخدهة بعد التخرج
لكن الحلو اننا حندرسها كلها خلال البكالوريوس.. يصير يساعدنا على اتخذا قرارنا

وكمان مجال البحوث العلمية كبير .. لكل اللي حابين البحث واكتشاف الجديد
و في مجال التعليم والارشاد

يعني مو ملزمين بالشغل العملي في العيادات فقط

ايوووه وكمان لغتكم بالبدااااااايه كيف كاااانت ,, وهل قدرتوو تمشوو مع المنهج والكتب الضضضضضخمه المليااااانه انجلش × انجلش وماانفجعتو هع^^ وكيف مشيتوها بالبدايه ترجمه ولامدرسسسين خصوصيين ولا كيف ؟؟ << منجد محتاااجه مسسسساعده بخصوووص دا لسؤال بذااات وبعدين حسيتو نفسكم احسسسن باللغه في السنين اللي بعدها ؟

دايما في البداية كل شي يكون شوية صعب.. لكن مع التعوّد بيسهل ويصير شي مره عادي
و مع الوقت تحسي أن الدراسة بالانجليزي أسهل من العربي << ما يمزح والله

ودراستنا تكون من خلال ملازم.. بالاضافة للكتب اللي حاب يقرأ في الموضوع أكتر
وبرضو مع الوقت حتتعودي كيف تقري الكتب وتاخدي منها المهم.. وما تقري كل كل شي بالكتاب !

ومدرسين خصوصيين الحمدلله ما احتجت وما حسيت ان يحتاج الأمر
مع وجود بنات راحوا لمدرسين خصوصيين في مادة البيوكيمستري في سنة ثانية

[mahaw]

حبيت استفسر متى يبدأ الدوام و متى يخلص؟!!
وفي بريك ولا لا !!
لانو اكتر شي شايلة همو لو انقبلت في الكلية ان شاء الله هوا طول الدوام لأني مع كتر المحاضرات أفصل واتنح
ههههههه
وششكككرا مقدمااا

[Dr~NanoOok]

المشاركة الأصلية كتبت بواسطة هلالياه مسائكم أنا .. حبيت استفسر عن نسب المواد الي يبغونها للطب الاسنان انها مآ تكون اقل من b+ طيب السنه ذي , أحتمال يرفعونها يعني مثلا يبغون من كل ماده a ولآ .؟ انا درجات المواد الي انزلت لي حالياً حلوه , الاحياء جبتا فيها فل مارك والانجليزي a هالحين لو أجيب ب الكيمياء بالـ b مثلا , وموادي الثانيه درجاتها عاليه انقببل طب اسنان ولا لزمن تكون أعلى ؟

هم قايلين ما تنزل درجات المواد عن الـ b
واهم شي مجموع درجاتك يحقق النسبة الخاصة اللي طالبينها الكلية

وإن شاء الله نشوفك معانا السنة الجاية.. شدي حيلك وتوكلي على ربنا
=)

------------

المشاركة الأصلية كتبت بواسطة mahaw حبيت استفسر متى يبدأ الدوام و متى يخلص؟!! وفي بريك ولا لا !! لانو اكتر شي شايلة همو لو انقبلت في الكلية ان شاء الله هوا طول الدوام لأني مع كتر المحاضرات أفصل واتنح ههههههه وششكككرا مقدمااا

الدوام في سنة ثانية كان يبدأ من 8 الصباح
وننتهي على 2 او 3 .. ويوم واحد نخلص 4 عشان المعمل

ويكون هناك بريك من الاسعة 12 الى 1 يوميا

وغالبا دوامنا يكون طويل لكن اغلبه معامل.. ومن بعض الظهر اكترها تكون محاضرة واحدة بس والباقي معمل

بالنسبة لسنة رابعة والعيادات
ناخد في اليوم محاضرتين بس مثلا.. و الباقي عيادات او معامل
<< مره احسن وافضل من محاضرات نظري طول الوقت ومن جد تفصلي هههههههه

مثلا
ناخد من 8 الى 9 محاضرة
بعدين عيادة من 9 الى 12

ونرجع بعد البريك ناخد محاضرة من 1 الى 2
ومن بعدها عيادات الى 4 او 5

[مَـزٍآج ..}..]

تقريباً اطول دووام واتعب واهلك دوإأم في الحيآه في سنه ثالث ..

>> قاعد يعآني تهئ .. لكن اسبوعيـن وتتعود على الروتيـن ..

البآقي مثل مآ قآلت الدكتورهـ .. !!

[Dentistry]

السلام عليكم ورحمة الله وبركاته
انا اخوكم من ام القرى

صقيقكم طب اسنان

السموحه على اللقافه ....

بس زي ما تعرفو ماعندنا احد ناخذ منه خبره كلنا دفعتين

فمالنا غير الجيران

وعلى فكره شكراااا استفدنا كثير منكم واخذنا فييد باك عن التخصص والمواد (( مع اختلاف الجامعة لكن اكيييد نتشابه في المحتوى والمواد والطريقة ))

عطونا نصايحكم معلوماات اي شي

لاني احس نفسي نكرة ... مدري وشووو بس مو بحاااب الجامعة .. افتخر بالقسم ذاا لكن احسني غلط مدري .. هو الغلط فالجامعة ولا الدراسة ولا فيني ... بس من خبرتكم نستفيد ان شاء الله

وتراني جاااااااايكم باستفساراااات للييييل بس خلني ارووق

لا عدمانكم زملائناا