قبول الطلاب والطالبات الغير سعوديين

[مـ جدة ـلاك]

نعسان والله ماعندي علم بالسفاره وايش نظامهم ومواعيدهم الغبيه

ولو قدمت عن طريق الجامعه اصرف لك

دحين عندك فرصه تختبر قدرات

ويمكن تتزحلق على قولك *ــ^

انا بقدم في شعبان وزيك متخرجه السنه اللي راحت

موزوني 90 وخايفه يطيروني :$

الله يستر

[*_^seba]

عندي استفسار
في وحده سوريه ومقيمه هنا في السعوديه وتبغى تكمل انتظام و التخصص صيدله يقبلوها ولا لا واذا كان ايوا ايش الاجراءات الي تسويها ......؟؟؟؟؟؟؟؟؟؟؟؟

[نعسان]

المشاركة الأصلية كتبت بواسطة مـ جدة ـلاك نعسان والله ماعندي علم بالسفاره وايش نظامهم ومواعيدهم الغبيه ولو قدمت عن طريق الجامعه اصرف لك دحين عندك فرصه تختبر قدرات ويمكن تتزحلق على قولك *ــ^ انا بقدم في شعبان وزيك متخرجه السنه اللي راحت موزوني 90 وخايفه يطيروني :$ الله يستر

مااظن اني راح اختبر قدرات مره ثانيه لانه عارف نفسي ماراح اجيب اكثر من الي جبته

القناعه كنز لايفنى

حتى لو قبلوني مافي طب ولاهندسه تقريبا الواحد يتعب طول عمره عشان يدخل الشيء الي يبغاه

وفي النهايه مايلقاه مايبغالها الى الدراسه في اليمن بس شايفين الاوضاع كيف معفوسه فوق تحت

الله يعين بس

[!..غلا..!]

المشاركة الأصلية كتبت بواسطة مـ جدة ـلاك غلا والله بقولك رأيي نسبتك الثانوي مره حلوه اختبري قدرات مره تانيه وقدمي في شعبان لأنها فرصتك الاخيره لأنو الانتظام ما يقبلو لو مر على شهادتك 3 سنوات واذا ما انقبلتي سجلي انتساب وشدي حيلك حولي انتظام ماراح تدخلي التخصص اللي تبغيه في البدايه لأنو لو قدمتي تحويل حتقدمي في شعبان ويجيكي الرد بداية الترم الثاني يعني حتكوني قد اتخصصتي بس يمديكي تغيري القسم ان شاءالله ربنا يسهل لك وقوليلي ايش يصير معاكي

مشكوره خيتو ع الرد ..
بس المشكله اني اول ماتخرجت وجيبت كدآ في القدرآت ..
الحين بعد الجلسه في البيت سنتين
احس تبخر كل شي في رآسي أخااف اجيب نسبه اقل ...

[هيبة ملاك]

المشاركة الأصلية كتبت بواسطة *_^seba عندي استفسار في وحده سوريه ومقيمه هنا في السعوديه وتبغى تكمل انتظام و التخصص صيدله يقبلوها ولا لا واذا كان ايوا ايش الاجراءات الي تسويها ......؟؟؟؟؟؟؟؟؟؟؟؟

إذا هيا انتساب تجيب معدل 4.75 وتقدم اوراقها لقسم الرجال وراح تنقبل ان شاء الله الترم اللي بعدو

[هيبة ملاك]

المشاركة الأصلية كتبت بواسطة dalia ~ طيب انا دحين ادرس انتساب ونفسي في الإنتظام وقدمت تحويل ولقيت معاملة زي الزفت من وحده حسبي الله عليها مع العلم انو نسبتي ومعدلي ودرجتي الموزونة مرره ماشاء الله حلوه ودحين نفسي اعرف لو رحت وقدمت ينفع ولا بيقولولي خلاص كملي انتساب ؟!.. ايش رايكم؟!,, انصحوني ..

قدمي آوراقك لقسم الرجال وراح تنقبلي الترم اللي بعدو بإذن الله
انا قدمت شهر 8 وانقبلت دا الترم الحمدلله

بس اهم شي معدلك فوق 4.75
موفقه

[beautifulgirl]

حتى أنا والله نفسي أحول انتظام وادخل تخصص كيمياء ومعدلي 4.30
بس ما أدري إيش أسوي
أتمننى تساعدوني

[هيبة ملاك]

المشاركة الأصلية كتبت بواسطة !..غلا..! يسعد صبآحكم حبآيبي أنا متخرجه قبل العآم ونسبتي في الثآنوي 94,60 علمي بس بعد القدرآت انخسف لـ80 كنت تاني سنه في القدرآت وإختبآر واحد بس مو زي دحين إختبآريين قدمت في الجامعه عن طريق قسم الرجال ماانقبلت وقدمت عن طريق السفآره كل مايفتحو المنح أقدم أخر مرآ رآح الوالد السفاره قاله الموضف مافي أمل تنقبل لاتقدم أحسن أسأل صح بجد ماافي أمل انقبل انتظام اعيد قدرآت ؟؟ ولا اسجل انتسآب ؟؟ مشكله انتساب مافي القسم الي ابغاه ( تقنية معلومآت ) سهل التحويل من انتسآب لإنتظآم ولا لأ ؟؟ سوري طولت عليكم بس بجد مو عارفه اش اسوي احس اني ضايعه نفسسي اخلص درآستي سآعدوني ربي يعطيكم ألف عآفيه سوري ع الإطآله حبآيبي

سجلي انتساب وحاولي تجيبي بالتحضيري معدل 4.75
ولما تخلصي التحضيري قدمي اوراقك من عند قسم الرجال وراح تنقبلي السنة التانيه الترم التاني ان شاء الله

[مـ جدة ـلاك]

صباح الخير

وين البنات

ماعاد نشوفكم :(

[طالبة اللغة العربية]

هيبة ملاك انت غير سعودية؟
انا أعرف انو نظام التحويل من الانتساب للانتظام خاص بالسعوديين
أنا هاذي السنة رحت مع جارتي لأنها بتسجل انتظام سمعت وحدة تقول يقبلوا النسبة الموزونة من 90 لفوق والله أعلم
وعن تجربة أي وحدة عندها استفسار أو تريد تسجيل لا تروح عند الحريم نصيييييييييييييييييييحة ترى ما تلاقي إلا الذل
وانت يا غلا عيدي اختبار القدرات وذاكري له مزبوط شوفي الاختبارات القديمة المواقع ملياااااااانة ذاكري وربنا ما يضيع تعبك بعدين قدمي الله يسهلك