نقل اخبار الدورة التاهيليه للمستويات 6-7-8 للفصل الاول لعام 1433هـ (طالبــــــــات)

[NeeiNaaB]

لقيت الملفات بس المحاضرة السابعة ادتهم ورق يحلوها
وكمان على الاختبار ماقالتلنا كيف الطريقة لانه لسة المنهج جديد بس اعتقد حيكون نفس اسلوبها في المنهج القديم
وان شاء الله خير

[FREE]

مرحبا
مشكورة كثيرررررررر
بس الاوراق مره مو واضحه
ممكن تقولي التمرين ايش والكلمات الموجودة ايش بالضبط

[kadee]

جزاك الله خير والله يوفقك ويوفق الجميع
ريحتيني الله يريح بالك خلاص مارح اشتريها واتعب نفسي يكيفي المنهج طويل

[i still feel ya]

المشاركة الأصلية كتبت بواسطة i still feel ya اش يعني فيتشر؟؟؟مو قادرا افهم الجزء دا //+..-

[ashangel]

بنات ايش بلضبط محذوف من الكتاب المقرر في المورفولوجي كم شابتر معانا ؟؟

[NeeiNaaB]

المشاركة الأصلية كتبت بواسطة FREE مرحبا مشكورة كثيرررررررر بس الاوراق مره مو واضحه ممكن تقولي التمرين ايش والكلمات الموجودة ايش بالضبط

العفو ياقلبو
حتى انا مابانت عندي بس يمكن مع الطباعة تبان اكتر
وهادا كله حق الترم اللي فات يعني المنهج القديم انتبهوا اوكي
بالتوفيق للجميع

[NeeiNaaB]

المشاركة الأصلية كتبت بواسطة ashangel بنات ايش بلضبط محذوف من الكتاب المقرر في المورفولوجي كم شابتر معانا ؟؟

هو مو محذوف محذوف هي قالت مو مهم وانا ماشرة على الفصل الاول والتاسع بس هو اللي مو مهم بس سمعت البنات قالوا العاشر كمان

[external]

المشاركة الأصلية كتبت بواسطة ام حمدان external عزيزتي مااادري اذا بتجيبه على شكل جدول وتقولك تحطي الفيترز بس الي اعرفه انها قالت لنا لازم تصموها كلها وافتكر قالت بتجي زي طريقه الفونيتكس يعني تحط اصوات وتطلب تكتبي الفيتشرر او تحط فيتشر وتطلب تكتبي انتي الاصوات او ممكن تطلب فقط تحطي عند الفيتشر + او - يعني تقريبا بذي الطرق ولو انتي صامتهم فما تفرق معك لو تجيبها باي طريقه موفقين

شكررررررررا لك الله يعطيكي العافية والله انا حفظتهم بس لما اجي احل الاسئلة احس ماني فاكرة شي الله يسترها ان شاء الله. طيب معليش ام حمدان اذا مافيها كلفة عليكي ممكن تقولي لي الاسئلة حقت ch.8ماني قادرة افهم ايش المطلوب مني بالظبط ممكن لو بس تشرحي لي يعني لما تلاقي نفسك فاضية واله يجزاكي خير . او لو فيه احد من البنات يساعدني فجزاها الله خير

[ѕυрзя пıdσ]

نيناب ياعسل الله يجزاكي خير انتبهي الي نزلتيه حق المنهج القديم مررررررا يختلف عن الجديد

[external]

المشاركة الأصلية كتبت بواسطة i still feel ya اش يعني فيتشر؟؟؟مو قادرا افهم الجزء دا //+..-

والله انا كنت كدة مااعرف ايش هي الفيتشرز اصلا بس لما جيت اذاكر واقرا التشابتر فهمت واللي فهمته انه الفيتشرز هي خصائص او سمات بتميز كل صوت عن غيره او مجموعة اصوات عن غيرها واذا كانت الاصوات بتاخد + معناها انها هاذي الفيتشر بتنطبق عليها والعكس اذا بتاخد -. والكونسوننتس لها فيتشرز خاصة بها وكمان الفاولز لها فيتشرز خاصة وفيه بعض الفيتشرز الخاصة بالفاولز بتنطبق ايضا على بعض الكونسوننتس زي الvioce,high , low,back,round
ان شاء الله اكون افدتك واذا اي واحدة من الاخوات شايفة انه فيه تصحيح على كلا مي ياريت تفيدنا . والجدول اللي في اخر الفصل مهم
وبالتوفيق يااااارب